The best things in life are unseen ,, that's why we close our eyes when we kiss, cry, and dream .

2/27/12

العقل وحده .. يكفى !!

"فيكِ كل ما أرغب من عشرة هادئة وشخصية متزنة ورصينة ..وعطف كعطف الأمهات لكن الحب شئ أخر بكل أسف .. وهو دائما لهيب متأجج بالسعادة أو العذاب وحتى عذابه يجعل للحياة مذاقا مختلفا عن طعم الركود لهذا فهو عدو الاعتدال"

بما أنى قرأت كتاب أفتح قلبك لعبد الوهاب مطاوع
أستوقفتنى الفقرة دى جدا
هو فعلا ممكن تحصلنا حاجة كده
ممكن نرتبط بشخص فيه كل الصفات الكويسة وكل ده ميدفعش الحب جوانا ناحيته !
هو صح الكلام الى بيتقال ان العِشرة حاجة والحب حاجة تانية !
يعنى أنا مثلا ممكن لو اتقدملى حد اقبله واتجوزه بقرار من عقلى
وهل فعلا ممكن حتى مع الايام قلبى ميتحركش جوايا اصلا وأكمل لمجرد انى أصون العشرة  والمعاملة الطيبة؟
انا مش قادرة أتخيل ده فيوم من الأيام بصراحة

"فإن أقل البيوت الذى يبنى على الحب"

عبدالوهاب مطاوع شكله قاصد ينكد عليا ويخلينى أشك فحاجات.
ده من نفس الكتاب نقلا عن قول سيدنا عمر بن الخطاب
طيب أيه يعنى ! خلاص مفيش أمل كده !
أنا مش عايزة أعيش حياة عقلى هو الى يخترها
أنا عايزة أنا كـ(مها) الى أسيطر بعقلى وقلبى وكل حاجة اصلا
كنت دايما بقول أن فالجواز فى حاجات كتير قوى مهمة عن الحب
ومش هو الاساس الى بيتبنى عليه الباقى
بس برده كنت بقول ان بعد حاجات كتيرلازم الحب يبقى هو نهاية الطريق
الى هنوصله بعد كل الحاجات دى
انا مش مهم طريقى يبقى أوله حب .. أنا أهم حاجة عندى إن يبقى اخره حب
يا ربنا لو سمحت اكتبلى الخير ليا وزينهولى بالحب
بس ده ميمنعش برضه أن لو جالى الحب الأول أكيد هفكر :$

I'm here .. so close .. believe me, u'll be perfectly happy
I Pray 4 YOU :)


على الهامش : بقيت شوريرة وبعرف أرد (بخشونة) على الأرقام الغريبة السخيفة الى بتعاكس
على الهامش 2 : حفلة فرقة اسكندريلا عندنا فالجامعة(القاهرة طبعا) هتبقى يوم الحد الى جاى 4/3 من 12 ل 3 ظهرا..ها مين هيجى معايا ؟؟ 

25 comments:

  1. ممممممم

    بصي يا مهموهتي ..
    أنا مش هفتي كتير .. و أقوله إن الحب من غير عقل مش كفاية وإن عقل من غير مشاعر وقلب بيحس يبقى ملوش لازمة ..
    ومش هتكلم كتير في موضوع الجواز والحب عشان دي كدة منطقة أعراض :D :D

    كفاية أقولك
    "وَمِنْ آيَاته أَنْ خَلَقَ لَكُمْ مِنْ أَنْفُسكُمْ أَزْوَاجًا لتسكنوا إليها وجعل بينكم مودة ورحمة "

    ربنا يرزقك بالزوج الصالح الذي يدخلك الجنة ويجعلك له حسنة في الدنيا لينال حسنته في الآخرة
    :))

    ReplyDelete
    Replies
    1. مهموهتى ! أنا أنسة لوزة لو سمحتى
      هههههههههههههههههههههههه
      بحب أرخّم أوى اصلا :$
      حححححححححح
      طيب ادينى مستنية الموده والرحمة أهم يا أوختشى :$

      اللهم آميييين آميييييين آميييييييين

      يا رب الدعاء ده ليا أنا .. أنا أهو أنا أهو :$
      هههههههههههههههههههه

      Delete
  2. أنا بعد العمر الطويل ده إقتنعت بوجهه نظره اخيرا

    :) قرار الجواز بيبقى ناتج عن حاجات كتير قوي قوي
    غير اللي بنشوفها واحنا صغيرين

    مش مهم الحب اولا ولا أخيرا
    المهم يبقى فيه نواه وبذره للحب ده
    وفيه اللي يخلينا نحش ونشوف يا ترى الشخص ده بقى
    هيصون البذره دي معايا ويكبرها ولا لا

