The best things in life are unseen ,, that's why we close our eyes when we kiss, cry, and dream .

2/19/12

الصندوق الخشبى

يفتح صندوقه الخشبى الصغير, يجد جواب يبدو عليه القدم .. فتنهال عليه التساؤلات والحيرة عن ما يمكن أن يكون بهذا الجواب خاصة وأن الصندوق لم يتجاوز عدة دقائق بحوزته


التشتت !"
مشكلتك الوحيدة الى مش هقدر ألومك عليها .. ألومك أزاى وأنت اصلا كل حاجة حواليك بتسوقك لحاجات وحشة كتير انت مكتفى منها بالتشتت بس. عارف ليه ؟؟ علشان أنت قوى ومتماسك وجدع وربنا بيحبك ..عايز مليون حاجة فنفس الوقت تصدق أنك يمكن تكون مش عارف اصلا عاوز ايه !!.. عايز تسافر ؟؟ تتفسح ؟؟ تحب ؟؟ تبقى ناجح ؟؟ وده طبيعى لأنك لسه بتبدأ حياتك ومليان طاقة ودى حاجة حلوة أوى, بس متخليش آمالك وطموحاتك يخسروك حاجات حلوة جواك .. نادرا ما بتكمل حاجة بدأتها .. بس خلى بالك أنت مينفعش تفضل كده على طول اصلا ,, لأن فى حاجات لو بدأتها صعب أوى يمكن مستحيل أنك تقدر تخرج منها ومتكملهاش .. الجنون ."حلو مش  وحش .. مش مضر بالصحة خالص اصلا..حالتك مش مستعصية .. أنت أعقل من الجنون وأجن من العقل فمتقلقش

يسرح بخياله قليلا لأنه يحس أن من ترك هذه الرسالة كأنه كان يقصده هو تحديدا


الحب !"
الصمت يفسد الحب .. تفتكر ؟؟ كريم الشاذلى قال فى كتابه "لغات الحب" نقلا عن باولو كويلو "كم مرة خفت أن تقترب من أنسان ما لتقول له بثقة واطمئنان إنك تحبه ؟؟" "كم مرة كان مطلوبا منك أن تحب وهربت ؟؟ " هو أنت لما حبيت كنت بتبقى حاسس الدنيا حلوة أوى معاها زى ما بيقولوا ؟؟ أنا مش قصدى فاللحظة الى كنت بتبقى فيها معاها .. أنا أقصد لما كانت موجودة فحياتك عامة؟? طيب لما بعدّت .. حسيت بفرق ؟؟ طيب لو هتدى نسبة لفرحتك لما كنتوا سوا هتبقى كام من عشرة ؟؟؟ كانت حلوة ؟؟ بتعرف تقف جنبك وقفة راجل لما تبقى أنت فى شدة ؟؟ بتعرف تساندك ؟؟ بتعرف تحسسك أنك راجل وأنها من غيرك ولا حاجة ؟؟ كان دمها خفيف ولا رخمة وسم ؟؟ كانت بتغير عليك ؟؟ قد أيه كده مثلا ؟؟ .. خلاص خلاص واضح أن السيرة مش عاجباك .. قولى .. أنت كنت بتحبها ؟؟ بتخاف وبتغير عليها ؟؟ من قلبك ولا كده وكده ؟؟ حاولت تبين لها أنها حاجة ولو صغيرة بس مهمة أوى فحياتك ؟؟ كنت حاطتها رقم كام فأهتماماتك ؟؟
واخيرا ..
ثق فى قواك .. تفائل للغد ..حاول بقدر المستطاع أن تُبقى من تحبهم ويحبونك جانبك .. "أنها حياتك .. لن يرسم خطوطها العريضة سواك

بدأ يرتعش لظنه أن هذا جواب من ال... "اللهم أحفظنا" مستحيل أن تكون كل هذه التفاصيل مجرد مصادفة بينه وبين المرسل اليه الأصلى
 "يفيق على يد تضرب على كتفه "إيه يا بنى بقالى ساعة بنده عليك وأنت قاعد هنا سرحان قدام صندوقك الجديد..ها قولى هتحط جواه ايه؟؟"
"هو الى هيحط جوايا مش أنا"



20 comments:

  1. اية دة ؟؟ هو فى بوست ممكن يبقى حلو كدة ؟؟
    دة خرافى بجد , انا لسة مبلم من ساعة ما قريتة
    Hat:

    ReplyDelete
    Replies
    1. :)

      ده البوست بتاعى أنا ؟؟

      شوكرا بجد يعنى :)

      Delete
  2. This comment has been removed by the author.

    ReplyDelete
    Replies
    1. أصله كان فيه غلطة لُغوية :D

      :) جميل البوست

      Delete
    2. دودو :)

      ولا يهمك اصلا

      شوكرا شوكرا

      هجيلك قريب عايزة أقرا :)

      Delete
  3. كم مرة خفت أن تقترب من أنسان ما لتقول له بثقة واطمئنان إنك تحبه ؟؟" "كم مرة كان مطلوبا منك أن تحب وهربت ؟
    احم كتـــــــــــــــير :$:$

    البوست رائع كالعادة ... يلا اي خدمة :P

    وبالنسبة لنهر الحب انا مش عارفة راحت فييييين ؟؟
    قولتلها عايزة اقرالك حاجة قريب بقالي اسبوع او اكتر :(

    ReplyDelete
    Replies
    1. هههههههههه

      هبقى أنزل بوست عن الموضوع ده وهتموتى من الضحك عليا اصلا :))

      ربونا يخليكى من زوقك بس .. يلا أى خدمة :P

      معلش هى مش تمام :(

      Delete
  4. الله بقي !!

