The best things in life are unseen ,, that's why we close our eyes when we kiss, cry, and dream .

2/22/12

عن أنجازاتى الرهيبة وطموحاتى الفريدة :$


يوم الفلانتين بليل كنت عاملة كدهو قدام الكومبيوتر :D
ـــــــــــــــــــــــــــــــــــــــــــــــــــــــــــــــــــــــــــــــــــــ


جبت ماج جديد بدل الى مكسور من سنة وكحالة حداد عليه مكنتش جبت بداله_
جبت كوباية لونها أصفر طويلة للعصير مع أنى مش بحب اللون الاصفر بس هى مرسوم عليها m&ms_
"عايزة أجيب أباجورة وكاميرا وبيانو كبييييييير أسود وكتاب أثير عبد الله "أحببتك أكثر مما ينبغى_
فى ظاهرة غريبة جدا اليومين دول .. أنا بقيت عاملة زى دودة القراية هههههههههههههههههه_
.. بقرأ كتير أوى .. ممكن أخلص الكتاب فيوم واحد
خلصت رواية "نون" لسحر الموجى وكتاب "أفتح قلبك" لعبد الوهاب مطاوع و"لم أعرف أن الطواويس تطير" لبهاء طاهر_ 
بدات كتاب "لغات الحب" لكريم الشاذلى والى هياخد وقت كبير أوى لأنى عايزة أركز فكل حرف فيه_
خلصت كمان "الآن أفهم" لأحمد خالد توفيق  ومش هعرف أقول عليه أكتر من أنه روعة ! اصلا أول مرة اقرأ النوعية دى من الكتب_ واتبهرت بيها . فى شخصية معينة لو قرأت الكتاب ده هتحبه أوى .. مش رومانسى هو ساسبنس شوية
خلصت "الكتاب التانى" لأحمد العسيلى ورواية "تراب الماس" لأحمد مراد_
جبت كتاب فى حد كان قالى عليه مرة أسمه "لماذا من حولك أغبياء" لشريف عرفة_
"جبت كمان "أناشيد الأثم والبراءة" لمصطفى محمود وكتابين لمصطفى صادق الرافعى "أوراق الورد" و "رسائل الأحزان" و"تاكسى_  .لخالد الخميسى 
نجحت فالكويز بتاع ال EDU Egypt_.. والى مكنتش متخيلة أنى هنجح فيه ابدا اصلا
علشان كان 3 أجزاء
IQ, English, IT
150 سؤال فى ساعة ونص
لسه الجزء التانى ..الانترفيو وهيبقى يوم 1/3 فالجامعة علشان أشوف أنا فى ليفل كام
مستنية نتيجة الكلية والى عارفة أنها لوز .. يعنى هشيل مادة أو 2 على الأقل :D_
نفسى آكل أكل هندى_
_بحاول أظبط خروجة للحسين والأزهر بارك علشان نفسى أروحهم أوى وصحابى مش راضين يودونى, قال إيه علشان احنا بنات مش هينفع نكون لوحدنا ! اااااه يانى مش لو مخطوبة دلوقتى ولا ليا بوند فريند كان زمانه ودانى .. بس ولا يهمنى هروح يعنى هروح حتى لو لوحدى اصلا
نفسى أعمل كتاب_
حمزاوى وبسمة اتجوزوا والبنات قلوبهم اتكسرت واضح أنى كنت الوحيدة الى فتى احلامها مش حمزاوى .. اشمعنا أنتى؟! هو أنتى_ اصلا بيعجبك حاجة .. طويب :$
نزلت الجامعة وعايزة الأجازة تيجى تانى_
نفسى نتقابل حتى لو صدفة_
ركبت الاتوتوبيس النهرى_
_Et3amalii invite f event l course English hwa fe kza branch, general w conversational w business English ,, esmo "One Hand English Club" lw 7ad 3aref ay 7aga 3ano y2olii l2nii bafakr aroo7 l placement test welii hayb2a fnafs l yom ele 3ndii fe interview fl course bta3 EDU Egypt ! 



ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

"على الهامش : "لأنهم ميتعوضوش :)
"حد فاهم حاجة ؟؟ عادى "هو ده الجزء الى مفروض ميتفهمش من البوست :D


46 comments:

  1. انا عايزه اشوف الكوبايه دى بقى ماليش دعوه

    انا كمان عايزه اجيب كتاب احببك اكثر مما ينبغى
    سمعت كتييييير انه تحفه

    مش بقولك فى نشاط غريب اليومين دول فى القرايه
    حاسه بجد ان الواحد عايز ياكل كل الكتب اللى بيشوفها قدامه
    الا كتب الدراسه طبعا عشان انا عارفه انك هتقولى كده ههههههههههههه
    شجعتينى اوى اقرأ الان افهم
    بعشق كتابات احمد خالد توفيق اصلا

    ان شاء الله نتيجه الكليه تبقى كويسه مش تقلقى :))

    بصى بقى انا اشجعك فى الحوار ده اوى
    فى مطعم اكل هندى فى الدقى هاموت وادخله نروحه وبعدين نطلع على الحسين ايه رأيك فى الخروجه الفظيعه دى هههههههههههههههههه
    شوفتى عشان مش تقولى انى حرماكى من حاجه انا دايسه فى اى حته انتى عارفه

    ReplyDelete
    Replies
    1. ههههههههههههههه هوريهالك هى والماج يا دينا هصورهم وأبقى أحط الصورة

      اتفضل بقه القلوووووودى
      أتلزوقوا فيا بقه أنتى ورنا
      يا ساتر يا رب :$

      ههههههههههههه دراسة أيه وكلام فاضى أيه بس بلا وجع دماغ ههههههههههههههههه
      أنتى مش متصورة والله بدأت أقلق على نفسى
      وبابا عمال يقولى خليكى عمالة تقرى كده لحد ما تتجننى :(
      أه بجد اقريه يا دينا تحفة تحفة عجبنى جدا اصلا

      ححححححححح والله أنا معنديش مشكلة أنها تيجى حلوة والله مش هقولها لا :$

      نعمممممممم ! بتتكلمى بجد فى واحد فالدقى ؟؟ طيب ده جنب الجامعة أوصفيهولى يا بنتى والنبى :D

      أيه ده ايه ده ايه ده !
      أنتى أخدتى عليا أوى .. هو أنتى فاكرة أن انا بيقابلونى بالساهل كده ! يابنتى لازم تاخدى معاد الاول اصلا وبعدين أبقى أشوفلك وقت فاضى (H)

      لا مش حارمانى بصراحة الحق يتقال
      هههههههههههههههههههههه

      Delete
    2. اه يا ستى اعتبرينا بنقليك واحنا نطول :P
      احرجتك مش كده ههههههههههههههههه

      والله حاله النشاط فى القرايه دى افضل بكتيييييير من الكسل انا جربت الاتنين وحسيت بالفرق بينهم

      ايووووه فى الدقى بس مش هاقولك عشان مش تخونينى وتروحى لوحدك :P
      هو فى الشارع اللى جنب الشيراتون
      جوه شويه يعنى على اليمين
      بس مش عارفه ايه نظامه لكن شكله جااامد @_@
      لو روحتى قوليلى ايه النظام والنبى :D

      اه صح بدأت اخد عليكى اوى انا مش كده ههههههههههههههههههه
      انتى عارفه بقى لازم تتنازلى شويه عشان المعجبين وكده :P

      Delete
    3. أحم .. أكيد متطولوش بس أديكم بتحاولوا (H)

      لا خالص مالص اصلا :$

      ممكن والله يا دينا بس أنا خايفة أتجنن بجد زى ما بابا بيقول :S

      هههههههههههههههه
      بصى هو أنا مش عارفة اصلا ممكن حد يوافق يجى معايا ولا لا :D فشكلى هستناكى ونروح سوا

      طبعا طبعا .. المعجبين دول فظااااع مقولكيش والله جننونى اصلا :$

      ههههههههههههههههههههههههههههه

      Delete
  2. :) انا هبدأ من الآخر
    أنا فهمت " لآنهم ميتعوضوش"
    كنت بشوف الفيلم ده إمبارح :D
    الفيلم اللي ف الصوره الأخيره

    -----
    مبروك الماج والكوبايه
    لو مش عاجبك اللون هاتيهالي انا بحب اللون ده :)

    انا هتجنن بقى انا نفسي أقرا ومزاجي مش رايق خالص للقرايه :(

    عن النتيجه كنت لسه بدعيلك والله ربنا ينجحك يارب

    من امنياتي أني أقابله صدفه

    وهتجنن وأتفسح
    لدرجه إني نفسي اتجوز بس عشان يفسحني ههههههههه
    لو مش بيحب الفسح مش هوافق عليه :)

