"يا ريتنى كنت ولد" !
أنا بنت .. فضلت طول عمرى مبسوطة ومتفاخرة أنى بنت
بس من ساعة الثورة .. ولأول مرة .. أناا فعلا كارهه كونى بنت
أول مرة أقول الجملة دى والى بسمعها من ناس كتير لأسباب مختلفة
مش قادرة أتحمل عدم قدرتى على التعبير عن اعتراضى
مش قادرة أفضل بتفرج وساكتة وبدعى أن ربنا يعديها على خير
فنفس الوقت مش قادرة أنزل من ورا بابا وماما
أكيد هيفرحوا لو بنتهم كانت شهيدة
بس معتقدش هيكونوا مبسوطين لو "من وراهم"
بكره اللحظات الى بحس فيها أنى ضعيفة
وخاصة لو حل الموضوع موجود وأنا عارفاه
حد يشوفلى حل بقه لأنى مش عارفة ايه ممكن يحصل لو الوضع فضل كده وأنا فضلت كده برده !
الدعاء يغير القدر
ReplyDeleteقولي يارب
من كل قلبك يا مها
أكيد يا ريمو
Deleteبس جوايا حاجة محتاجة شئ أكتر من الدعاء
يمكن حب البلد دى وحقها عليا !
مش عشان مبتنزليش يبقى انتى ضعيفة .. اكيد ممكن تلاقى الف حاجة تعمليها غير انك تنزلى الميدان .
ReplyDeleteاقولك على فكرة اشتغلى فى الحاجات الخيرية هتحسى انك بتعملى كتير :)
فكرة حلوة أوى يا جى :)
Deleteماشى هجرب
مبروك البلوج يا سكر .. أيون كده عايزين اداب انجلش كلها تتجمع :D
انا دايما بكتب على الورق و قولت اما اجرب اكتب اون لاين بقه ;)
Deleteمش هتندمى يا جى صدقينى :)
Deleteربنا كريم والدنيا تتظبط ان شاء الله
ReplyDeleteأمين يا رب ان شاء الله
Deleteقال رسول الله صلى الله عليه وسلم "من رأى منكم منكرا فليغيره بيده فإن لم يستطع فبلسانه فإن لم يستطع فبقلبه وذلك أضعف الإيمان "
ReplyDeleteربنا عالم بينا ،، ربنا ييسر ويستر ع البلد
عليه الصلاة والسلام
Deleteأمين يا هبه يا رب بأذن الله
نورتينى فأول زيارة للبلوج :)
ما باليد حيلة يا مها .. !
ReplyDeleteمش لإنك مابتنزليش مظاهرات .. تبقى سلبية
أو أو
حاولى تتغيرى انتى .. إعملى تغيير ولو صغير فى دراستك .. أو فيكى انتى
ساعدى حد محتاج لمساعدتك
إكتبى
فهمى حد لسه مقتنع بإن الثوار بيخربوا البلد ولسه ضميره مصحاش ..
أى حاجة تقدرى عليها بجانب دعائنا لربنا
التغييرات الصغيرة .. بتكوّن تغيير كبير
هتعدى على خير إن شاء الله ..
حبيبى :)
Deleteأفكار كلها حلوة وأنا هحاول أعمل منها على قد ما هقدر
يا رب يا سارة يا رب اصلا
والله يا بنتي كلنا كده..متضايقيش نفسك...ده خوف من اهالينا علينا..والله يا ميهو هيا مره واحده ايلي نزلت فيها ومن وراهم برضوا ومعتقدش هعمل كده تاني...بس بايدينا نعمل حاجات تانيه كويسه...نغير من نفسنا الاول ونتفوق في دراستنا ونشترك في اي خير...متضايقيش نفسك بقي
ReplyDeleteطيب ربنا يسهل ونحاول نشتغل على موضوع تغيير نفسنا ده وأننا نعمل خير
Deleteكنتى قوليلى ساعة ما نزلتى يمكن كنتى أقنعتينى أنى أجى معاكى وأجمد قلبى :D :D
حاضر مش هضايق نفسى بقى :)
ميهو فرحانة بالكومنت بتاعك :)