The best things in life are unseen ,, that's why we close our eyes when we kiss, cry, and dream .

4/18/12

عن الافتقاد

يعنى أيه افتقاد ؟؟ يعنى أيه كلمة "أنا مفتقدك"؟؟
افتقاد يعنى نقص .. نقص يعنى خلل .. خلل يعنى اضطراب .. اضطراب يعنى عدم توازن
لما حد بنحبه أوى يبعد عنا .. بنقول ياااه ده أنا مفتقده ..
وقتها أنت بتبقى حاسس أن جواك جزء فاضى .. المكان الى يخصه عندك بيسألك هو فين
لما حد بيجيب لحد هدية .. ولما الحد التانى يحس ان الحد الأول واحشه.. فيطلع الهدية يحطها قدامه يتلمسها ويبتسم
هو فى الحقيقة مش بيتفرج على الهدية لأنها عاجباه .. لا .. ده بيتفرج لأنها منه ..
بتحسسه أنه موجود معاه .. بتشبع جواه جزء من افتقاده ليه
بتحسسه أن هو جنبه وأنه مبعدش ولا حاجة
لما بتفتقد حد بتعمل أيه ؟؟
بتتفرج على صوره .. بتقرا كلامه .. بتفتكر مواقفكم سوا .. ضحك ولعب ومناقشة
بمناسبة الصور بقه .. أنا بقى عندى ولع غريب أنى أفتح الصور وأفضل باصه كده
بدقق فى كل تنتوفة فى ملامح الشخص الى فى الصورة .. ده أنا كمان بقيت بحلل شخصيته من خلال صورته
الأفتقاد بيعمل أكتر من كده والنبى ههههههههههههههههههههههه
  بس لو أنت مفتقد نفسك بقه ؟؟ أيه الحل ساعتها ؟؟ هتجيب صورة ليك برضه وتفضل
باصصلها ؟؟
أنا عايزة كل حد هيقرا البوست ده يوصفلى احساس الافتقاد فى جملة :)

“ الليلُ تاريخ الحنين، وأنت ليلي ”
 محمود درويش



36 comments:

  1. يا اختاه
    انا قريت الكلمة قعدت اعيط :D
    مش اوي كده...بس فوجئت اني موجوعة وانا بعمل نفسي مش واخدة بالي

    كنت بسأل من يومين..ايه الفرق بين كلمة افتقدتك..ووحشتني
    واكتشفت ان افتقدتك بتتقال في حالة افتقادك لوجود شخص في حياتك زي فجوة اللي انتي بتقوليها...بس وحشتني اقوى...بتقول ان كان جوايا مش فارغ بس..لأ كمان وَحشة من غيرك

    المهم اني معرفش لازمة الكلام
    بس لازم ارغي يا اختااااااه انه بلوجي وانا علقت هنا من ايام ما كنتي عاوزة تتجوزي :D

    وتصدقي بقى ان بلوجك كان ضايع من عندي؟

    سيبك م الرغي ده

    بالنسبة لطلبك ف اخر سطر

    الافتقاد...المأساة التي لا يتجاوزها قلبي ولو بعد مرور سنوات ضوئية...

    بس كده انا استوحشتك يا فوتاة

    ReplyDelete
    Replies
    1. هو أنا دايما كده باجى على الجرح سبحان الله :D

      تصدقى أنى بحس عكس الى بتقوليه .. يعنى بحس أنى الأفتقاد أقوى !
      أحساس بالنقص كده وعدم الاكتمال
      تلاقيكى مش على بعضك
      هههههههههههههههههه

      أنتى ترغى براحتك اصلا
      ده بلوجك زى ما قولتى :)

      ياااااااااااه .. أنتى قديمة جدا يا رضوى .. الموضوع ده اتلأجل 8 سنين خلاص اصلا :D

      الحمد لله أنك لاقتيه :)

      واو !
      حلو التعريف ده :)

      انتى وحشتينى ووحشتنى كومنتاتك يا رضوة القلب :)

      Delete
  2. اوبااااااا مين اللي جايبلك الورد اللي في أسفل البلوج ده :D :D

    ReplyDelete
    Replies
    1. ههههههههههههههههههههه

      أنتى أول مرة تشوفيه ؟؟

      ده هنا من أول ما عملت البلوج خالص اصلا :)

      بصى الوردة البينكى دى كانت مزروعة ليا خصيصا وأتسمت على أسمى

      وبوكيه الورد كان جى لحد واهداهولى يعنى

      من الأخر سرقاه اصلا

      هههههههههههههههههههههههههههه

      Delete
  3. الافتقاد...انك تحس انك عاوز ترفع سماعة التليفون و تتصل بالشخص اللى مفتقده تسمعه و هو بيقول الو و تقفل تانى