    مها ف البوست ده شبهي (ماعدا موضوع القرايه ده )
    هعيط نفسي اقرا ومش عارفه ... ادعيلي اعرف

    ReplyDelete
    Replies
    1. خلاص بقى يا لوزه ابقى سلفيني الكتاب بتاع عبد الوهاب مطاوع علشان انا بحب اقرأ لراجل ده اوي
      تحياتي ليكي يا لوزه

      Delete
    2. تصدقى أنى أنا برضه بحب أبدأ من الاخر :)

      بصى يا منى هى كلمة تتحس كده :)

      بجد اصلا بحبه أوى يعنى <3

      الله يبارك فيكى .. وهبعتهولك حاضر من عينتينى :)

      أنا بكره تقلب المزاج الى بيصيبنى كتير ده علشان بيأثر على القراية وأنا مش بحب أبطل قراية
      بس مش بالجنان بتاع اليومين دول هههههههههههه

      ربنا يخليكى يا رب والله اصلا أنا لو نجحت هيبقى بدعوتكم اصلا :D

      أنتى كمان ! ههههههههههههههه

      أنتى عارفة أنا نفسى أتجوز ليه ؟؟ هبقى أقولك بينى وبينك ;)
      ولا أقولك ناو وخلاص .. أصل أنا بصراحة خايفة أيدى تقشف قبل ما حد يمسكها :$ :$

      مها شبهك فحاجات كتير على فكرة وده من زمان :)

      يا رب منى تعرف تقرا ياااااااا رب <3

      Delete
    3. هههههههههههههههههه

      حتى أنتى يا ريرى
      كلكم بتطمعوا فالغنيمة الى معايا اصلا
      عاااااااا

      ههههههههههههههههههه

      حاضر والله خديه أنا موافقة :)

      Delete
  3. طيب يلا وأنا أخرج معكي:)
    وجميل التقدم ده
    وربنا يحقق كل أحلامك

    ReplyDelete
    Replies
    1. بجد بجد ؟؟
      طيب أنا معنديش مانع أهو :)

      ربونا يخليكى يا نينو يا حبيبى دايما رافعى معنوياتى كدهو .. تشكرات تشكرات
      ههههههههههههههههه

      اللهم آمين .. جميعا :)

      Delete
  4. أنا بحب ميج رايان
    ويمكن أصلاً حبيت البوست بسببها :D :P
    وبحب الرافعي
    ولازم تقري الكتب بتاعته .. ولما تخلصي دول اقري السحاب الأحمر ..

    وأنا لسة مجبتش فراشات جديدة بدل اللي ضاعوا وفي حداد عليهم ..

    وأنا كمان عاوز أقول إنهم ميتعوضوش ..

    وبالمناسبة : حمزاوي مش فتى أحلامي
    وممكن لو جيت القاهرة تاني في رحلة ولا حاجة ورحنا الحسين هكلمك تيجي تلفي معايا ونرغي سوا :D

    أنا عجباني إنجازاتي ونفسي أعمل نصها حتى .. :)

    ReplyDelete
    Replies
    1. لا بقه معلش
      أنا بوستاتى تتحب كده لله فلله
      اه لا تقوليلى ميج رايان ولا ساندرا بولك

      أنا كمان بحبه ولسه دول أول كتابين أجبهم
      تصدقى السحاب الأحمر ده أول واحد شوفته ليه وبعدين فريت فيه كده حسيت أن رسائل الاحزان واوراق الورد مواضيعهم شدانى أكتر
      بس السحاب الأحمر يخرابىىىىىىىى يخربيت جمال الغلاف بتاعه اصلا <3

      هتجيبى فراشات ملونين تانى وهيفضلوا القدام محفورين فقلبك اصلا :) يمكن تحبى الجداد .. بس مش هيبقوا زى القدام خااااااااااالص اصلا

      واضح أنى بقيت بتكلم بلسان الشعب :D

      أنتى كمان ؟؟ خلاص يبقى أنا وأنتى بقه البنات المتفردات (H)

