The best things in life are unseen ,, that's why we close our eyes when we kiss, cry, and dream .

2/4/12

"يا ريتنى كنت ولد" !




"يا ريتنى كنت ولد" !

أنا بنت .. فضلت طول عمرى مبسوطة ومتفاخرة أنى بنت
بس من ساعة الثورة .. ولأول مرة .. أناا فعلا كارهه كونى بنت
أول مرة أقول الجملة دى والى بسمعها من ناس كتير لأسباب مختلفة 
مش قادرة أتحمل عدم قدرتى على التعبير عن اعتراضى
مش قادرة أفضل بتفرج وساكتة وبدعى أن ربنا يعديها على خير
فنفس الوقت مش قادرة أنزل من ورا بابا وماما
أكيد هيفرحوا لو بنتهم كانت شهيدة
بس معتقدش هيكونوا مبسوطين لو "من وراهم"
بكره اللحظات الى بحس فيها أنى ضعيفة 
وخاصة لو حل الموضوع موجود وأنا عارفاه

حد يشوفلى حل بقه لأنى مش عارفة ايه ممكن يحصل لو الوضع فضل كده وأنا فضلت كده برده !

14 comments:

  1. الدعاء يغير القدر
    قولي يارب
    من كل قلبك يا مها

    ReplyDelete
    Replies
    1. أكيد يا ريمو
      بس جوايا حاجة محتاجة شئ أكتر من الدعاء
      يمكن حب البلد دى وحقها عليا !

      Delete
  2. مش عشان مبتنزليش يبقى انتى ضعيفة .. اكيد ممكن تلاقى الف حاجة تعمليها غير انك تنزلى الميدان .
    اقولك على فكرة اشتغلى فى الحاجات الخيرية هتحسى انك بتعملى كتير :)

    ReplyDelete
    Replies
    1. فكرة حلوة أوى يا جى :)
      ماشى هجرب

      مبروك البلوج يا سكر .. أيون كده عايزين اداب انجلش كلها تتجمع :D

      Delete
    2. انا دايما بكتب على الورق و قولت اما اجرب اكتب اون لاين بقه ;)

      Delete
    3. مش هتندمى يا جى صدقينى :)

      Delete
  3. ربنا كريم والدنيا تتظبط ان شاء الله

    ReplyDelete
  4. قال رسول الله صلى الله عليه وسلم "من رأى منكم منكرا فليغيره بيده فإن لم يستطع فبلسانه فإن لم يستطع فبقلبه وذلك أضعف الإيمان "

    ربنا عالم بينا ،، ربنا ييسر ويستر ع البلد

    ReplyDelete
    Replies
    1. عليه الصلاة والسلام
      أمين يا هبه يا رب بأذن الله

      نورتينى فأول زيارة للبلوج :)

      Delete
  5. ما باليد حيلة يا مها .. !

    مش لإنك مابتنزليش مظاهرات .. تبقى سلبية
    أو أو
    حاولى تتغيرى انتى .. إعملى تغيير ولو صغير فى دراستك .. أو فيكى انتى
    ساعدى حد محتاج لمساعدتك
    إكتبى
    فهمى حد لسه مقتنع بإن الثوار بيخربوا البلد ولسه ضميره مصحاش ..
    أى حاجة تقدرى عليها بجانب دعائنا لربنا

    التغييرات الصغيرة .. بتكوّن تغيير كبير
    هتعدى على خير إن شاء الله ..

    ReplyDelete
    Replies
    1. حبيبى :)

      أفكار كلها حلوة وأنا هحاول أعمل منها على قد ما هقدر

      يا رب يا سارة يا رب اصلا

      Delete
  6. والله يا بنتي كلنا كده..متضايقيش نفسك...ده خوف من اهالينا علينا..والله يا ميهو هيا مره واحده ايلي نزلت فيها ومن وراهم برضوا ومعتقدش هعمل كده تاني...بس بايدينا نعمل حاجات تانيه كويسه...نغير من نفسنا الاول ونتفوق في دراستنا ونشترك في اي خير...متضايقيش نفسك بقي

    ReplyDelete
    Replies
    1. طيب ربنا يسهل ونحاول نشتغل على موضوع تغيير نفسنا ده وأننا نعمل خير
      كنتى قوليلى ساعة ما نزلتى يمكن كنتى أقنعتينى أنى أجى معاكى وأجمد قلبى :D :D
      حاضر مش هضايق نفسى بقى :)

      ميهو فرحانة بالكومنت بتاعك :)

      Delete

عاوزة صراحة فالتعليق
مليش فالمجاملات والكلام ده
يلا سمى الله ودوووس :D