    انك تفتح الاكونت بتاعه على الفيس بوك تقرا الكومنتس بتاعته على اى حاجة حتى و مش فاهم بيتكلم على ايه

    انك تقعد تفتكر فى ذكريات مشتركة وتتفرج صور مشتركةوتقرا كلامكوا القديم مع بعض

    انك ببساطة بتمسك اى حاجة تخليه موجود فى حياتك تانى :)

    ReplyDelete
    Replies
    1. انك ببساطة بتمسك اى حاجة تخليه موجود فى حياتك تانى :)

      هو كده بالظبط !

      :)

      Delete
  4. افتقاد
    يعني رعشة برد تهز القلب لحظة ماافكر فيه
    يعني دمعة سخنة تنزل بوجع وقت ماابص لصورته
    يعني في عز عز احتياجي ليه اعرف ان مهما عليت صوتي وندهت عليه مش هيرد ... مش هيجي... مش موجود

    انا مفتقدة بابا أوي

    ReplyDelete
    Replies
    1. ما أنا قولتلك يا بسكوتى بقه

      بصى .. فى حاجات مش معنى أننا مش شايفينها أنها مش موجودة
      ساعات عدم رؤيتنا ليها بتبقى أكبر دليل على وجودها

      وهو كمان مفتقدك اصلا

      بس هو جنبك فكل خطوة فى حياتك بيأيدك على الحاجات الحلوة
      وبيحذرك من الحاجات الوحشة

      فى حاجات بتبقى محتاجة بس أننا نصدقها

      بس نصدقها !

      :)

      Delete
  5. جميل أوي ياوزتي البوست ده

    بالنسبة لما بحس أني مفتقده حد بصراحة مش بطلع حاجة معينة عشان افتكره هو بيجي بحاجاته بصوره بضحكته بكلامه في قلبي ووقتها بتنهد وأضحك

    أنا كمان مفتقداكي بقي منه لله الرصيد اللي مفرق بينا:)

    ReplyDelete
    Replies
    1. نينو حبيبى :)

      ربنا يخليكى يا رب

      أيون بالظبط

      لما حد بيوحشنا بيحضر بكل كيانه معانا

      وده المطلوب

      يمكن دى الميزة الوحيدة فى الافتقاد :)

      معلش هشحن أنا وأكلمك بأذن الله

      :)

      Delete
  6. افتقاد النفس دى اصعب الانواع لانتى هتعرفى تدققى فى صور ولا هدايا ولا ذكريات تفكرك بيها تفضلى تدورى على بعضك ويا تلاقيها يا راحت خلاص

    ReplyDelete
    Replies
    1. صح يا نور

      يا تلاقيها .. يا راحت خلاص !

      وحشتينى

      :)

      Delete
  7. جميييييييييييييل اوي البوست تسلمي يا لوزه

    ReplyDelete
    Replies
    1. نغمة نغومة نغاميمو

      ربونا يخليكى ويكتر من أمثالك

      :D

      Delete
  8. حلو اوى البوست بجد انت عبرتى عن جزء كبير من اللى جوايا .. الافتقاد مش مجرد كلمة بتقوليها لا هو احساس مؤلم جدا خصوصا لو الافتقاد ده لشخص مستحيل انك تشوفيه تانى .. الافتقاد هو ان جزء كبير اوى ضاع ومش هيرجع غير برجوع الحاجه او الشخص اللى اخد الجزء ده .. دى اول مرة ادخل المدونة بس ان شاء الله مش هتكون اخر مرة .. بالتوفيق دايما

    ReplyDelete
    Replies
    1. معتقدش أن دى أول مرة تيجى المدونة

      :)

      الأسلوب مش غريب عليا

      بس عموما

      مفيش حاجة مبترجعش تانى اصلا

      حتى الأموات أحنا بنروحلهم

      مفيش حاجة مستحيلة

      أنما فى حاجة أحنا عايزين نخليها كده

      ميرسى شكرا جدا اصلا

      نورت أو نورتى :D

      ويا ريت تكشفلنا عن هويتك المجهولة ;)

      Delete
  9. كتبت: أشتاقك.. حتى لتكاد الدماء تنفر من فجاجي.. لتلحق بالروح الحاجّة إليك
    ده عن الشوق.. أما الافتقاد فهو إنك تفقدي نفسك جوا حد

    ربنا ما يكتبه عليكي ولا على حد :)

    ReplyDelete
    Replies
    1. لبنى بحالها عندى !