    يابنتي
    قولتلك بحب كتب كريم الشاذلي
    والكتاب دا شكلي هلطشه منك :D

    هههههههه

    ابقي اعمليلي تاج ع البوستات الجديدة يابنتتتتتتي
    ساعات بنسي ادخل بلوجر :@

    ReplyDelete
    Replies
    1. ههههههههه مش عارفة ليه حاسة أن الطلب زاد عليه بعد ما جيبته .. ى ناس جبيته ومتعملش معاها كده خالص اصلا .. واضح أنى عسل وبيحبوا الحاجة لمجرد أنى أنا الى جايباها اصلا :$ :$

      والله يا ريمو الفيس ده مش بقيت بطيق أقعد عليه ربع ساعة على بعض اصلا

      الحياة كلها بقت فالبلوج هنا وتلاقينى قاعدة متنحة اصلا مش بعمل حاجة :D

      Delete
  5. ايه ده انا اسمي مكتوب عارف فرحتيني اوي

    ....
    انتوا كمان كلكم وحشتوني اوي
    انا ماليش نفس لحاجات كتير واخدت قرار مكتبش تاني وحاجات كتيرة كدة متزعلوش مني بليز

    الجزء بتاع كريم الشاذلي جميل انا بحبه

    ReplyDelete
    Replies
    1. اه أسمك مكتوب أهو أهو أهو :)

      الموضوع شكله تحطم .. كسر .. أو أقل حاجة شرخ اصلا !

      أنا لو زعلانة فأنا زعلانة علشانك اصلا :S

      يعنى سيبتى كوووووووول البوست ومسكتى فجزء كريم الشاذلى ؟؟
      ههههههههههههههههههههه شكلى بقى وحش أوى والناس داخلى تعمل كومنت لكريم الشاذلى مش ليا اصلا هههههههههههههههه

      أبقى تعالى كتير :)

      Delete
  6. بوست جميل يالوزة
    مخمخ معايا اوي
    تسلم ايدك

    ReplyDelete
    Replies
    1. فعلا ؟؟

      الحمد لله الحمد لله

      ربونا يخليكى يعنى :D

      نورتينى :)

      Delete
  7. "هو الى هيحط جوايا مش أنا"

    فكرتك حلوه واسلوبك جميل

    ReplyDelete
  8. البوست رائع بجد و لمسني جدا و قعدت شوية كده متنحة بعد ما قريته :)
    الجزء بتاع كريم الشاذلي حلو اوي بس للاسف انا مقريتلوش قبل كده و شكلي هقراله :)
    اول زيارة وحبيت البلوج اوي
    تقبلي مروري :)
    تحياتي

    ReplyDelete
    Replies
    1. أحلفى بالله !
      لمسك وتنحتى ؟؟
      مش عارفة .. أصلى كاتبة أى كلام اصلا مش ركزت فأى حاجة وأنا بكتب اصلا

      عامة ربونا يخليكى
      أنا كمان أول مرة أقرا لكريم الشاذلى وشكرا لمن كان سبب أنى أعرفه :)
      نورتينى بجد بجد
      البلوج كمان حبيتك أوى وبتقولك
      أبقى تعالى كتير ها ها ها :$

      Delete
  9. عارفه يا ميهو
    خلتينى اصلا افكر فى حاجات كتير
    بننساها
    بس لما بنفتكرها
    بتحط كتير اوووى جوانا
    سواء بقى بسعاده او بحزن او حتى بنصيحه

    تحفه البوست

    ReplyDelete
    Replies
    1. هههههههههههههههههههه

      معلش والله بس بجد أصلى مستغربة أوى أن الكلام الى كتبته فجأة كده وجيه على بالى أثّر بالشكل ده
      أنا مبسوطة يعنى :)

      كلامك صح يا دندونى


      والنبى ما فى تحفة غيرك يا دميل ;)
      ههههههههههههههههه

      Delete
  10. عايزة اصرخ معرفش ليه
    ماعلينا

    بصي سيبك من جزء كريم الشاذلي يجى ايه دة جمب جمله
    هو اللى هيحط فيا ولا ايه جمب التناغم والابداع

    بس انا حاسه انى ليسه ومازالت بهضم البوست وكانه مش ممكن يتهضم ابدا من كتر اللى ورا السطور دسم اوى :))

    بوست نهر الحب انا فاكرة وقريته
    من البوستات اللى مبلاقيش فيها ردود ولا ينفع معاها امويشنات بيجد

    تسلم ايدك مهجتى :)

    ReplyDelete
    Replies
    1. أيه ده ليه طيب !

      أحم أحم .. أنا واضح أنى بتعاكس وكده أنا هحمر :$

      للدرجة دى ؟؟ :)))
      واضح أن البوست طلع وراه أكتر ما كنت أطُمح ليه :D

      أيون بجد بحبه قوى قوى اصلا <3

      تسلمى يا حبيبة مهجتك :)

      Delete

عاوزة صراحة فالتعليق
مليش فالمجاملات والكلام ده
يلا سمى الله ودوووس :D