      هى أيه حكاية الرانديفوهات الى عمالة تنزل عليا دى
      ههههههههههههههههههههههههه
      المشكلة أن كلهم من بنات .. شكلى وححححححش ويكسف بصراحة
      الناس تقول ايه .. مش لاقية واحد يتمنى يخرج معايا ! :(
      بس هه ما علينا .. لما تيجى أبقى قوليلى وأشوف جدول أعمالى وأقولك
      اصل انا بسبس وومان مش فاضية :$
      ههههههههههههههههههه

      عاجباكى أنجازاتك أنتى ؟؟
      يعنى جاية عندى البوست علشان تعجبى بأنجازاتك فيه !
      ايه الناس دى !
      هههههههههههههههههههههههههههههههههههههههههههههههههههههههههههه
      ضحكتينى اصلا :D

      تصدقى أنى بحب كومنتاتك :)
      بس متتغريش مش أوى يعنى :P

      Delete
    2. يالهوى !!!!!!!!!!
      كل ده كومنت كتبته !
      هههههههههههههههههههههههه

      مش معقول كلامى ميتشبعش منه
      ربنا يخلينى ليا :$

      Delete
    3. والله غلطة مطبعية الله ..
      انجازاتك انتي ..

      وبعدين كلمة متتغريش دي مش غريبة عليا .. انتي تقربيلي ؟؟ :D

      ويخليكي للشعب :D

      Delete
    4. ههههههههههههههههههههههههههه
      لا خلى بالك غلطاتك كترت وأنا الغلطة بموتة على طول
      نيهاهاهاها
      شوفتينى وأنا شوريرة :$

      هههههههههههههههههههههه
      والمصحف معرفها يا حض ظابط
      هههههههههههههههههههههه

      آمين :$

      Delete
  5. ketab Lemaza man 7awlak a8bya2 gbto online bs L version w7sha gdn bs nefsy a2rah =(
    u know ana kaman ba7b L 2raya awi bs L e7bat wel gaw L 3am msh m5aliny a3rf amsk ketab !!
    bs gamil y Maha keep it up ;)
    w btw u may ask Raghda Wahdan 3n one hand English club da ..

    ReplyDelete
    Replies
    1. Gee l ketab mawgood fl ma3rad ele 2bl l cafeteria bta3tna :D

      Ana kont kda mn fatra ,, f wade7 n ro7ii bt3awad b2a :D

      Rabona y5alekii ya Gee ,, ma3rftsh asalm wa7don gaed ana enhrda ,, adekii shoftii kont 3mla zay nagmat l cinema kol d2e2a 7ad yegii ysalm wana mazno2a ben reem w sama :D

      msA Rabna ykatr mn amsalii :$

      F3lan ! 7lw awii ,, has2alha

      Zang youz ya Geez ya kamiil <3 :D

      Delete
  6. انا عاااااايزة الخروجة دى :)))))))))
    إستنى اول الشهر عشان اقبض واجى معاااااااااااكى

    ReplyDelete
    Replies
    1. اه ياختى علشان توعدينى وتخلى بيا
      يا أم قلب قاسى
      هههههههههههههههه

      ماشى لو لم يتطور الوضع يبقى نظبط بأذن الله :)

      Delete
  7. ضحكتنى أول جملة وأنا متخيلة شكلك وقتها :D

    لو تعرفى ايه سر عشق البنات للمجات .. ابقى قوليلى
    وفكرتينى كمان أجيب واحد جديد كبير عشان يدفينى .. ;)

    طلبين صغيرين بقى .. ممكن !
    _ حاولى تكتبى ولو سطرين بس عن رأيك فى كل حاجة بتقريها عشان تفضلى فاكراها .. هتفيدك جدا
    _ أنا كنت فاكرة البوست نص واحد .. لقيته بوينتس
    ظبطيها شوية لو ممكن :)

    وبالنسبة للنتيجة فـ إن شاء الله ربنا هيكرمك
    جميل انك هتبدأى كورسات من دلوقتى .. أنا للأسف مبدأتش غير بعد التخرج
    ربنا معاكى إن شاء الله :)

    ReplyDelete
    Replies
    1. أسكتى أسكتى يا سارة والله أنا كنت أسخن من كده
      أصابتنى حالة من التتنيح والتبليم ووشى جاب أحمر لون الدباديب بتاعت الفالانتاين وتلجت وبعدها فضلت أتنطط مش من الفرحة لا .. من النرفزة بصراحة معرفتش أفرح
      ومتسأليش ليه كل ده علشان أنا مش عارفة
      ههههههههههههههههههه