    والأساس فعلا فعلا مش الحب خالص يعني
    حاجات تانيه كمان بتبقى مهمه قوي فـ الأول

    (فراشه)

    ReplyDelete
    Replies
    1. صح يا منمونى

      عندك حق اصلا والله

      أها ما أنا بقول برضه أن الحب مش الأساس

      ربنا يوعدنا بقه أنا وأنت بس مش فيوم واحد علشان نعرف نساعد بعض
      هههههههههههههههههه

      Delete
  3. انا كنت هقول الرد اللي قالته Heidenröslein

    "وَمِنْ آيَاته أَنْ خَلَقَ لَكُمْ مِنْ أَنْفُسكُمْ أَزْوَاجًا لتسكنوا إليها وجعل بينكم مودة ورحمة "

    المودة والرحمة يا ميهو
    دول بذرة الحب اللي قالت عليهم فراشة

    مينفعش الحب وحده
    ومينفعش العقل وحده
    لازم ع الاقل يكون في بذرة حب مع العقل وهو شغال !!

    ربنا يرزقك الزوج الصالح
    دعوة بدعيها لكل الحلوين
    وبدعيها لنفسي كمان " ربنا يجعله لي صالحاً دايما "

    حوبيكي <3

    ReplyDelete
    Replies
    1. مممممممم

      والله كلامكم كلكو حلو بس خايفة التطبيق يبقى أصعب !

      أيون ركزى عليا فالموضوع ده وانت بتدعى بقه ها :$ :$
      ههههههههههههههههههههه

      وأنا كمان اصلا :)

      Delete
    2. هركز ومركزززززة دوونت وررري

      Delete
  4. الحب الصح الحقيقي نتاج قلب وعقل
    الزواج لابد يكون نتاج عقل مع قلب
    ومش لازم يكون دايما زواج بعد قصة حب من نوعية حبك نار
    اما العشرة اللي بتكون عشرة طيبة بتولد حب غير محسوس
    يعني زي حبك لأخوكي كده مابتحسهوش الا لما اخوكي يغيب عنك تلاقيه بيوحشك فعلا وهنا بتحسي حبك ليه
    ماهو ماحدش هيوحشه حد بيكرهه
    اوك كده ولا نقول كمان
    اي استفسار انا جاهزه

    ReplyDelete
    Replies
    1. أيون أيون فهمت

      طيب أنا عندى استفسار .. موضوع عقل وقلب ده مش دايما بيكون الاتنين موجودين فالأول .. فالخطوبة يعنى

      الحل أيه ساعتها بقه !

      Delete
  5. انا متفقه مع كاتبى المفضل جدا وعن تجربة شخصيه بقولك اه ممكن تقابلى حد بكل مقاييس العقل كويس وفوق كده كمان تكونى انتى مش طالبه غير كده انه يبقى حد مناسب ليكى وتتخطبيله وتتفجئى انى مش عارفه تتعاملى انك مش متخيله حياتك الجايه وبهدء بتقررى انك مش قادرة تكملى

    ReplyDelete
    Replies
    1. يا خوووووووووووفى
      يا خوفى من الموضوع ده يا ريمة
      اصلا ده الى خايفة منه
      ربنا يستر بقه
      لما يبقى فيه خطوبة الأول بس اصلا:D

      Delete
  6. من عمو فاوق الى لوزه الشقية الصبية البهية
    لوزا انا لى معك حديث وحديث وحديث لن بخلص لانى لا احب ان اترك مدونتك
    اولا شدنى خالص مالص تعليقك الجذاب على بوستى الاخير وسارد عليه بعد رجوعى
    اما عن كلام عبد الوهاب مطاوع فيلامس حقيقة الواقع العاطفى
    وهوه فيه حب فيه اعتدال !!!!! سافيض كلامى معك عندما ارجع من مشوار هام

    ReplyDelete
    Replies
    1. أحم أحم :$

      أنا كده أتغريت خلاص اصلا
      شعقول أن كل الناس بيحبونى للدرجة دى :$
      هههههههههههههههههههههههههه
      أيه ده .. حضرتك أخدت بالك من موضوع خالص مالص ! :$
      ههههههههههههههههههه
      طيب الحمد لله أنك مش شوفت اصلا :$
      هههههههههههههههههه

      والله البلوج هى الى عايزة تسيب حضرتك اصلا .. علشان حضرتك بتنور اصلا :)

      حلوة قوى قوىىىىىىى الجملة بتاعة الحب مش فيه اعتدال

      بس عمو فاروق .. عايزة أقول لحضرتك أن فى حب فيه اعتدال
      بس ده يبقى حب مجانين اصلا :D