      يا مرحبا يا مرحبا

      :)

      الكلام صعب أوى يا لبنى :(

      موضوع أنى أفتقد نفسى جوا حد ده محتاج مناقشة ;)

      اللهم أمين

      <3

      Delete
    2. نسيت أقولك

      أنك فعلا نورتى

      بجد بجد اصلا

      :)

      Delete
  10. خاطرتك يا لوزتى فكرتنى بنفسى
    افكرّك باللوز اللى عمال اشتريه وفضى جيبى عشان قلبى
    حرمت نفسى من اكله عشان كل شويه اطلعه من الكيس واتصورك قدامى يالوزتى ههههه يالضبط زى ما انتى بتعملى وسلميلى على بسكوتتى اللى مش سأله فيه

    ReplyDelete
    Replies
    1. :) ليا الشرف طبعا يا عمو فاروق

      هههههههههههههههههههههههه

      الله بقه .. هو حضرتك هتفضل تجيب لوز كده كوتير ولا ايه !

      طيب انا عايزة شوية اكلهم بما أنى بحبه :$

      بص يا عمو فاروق .. كل شوية وسيب شوية .. أبقى أتصور جنب اللوز بقه كأنك متصور معايا يعنى

      ههههههههههههههههههههههههه

      هسلمك عليها حاضر

      معلش حقك عليا نيابة عنها

      دايما منورنى يا عمو فاروق

      :)

      Delete
  11. لما توحشك نفسك هات ورقة وقلم واكتب انتوا بعدتوا عن بعض ليه

    انتي اصلا فين غايبة ليه

    ReplyDelete
    Replies
    1. فكرة حلوة

      :)

      أنا بقه كنت غايبة علشان بعمل الى حضرتك بتقولى عليه ده

      :)

      صباح الخير

      :)

      Delete
  12. بالصراحة كدة مش عارف اقول اية ؟؟
    بس هو غالبا كدة الافتقاد هو انك تفضل متنح فى الشاشة بتفكر يعنى اية افتقاد!!! انا مش لاقى تعريف

    ReplyDelete
    Replies
    1. أيييييييييييييون

      قولت المفيد يا أحمد

      مش هنلاقى تعريف

      كل حد هيوصفه من وجهة نظره هو

      فى ناس مش هتلاقى التعريف ده

      وده لأن فكرة الافتقاد بتوجعها أوى

      صباح الخير

      :)

      Delete
  13. ازاى يالوزتى هسيب الاصل واتصور مع البديل
    ارجو الرجوع الى صورى فى الهند فى آخر بوست مش هتندمى لو اتصورت مع الفاروق ههههههه

    ReplyDelete
    Replies
    1. ههههههههههههههههههههه

      الى موجود بقه وخلاص يا عمو فاروق :D

      هروح أشوف طبعاااااااااا

      ;)

      Delete
  14. السلام عليكم
    كلامك جميل اوى اوى...فكرتينى بناس كانت معايا وبعدوا عنى..وفعلاً الصور دى نعمة بتقرب البعيد أوى وترجعك للحظة اللى كنت فيها مع الشخص ده..بس بتسيب حزن لما ترجع للواقع وتعيش من غيره تانى.
    ومش قادرة أعبر عن الافتقاد...لانه سايب أثر كبييير جوايا...وللأســف مع أشخاص بحبهم...مش شخص واحد
    طولت عليكى معلش..السلام عليكم.

    ReplyDelete
    Replies
    1. عليكم السلام

      ربنا يخليكى يا حبيبة والله اصلا ده من ذوقك بس

      :)

      خليكى عايشة فى الواقع بس خدى معاكى خيالك وأحلامك

      أعتقد كده المعادلة هتبقى مظبوطة ;)

      كتير منا مش هيعرفوا يوصفوا الافتقاد

      ده عادى يعنى حالتك مش خطيرة :D

      لو سمحتى طولى كل مرة أكتر وأكتر

      أنتى نورتى اصلا

      :)

      Delete
  15. مش حعرف اقول اوي في جملة
    ممم
    الافتقاد يعني انا جوايا ناقصني
    ..
    لو مفتقد نفسي
    ولو مفتقد حد بحبه برضه حبقي تايه من نفسي

    لما حد بيوحشني بقرا كل حاجة كاتبها رسايل حاجة بخطه علي الموبيل علي الفيس هنا ع المدونة بشوف صور وابص في الملامح
    لما بشوف حتي اسم حد واحشني بحس قد ايه انا مفتقداه وللاسف كل الحاجات دي بتزود الشوق والحنين اكتر حتي لو الحد ده ظاهر شكلا لكن مش موجود في الحياة حواليكي
    فاهماني؟؟

    .....
    مش بحب الاحساس ده اوي لانه كتير ملهوش حل خصوصا لو الحد ده متقدريش توصليله او توصليله افتقادك ده ومتقدريش تسالي عنه لاي سبب

    ...