      لو شوفتك هجبلك أنا واحد :)

      أنا كنت هعمل كده فعلا بس فبوست لوحده :)

      عيونى يا سرسور ده أنت تؤمر بس كده <3

      آآآآآآآآمين أسمع منها ياااااااا رب :D
      أه قولت أظبط نفسى علشان أفضى لحاجات تانية بعد كده ومحسش أنى مضغوطة

      يا رب معانا كلنا :)

      Delete
  8. فى 3 رويات من اللى اساميهم مكتوبة عاوزة اجيبهم ضرورى هدور عليهم

    قريت افتح قلبك تحفة بجد

    انا كمان حاسة انى بقيت دودة قراية


    وماكنتش بحلم بحمزاوى نوهائى يعنى مش التيب بتاعى


    انتى عامله ايه بقى بعد كله ده

    ههههههههههههههههههههه

    ReplyDelete
    Replies
    1. بصى مبدئيا فأسماء الكتب الى مكتوبة فى روايتين بس :D
      نون و تراب الماس

      بيقولوا أن دى حاجة حلوة بس حاسة أنى هتجنن اصلا
      هههههههههههههههه

      طويب زدنا واحدة كمان

      أنا الحمد لله لوزو أهو :$

      Delete
  9. نتيجة الكلية ... جيتي على الجررررررررح .. ربنا يستر واخلص السنة دي على خير بقى ان شاء الله :D

    بالنسبة للخروج فالحسين اعتقد اعتقد يعني ماينفعش بنات يروحوا لوحدهم اما الازهر بارك فانا على طول هناك وبنات بس عادي جدا مفيش مشاكل
    احم، بس الاحسن انك تمشي قبل ما الدنيا تبقى ليل منعا للمشاكل يعني مش اكتر ... بس لازم تروحي بجد جامدة جدا جدا اصلا اصلا يعني :D

    ReplyDelete
    Replies
    1. هههههههههههههههههه ربونا يعديها على خير

      ليه بقه ؟؟ ده أيه ده :( :(
      مممم أنا اخدت قرار خلاص هروح يعنى هروح اصلا :D

      ممممم أنا مستشعرة تريقة على لزماتى !
      ماااااااااشى يا نور ماااااشى

      الأيام بيننا وهتشوفى أنك هتبقى زى كل الى بيتريقوا على كلامى بعدين بيقلدونى اصلا :P

      Delete
    2. لا والله بكلمك بجد روحيها عادي هي حلوة فعلا اوي اوي بس حاولي فعلا تمشي مع الغروب كده لأن غير انها من جوه ماينفعش يتقعد فيها بليل كمان هي في مكان قدامها اي حاجة فهادي هدوء مش طبيعي وخطر برضه تمشي فيه خصوصا لو بنات بس طبعا

      بالنسبة للزماتك فانا اصلا اتهريت تريقة من الناس على اصلا اصلا دي بس ده مايمنعش برضه ان في تريقة في كلامي :P:D

      Delete
    3. وأنا كمان بتكلم بجد والله اصلا :D
      أيون أيون مهما قالولى على موضوع المكان ده وهدوئه
      حاضر والله هسمع كلامك كله :)

      ههههههههههههههههههههه شوفتى بقه علشان تعرفى أن الى بيته من أزاز ميحدفش الناس بالطوب اصلا :P

      Delete
  10. مدونتك جميلة أوى , أول مرة أدخلها النهاردة حتى الخلفية كانت نفس الخلفية الأولى لمدونتى بس غيرتها فى شوية ناس كده ضحكوا عليا وقالوا لى القالب مش بروفيشنال وصدقتهم
    بتفكرينى بنفسى زمان لما كنت أقعد اعد الكتب الى قريتها بس يا خسارة ما كانش عندى حد أتشارك معاه اسامى الكتب دى أو آرائنا فيها
    أكتر أوقات كنت بتمنى اكون مخطوبة لما كنت أبقى فى المدينة الجامعية وألاقى كل بنت واقفة مع خطيبها قدام الباب أو باعت حد ينده عليها , وكان الإحساس ده بيكون فى لا يحتمل بقى لما آجى أروح وخصوصا آخر السنة وكل بنت برده خطيبها مروح معاها وشايل معاها الشنط وأنا خلاص همووووووووت من تقل الشنطة بتاعتى
    ياللا أيام
    رجعتينى للذى مضى