      موشى موشى وأنا مستنية علشان أعرف المشوار الهام ده كان فييييين
      ههههههههههههههه
      :)

      Delete
  7. عارفه يا لوزه انتي خلتيني نزلت الكتاب من عل النت بتاع عبد الوهاب مطاوع
    بس قريت الخناقه الل بين الزوجين يعني تقريبا صفحتين
    هو شكله حلو
    بس الجواز لازم يكون بالقلب والعقل معنا
    ممكن القلب يسبق العقل او العكس
    بس لو قلوبنا هي اللي اختارت بيبقى العقل وقتها مش بيفكر وبيوافق عل طول مهما كانت الظروف
    اما لو عقولنا هي اللي اختارت ممكن القلب ما يوفقش
    على اللي قاله العقل
    لاني في الحب القلب اسرع من العقل وديه عن تجربه معايا انا
    البوست حلو
    ويقولك ديما خد الحكمه من مجرب
    وممكن بردك خذ الحكمه من افواه المجانين
    ههههههههههههههه
    وطبعا مش هتلاقي مجنونه ذي اختك حببتك ريري
    فاسمعي كلامي بقى وسيبي قلبك يختار الاول
    لاني الطيبون للطيبات
    وربنا ان شاء الله يرزقك بالطيب اللي ذيك
    قولي امين
    بس قولي لقلبك يشاور

    تسلم ايدك يا لوزه
    وشكرا انك استحملتي رغي

    ReplyDelete
    Replies
    1. هههههههههههههههه جننتوكم معايا أنا عارفة :$

      بصى هو حلو بس أنا بصراحة مش بعرف أمسك نوعية الكتب دى لوحدها .. يعنى لازم يبقى فى كتاب أساسى بقراه جنبها

      اها .. صح .. القلب أسرع :)

      هههههههههههههههههههههه شرفتى محبى الجنان يا ريرى

      حلو الجزء الأخير ده .. عاجبنى .. أو تقدرى تقولى جى على مزاجى هههههههههههههه

      حاضر .. هسمع الكلام أنا وأسيب قلبى يختار

      ربونا يخليكى والله اصلا :$
      آآآآآآآمين :$

      تسلمى يا حبيبة لوزة :)

      ينفع أطلب طلب ؟؟
      أرغى كده كل مرة بليز :)
      بحب الرغى قوى اصلا :$

      Delete
  8. انا كتبت تعليق مااتنشرش
    نقول تاني

    لو الحب العقل جه الاول ادي فرصة للقلب لو ماحصل علي 45 % يبقا علي بركة الله الباقي هيجي بالعشرة الحلوة
    اما لو القلب مااستجبش وحصل نفور او عدم استلطاف افسخي الخطوبة فوراااااا

    اما لو الحب الاول والقلب يبقا لو العقل ماحصلش علي 75 % افسخي الخطوبة فورا
    لأن الحب نادرا مايدوم بعد الزواج ويصمد امام مشكلات مابعد الزواج والحياة اليومية

    واي استفسار انا جاهز

    ReplyDelete
    Replies
    1. مش عارفة ليه كله بيكلمنى على أساس أنى هتخطب !
      ههههههههههههههههههههههههههههههههههه
      خير خير .. بشرى حلوة دى :D

      ياااااااااااه 75 % للعقل !!!!
      كتير قوى قوى دول

      ليه مش 50 و 50 يعنى !

      هاه المهم لما أتحط فالموقف بجد ههريكم أسئلة اصلا .. قولوا يا رب بس :D

      Delete
  9. "فيكِ كل ما أرغب من عشرة هادئة وشخصية متزنة ورصينة ..وعطف كعطف الأمهات لكن الحب شئ أخر بكل أسف .. وهو دائما لهيب متأجج بالسعادة أو العذاب وحتى عذابه يجعل للحياة مذاقا مختلفا عن طعم الركود لهذا فهو عدو الاعتدال"
    تخيلى لما يبقى كمان فيه حب
    بس مافيش نصيب نصيب الكلمة القاتلة اللى بتقتل كل الاحلام فى لحظة

    بصى يابنتى كله ف الاخر بيبقى نصيب وقدر بحب بعقل اللى مكتوبلك هتشوفيه

    ربنا يجعل نصيبك حلو زى قلبك يا انسة لوزة
    ويرضيكى بيه ويرضيه بيكى وانتى تلاقى الحب جه على طول
    قولى امييييييين