    بفتقد نفسي كتير
    سهاد اللي بتضحك وتهزر ومتفكرش في اي حاجة
    انا كتير مفتقداها الطفلة اللي ملامحها راحت مع الدنيا دي ومبقاش منها غير ابتسامة وضحكة مزيفة تداري بيها كل جرح
    ..

    علي فكرة
    الستيتس بتاعي علي المسنجر
    i miss u
    :(

    يمكن دي ملهاش حل او حلها الوحيد تلاقي اللي يخليك تلاقي نفسك وتشوف ملامحك فيه وفي حبه وملامحه تبقي مرايتك

    انتي قلتي جملة ها
    ده موضوع تعبير اصلااااااا

    ReplyDelete
    Replies
    1. ححححححححححح

      فاهماكى فاهماكى

      كملى ;;)

      تؤ

      الحتة دى مجننانى بصراحة

      كذا حد من الى دخلوا بيقولوا اصلك مش هتعرف تقولوا

      طيب ليه يعنى مش هعرف ؟؟

      هو أحنا فينا الكبر أوى للدرجة دى

      مش قادرين نطلعها ونقولهاله !

      كلمة وحشتنى بقت صعبة للدرجى دى !

      يا ساتر يا رب !

      لا يا سهاد بجد بلاش الكلام ده

      ملامحى راحت وضحكة مزيفة

      لا لا بجد بلاش

      بصى انا عارفة اننا ساعات بنبقى موجوعين اوى والكلام مهما كان صعب مش بيوصف الى حاسيين به برضه

      بس فى نفس ذات اللحظة كلامنا السلبى بيأثر على عقلنا الباطن

      (شوية علم نفس بقه)

      ههههههههههههههههههههه

      بصى اضحكى على نفسك واعملى مش واخدة بالك

      اشغلى نفسك بمليون حاجة اصلا

      والطريقة دى كثيرا ما تفيد حقيقا

      أسألى مجرب ;)

      ايه ده ؟؟

      u miss me ??

      عيب كده مش قدام الناس بقه الله :$ :$

      مش مهم جملة ولا عشرة

      المهم أنى كنت عايزة كل حد يطلع الى جواه

      لأنى عارفة أن مفيش حد فينا ممرش بالموضوع ده

      أنا مرايتك أهو

      وبقولك أنك أحلى واحدة فى الدنيا اصلا

      هههههههههههههههههههههه

      Delete
  16. اديكي لخبطتيني
    الستيتس بتاعي هو
    i miss me
    مش
    i miss u
    :DD

    ReplyDelete
    Replies
    1. لا لا

      أنتى miss me

      الى هو أنا يعنى

      بس مش واخدة بالك اصلا :$ :$

      Delete
  17. فكرتيني بشريط فرح اخويا كل اللي فيه ميتين ماعدا العريس والعروسة ....كله ميت امي وابويا وخالاتي وعماتي وولاد خلاتيززالمعازيم كلهم وكل ما نتفرج علي الشريط نقول الله يرحمه بيرقص الله يرحمه بيعمل كذا...تقولي ايه لحد مفتقد عيلته و بلده ولغته وبرغم ذلك عايش برضه

    ReplyDelete
    Replies
    1. طيب نحمد ربنا أن العريس والعروسة لسه عايشين

      ههههههههههههههههههههههه

      موضوع شرايك الأفراح دى مواقف بتعدى علينا كلنا اصلا .. عادى بتحصلنا يعنى

      ربنا يرحمهم جميعا بأذن الله

      ممممم أقول

      رغم أفتقادك لكل دول .. الا أنك لسه معاك ربنا

      الأحسن من الكل اصلا

      وهو خير عوض أكيد

      :)

      أديك فقدتى كل حاجة بس لسه عايشة

      هى دى الدنيا

      خدى نفس عمييييييييق

      و

      أبتسمى

      :)

      نورتى بيتى الصؤنن :)

      Delete
  18. الافتقاد هو كلمة معناها الفقدان ياعنى الخسارة
    ممكن من الظروف من الناس من الأشياء ممكن النفس حاجات كتير بنخسرها بسببنا أو لا

    ReplyDelete

عاوزة صراحة فالتعليق
مليش فالمجاملات والكلام ده
يلا سمى الله ودوووس :D