    ReplyDelete
    Replies
    1. :)
      أنا بحب "الأصل" فمش هغير شكل البلوج ابدا اصلا الا لو قفلتها وعملت واحدة غيرها .. لان الى هيخلينى أقفل البلوج هتبقى حاجة كبيرة وهتغيرنى
      فمش هفضل مها .. مش هبقى شبه مها القديمة بالتالى مش شبه البلوج القديمة :)

      الوقت ما فاتش .. أقرى تانى دلوقتى على الأقل هتلاقى حد تتشاركى معاه ;)

      حححححححح أسكتى أسكتى والنبى ده أنا ببقى هتفرس لما أبقى واقفة والاقى ولد وبنت معدين من جنبى وماسكين أيد بعض
      ياخرابىىىىىىىىىىىى .. ببقى عايزة أضربهم اصلا .. مفيش زوق خالص وملا مراعاة لشعور السينجل الى زيى !
      عايزين منى أيه أنحرف يعنى ولا ايه .. ده أيه ده :@
      هههههههههههههههههههه

      معتقدش أن فى أحلى من الذى مضى :)

      Delete
    2. اه اه نسيت .. أنتى نورتينى اصلا
      وأبقى تعالى كتير :)

      Delete
  11. مش عارف لية البوست خلانى اضحك هههههههههههههههههه بجد بجد مش عارف يمكن عشان فى كذا حاجة حستهم شبهى فحت ,وطبعا اكيد انتى اللى بتقلدينى
    بس عموما انا مبسوط انى قريت البوست العملاق دة و اللى فضلت 5 ايام اعمل سكروول بالموووس عشان اوصل لاخر الصفحة و اعمل كومنت ههههههههههههههه
    وطبعا كالعادة انا نورت البوست
    شكرا شكرا

    ReplyDelete
    Replies
    1. ههههههههههههههههههه
      دمى خفيف أنا عارفة :P
      تانى هتقولى فحت وسيكا والحاجات الى بتفصلنى دى :|

      هى هى هى اصلا اصلا أنا عمرى ما بقلد حد .. أنا بتقلد وبس :P

      يابنى اصلا البوستات بتاعى مش سهل أن حد يقراها ويعمل كومنت .. فانت مفروض تعمل سكرول 100 سنة اصلا مش 5 ايام بس :P

      ههههههههههههههه على فكرة أنا بوستاتى منورة لوحدها اصلا
      وعلى فكرة ده أسلوبى وأنت كده بتقلدنى :P :P :P

      Delete
    2. قالك بتقلدنى :D
      لا لست انا هذا الرجل :P:P:P
      فحت و سيكا بتزعلك , طب فحت طب سيكا !!
      قالك 100 سنة سكرول , يعنى افضل عمرى كلة فى بوست واحد :D
      ومازلت مصر انك بتقلدينى :P:P

      Delete
    3. أنا مجبتش حاجة من عندى على فكرة
      طريقة كلامك الى بتقول أنك بتقلدنى اصلا مش أنا :P
      هههههههههههههههههههههههههه
      هههههههههههههههههههههههه اصلا كفاية عليك تقرا بوست واحد ليا فعمرك .. فى ناس مش لاقية يابنى اصلا :$

      على فكرة اصلا لا بقه :P

      Delete
  12. انا كمان يا ميهو نزلت الكليه بس كأني لسه في الاجازه ...وان شاء الله النتيجه هتكون كويسه مش تقلقي خير باذن الله

    ReplyDelete
    Replies
    1. خلينا نتحمل يا أميرة الكام شهر دول وناخد الاجازة تانى :D

      يا رب يا رب يسمع منك قادر يا كريم :)

      Delete
  13. انا نفسي ارجع دودة قراية تاني !!

    شطورة يامها استمري ع كدا بجد ومتخليش حاجة تشغلك عن القراية بالذاااااااااااااااات

    انا عاوزة مج زي بتاعك حقد بنات بقي ماليش دعوة

    مش هسألك نفسك تقابلي مين لاني سالتك ع الميل وخلاص :D

    ركبتي الاتوبيس النهري من غيري ؟؟

    انا مكنش ولا هيكون اصلا عمرو حمزاوي فتي احلامي
    يع يعني :D:D

    ولأنهم ميتعوضوش
    :P

    مش لازم تفهمي الجزء دا من الكومنت :P

    حوبيكي

    ReplyDelete
    Replies
    1. ههههههههههههههههههههههههه
      هو قد كده الموضوع أُحسد عليه !