    ReplyDelete
    Replies
    1. :S
      تصدقى النصيب ده رخم قوى :(
      بس أكيد ربنا بيعملنا حاجات أحلى من الى بنكون عايزنها اصلا
      بس فنفس الوقت الى فالقلب بيفضل زى ما هو :)

      ربنا يخليكى يا منمون والله اصلا أنا متشكرة جدا علشان أنا بحب الدعوات قوى اصلا :)

      آمين آمين آمين :$

      Delete
  10. اه ممكن جدا حد فيه كل الصفات الكويسه وبردو المشاعر ما تتحركش ناحيته
    بس موضوع العشره مختلف تماماً
    كل حاجه سواء الحب او عدمه
    مع العشره بيتقلبوا لحاجات تانيه احلى على فكره
    يعنى مش معنى ان الموضوع بقى مجرد عشره دى حاجه الحب مش موجود فيها
    بالعكس العشره جزء كبير منها حب
    والحب مش بيكبر الا بالعشره
    ماينفعش تلاقى حب اتنين لسه عارفين بعض من سنه
    زى حب اتنين متجوزين بقالهم 5 سنين مثلا
    اه نفس الزهوه او الطفوليه مش موجوده
    بس الحب نفسه موجود


    انا هاتصل اعاكس واشوف هتعملى ايه هههههههههههههه

    انا عايزه اجى الحفله دى
    بس هو الواحد ازاى يقدر يتصرف فى حفلات الجامعات دى لوحده اصلا ؟ :(

    ReplyDelete
    Replies
    1. أه اصلا وأنا مجربة كتييييير ما شاء الله :D
      بصى يا دينا أنا مقتنعة أن الفهم والحب أحلى حاجة فالعلاقة اصلا .. لأن الفهم بيحمل كل معانى احترام الى قدامك والتفكير الحاجات المتعلقة بالجانب العقلى يعنى .. والحب مختص بالجانب المشاعرى
      فلو دول موجودين فالشخصين الى هيرتبطوا ببعض الدنيا هتبقى حلوة جدا اصلا
      وأكيد العشرة حلوة يعنى بس ده لما بيها يتوافر الشرطين الى قولتلك عليهم .. الفهم والحب

      هههههههههههههههههههههههههههههه
      اتصلى يا حبيبتى مش هقولك لا .. متركزيش فالصوت خليكى فالطريقة ها :$ :D

      بجد والله ! خلاص تعالى ونحضرها سوا اصلا
      يعنى ايه أزاى يتصرف ! الدنيا مش هتبقى بهدلة يعنى وبعدين اصلا لا تقلقى معاكى راجل اصلا :$
      شوفى ولو هتيجى كلمينى ;)

      Delete
  11. اولاانتي جميلة اوي
    ثانيا هو انا معرفتش افهم البوست اللي بعد ده قولت اجي هنا في الهدوء عشان اسلم عليكي واقولك وحشتيني واقولك شكرا كدة انتي اكيد عارفة ليه

    موضوع الحب والجواز والاقتناع والحاجات دي لما بتشغل بالي بتلخبطني خالص بس حاليا انا حاسة جوايا مهزوز ومش قادرة احكم كويس انا عايزة ايه يمكن اتصدمت في حاجات كتير حواليا خلتني اعيد تفكير ويتهز ايماني بالحب وبالحجد اللي موجود واللي مستنينيه ومستنينا عشان كدة مش حعرف احكم وانا ملخبطة دلوقتي
    بس اتمني ايماني باللي كنت مؤمنة بيه يرجع تاني اتمني

    ReplyDelete
    Replies
    1. أحم :$ :$
      هو بالنسبة لموضوع وحشتينى أنا موافقة عليه .. أنما شكرا دى أنا أعترض بقه :@
      لا مش شكرا ومش عارفة ليه بس هاه :/

      اصلا كل حاجة حوالينا بقت كده .. بتشككنا فى معتقداتنا اصلا

      هيرجع .. صدقينى هيرجع :)

      Delete
  12. طبعا بكلمك علي اساس انك هتتخطبي
    ان ماكنش النهاردة يبقا بكره يبقا بعده
    اوبعد شهور ويبقا عندك وقت توزني الكلام اللي قلته لك

    دي خبرة السنين:)

    ReplyDelete
    Replies
    1. ههههههههههههههههههههههههههه

      حضرتك متفائلة جدا اصلا .. بكره أو بعده على طول كده ! :D

      هاجى لحضرتك على طول أول ما يبقى فى حاجة ;)

      أكيد نورتينى اصلا :)

      Delete

عاوزة صراحة فالتعليق
مليش فالمجاملات والكلام ده
يلا سمى الله ودوووس :D