      حاضر يا ريمو هحاول :)

      ههههههههههههههههههههه
      لا اله الا الله .. مش معقول كل حاجة أجبها الناس يبقوا عايزنها كده الله عيب بقه
      ههههههههههههههههههه

      أه يا سوسة
      وأنا مش هجاوب وأقولك أنى نفسى أقابل فتى الأحلام المُنتظَر .. علشان برضه جاوبتك على الميل
      ههههههههههههههههههههههههه

      أحم :$ والله أعمل ايه طيب .. ما هما قالولى تعالى نروح قولتلهم ماشى .. وأهى حاجة طلعت ينفع نروحها بنات فقط :D
      معلش المرة الى جاية هاخدك معايا ;)

      وأنتى اصلا يبقى ليكى فتى أحلام ليه ؟؟ أنتى واحدة مخطوبة .. عيشى الواقع وسيبيلنا أحنا الخيالات ياختى :(

      ههههههههههههههههههه أهو أنتى :P

      مش قدام الناس :$

      Delete
  14. كل دا:D
    ماشاء الله ربنا يزيد ويبارك :D

    انا مخطط تقريبا انى اقرأ نفس الكتب اللى ذكرتيها بالظبط
    بغض النظر عن المج جديد واللون الاصفر
    الا نها انجازااات فعلا

    جميل ان الواحد يحط لنفه تحدى كل فترة .. بتعمل روح جميله اوى

    جميله اوى الروح اللى فى التدوينه دى

    ReplyDelete
    Replies
    1. أحم أحم
      الله أكبر ..أول مرة وداخل تحسد ولا أيه ! :P

      أيون قلدونا بقه .. مش معقول أن كلامى بيبقى حلو أوى لدرجة أن كل الى بيدخل عندى بيقلدنى :$ :$
      هههههههههههههههههه

      أه طبعا أنجازات (H)

      مش تحدى والله ولا حاجة .. مجرد مرجع علشان بعد كتير أجى أضحك عليا شوية ;)

      نورت ياسمك أيه :P :D

      Delete
  15. حبيبتي
    ازيك
    هو حلو تظبطي نفسك في الفالانتاين بس برضه اكيد بيبقي احباط داخلي
    ..
    احببتك اكثر ممكا ينبغي دمار شاكل انا بقراها الكترونيا عشان هي ب 85 جنيه وكمان مش لاقياها
    بس فظييييييييييييييعة جداااا انا خلاص قربت اخلصها
    ...
    نفسي اشوفك صدفة
    وانا كمان
    نفسي
    :DDD

    فيه الاون خط مش باينة بتاعة جزء اسامي الكتب حاولي تظبطيها
    :))

    ReplyDelete
    Replies
    1. هييه هييه هييه
      أنا كويسة طول مانا شايفاكى اصلا :)
      لا لا أنتى فهمتى غلط .. مكنتش بظبط نفسى ولا حاجة اصلا .. أنا كنت مذبهلة لأبعد الحدود :D

      لا أنا من كتر أشتياقى ليها مش عايزة أقراها نت .. مش بحب قراية النت أنا .. الكتاب ليه قيمته كده :)

      يا رب يا أوختشى :D

      بالنسبة لأسماء الكتب كبرتها أهو :)

      Delete
  16. اه علي فكرة
    حمزاوي مش فتي احلامي خالللص
    :))

    ReplyDelete
    Replies
    1. ههههههههههههههههه

      طيب الحمد لله .. مبقتش لوحدى :D

      Delete
  17. تاكاشى
    اكتبيها عشر مرت وانتى تحفظيها :D
    وبعدين دى مش أول مرة ليا هنا .. تصحييييح :D

    ReplyDelete
    Replies
    1. هههههههههههههه

      مش هحفظها اصلا وبرده هتفضل
      "يا اسمك ايه" :P

      طويب يا أخ .. جيت هنا قبل كده ونورت
      ونورت تانى أهو ولا تزعل :D

      Delete

عاوزة صراحة فالتعليق
مليش فالمجاملات والكلام ده
يلا سمى الله ودوووس :D