أحم أحم بسم الله الرحمن الرحيم
ـــــــــــــــــــــــــــــــــــــــــــــــــــ
دينا
أنتى طيبة وبشوشة ومتواضعة وعسولة وهادية
شكلك وطباعك لايقة أوى على البلوج بتاعتك
فيكى حتة انطوائية بتحاولى تتغلبى عليها
مش عارفة ده علشان مش بتتعاملى مع الناس كتير ولا دى حاجة فى شخصيتك
بس الوضع ميخوفش فى أمل يعنى هههههههههههه
أعتقد أنك كنتى جاية علشان أخضك وتضحكى على كلامى اصلا :P
المرة الجاية هاخد منك الموبايل قبل ما نبدأ رحلتنا
هو كده .. حقد بقى هههههههههههههه
أنا منشكحة أنى شوفتك :)
رنا
كنت حاسة وأنا بتكلم أنك فتسرحى فيا
ههههههههههههههه
كنتى عايزة تركزى فكل حرف بقوله وكل حركة بعملها
كنتى بتحاولى تفهمينى وتشوفينا بنشبه بعض أزاى
طيبة ومضحكة ورغاية
أنا مش أنتى اصلا :P
هههههههههههههههههههه لا أنتى أنتى :D
متواضعة برده
أنتى بالنسبالى شخصيتين .. الى شوفتها .. والى بتكلم معاها
علشان لسه مش عارفة أركب صوتك على شكلك اصلا :P
فى صور طلعت حلوة أوى ;)
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
الأربعاء .. 15/2
ــــــــــــــــــــــــــــ
حبيت ابدا البوست عكس ما انتم عاملينوه .. وشكلنا هنضرب من الناس هههههههههههههه
فى مثل هذا اليوم تم بحمد الله لقاء البنت العسولة الحلوة الشطورة الرقيقة والمرحة الطويلة الجذابة مها النجار (الى هو أنا يعنى :$) مع كل من دينا ورنا .. أيون دينا ورنا بس مش هشكر فيهم اصلا :P
هههههههههههههههههههههههههههههههههه
بداية اليوم بدأ من بليل بمفاجئات وخضّات وحاجات غريبة فمش كنت هخرج اصلا
"كلمت رنا الصبح وقولتلها "هو أنا لو مجتش أيه ممكن يحصل
قالتلى "هقطعك اربا اربا" .. كانت فاكرانى بهزر
ولما عرفت أنى بتكلم جد لقيت وحش طلعلى ولقيتها بتقولى
"مها أنتى بتهزرى يعنى أيه مش هتيجى وليه اصلا ولو أنتى مجتيش محدش فينا هيروح واليوم هيبوظ"
"حسيت أنى فمأزق وأن الموضوع متوقف عليا كالعادة يعنى قولتلها "خلاص هدخل البس
المهم كان مفروض نتقابل فالمترو
روحت أنا أول واحدة وفضلت مستنية الهوانم الاتنين لأن المترو كان زحمة واتأخروا
بعدين دينا وصلت وكلمتنى وكنا قدام بعض .. قولتلها دينا أنتى لابسة أخضر ؟؟
ههههههههههههههههههه ضحكنا وطلعت هى الى لابسة أخضر
"بعدها كلمت رنا قالتلى "خلاص انا جاية أهو أنتى لابسة نبيتى ؟؟
"قولتلها "لا" قالتلى "جنبك واحدة لابسة اخضر؟؟" قولتلها "برده لا
كنت لابسة نبيتى فعلا وجنبى دينا
هههههههههههههههههههه
المهم استسلمت مع أنى كنت عايزة أرخم شوية
وهنا جيه الجزء الصعب .. هنروح فيييييين
برده اتفقوا أنى انا الى أقول زى ما أنا الى جمعتهم حححح مش عارفة بصراحة تعبونى أوى اصلا
المهم طلعنا على وسط البلد أتمشينا ودخلنا ماك وكان فى ناس هضربهم
بس بقى أكلنا وبعدين جبنا ايس كريم وفضلنا نرغى كتييييييير
دينا جابتلنا بونبونى كده يالهوى اصلا خلى عينيا دمعت وفضلوا يضحكوا عليا الاساتذة :@
خرجنا اتمشينا تانى وكنت انا الى بعدّيهم الطريق نظرا لأحساسى الرهيب بالمسؤلية تجاة الى بكون ماشية معاهم خاصة فموضوع الطريق ده
ومقولكوش على المواقف المحرجة الى اتحطيت فيها بسبب الموضوع ده
كنا هنروح التحرير بس نسينا وروحنا مكتبة الشروق .. وهى مكتبتى المفضلة
وهنا وقعت عنيا عللى كتاب مقدرتش اسيبه بصراحة
لغات الحب" لكريم الشاذلى"
ودينا جابت كتاب ورنا كمان
خرجنا اتمشينا تالت .. وحصلتلنا برده حاجات غريبة جدا مش هقولها منعا للأحراج
"رنا ودينا اياك واحدة فيكم تنطق بكلمة"
مش هتكلم طبعا أزاى رنا ودينا فضلوا يعاكسونى ويتريقوا على صوتى ويستصغروا شكلى ويستغربوا من الفظاتى
"دينا "أنتى عسل و كتكونة خالص
"رنا "انما ايه العسل الى قاعد معانا ده
شعقول شعقول الفظاعة دى وأنتوا عارفين انى بأوحرج وبحمر خجلا اصلا
اليوم كان قصير وعدى بسرعة أوى اصلا أنا اتبسطت جدا جدا
محدش فينا كان عايز يمشى وكل شوية نختلق الاعذار علشان نقف نرغى
وقبل ما نمشى أفتكرت أنى معايا جالاكسى ووقفنا أكلناها فالشارع نياهاهاهاها :)
حبيت أحكى تفاصيل اليوم مع أننا عارفينها بس قولت علشان لما تعدى علينا السنين نلاقى مكان نرجعله ونفتكر أول مقابلة لينا :)
وعد منى أنى بأذن الله هحاول المرة الجاية أجيب رضوى ونيللى ورحمة ونور كمان علشان عرفت أنها زعلانة
بس والله اصلا انا مش معايا الاكونت بتاعك ولا اى حاجة أقدر أقولك منها اصلا .. قوليهولى وأنا هعملك آاد ونبقى سوا المرة الجاية :) دول بالنسبة للناس الى فى القاهرة .. أما باقى المحافظات زى منى وسارة وايناس وريماس وحسنا وايمان (لو ناسية حد قولولى) دول هبقى أعمل زيارة بصحبة المرشد السياحى بتاعى وأقابلكم وأسلم عليكم وأمضيلكم على الاوتوجرافات كمان يااااااااالااااااااااا ان شالله ما حد حووووووووش ههههههههههههههههههههههههه
لو فى حد تانى عايز ييجى يكلمنى على 08888 وأنا هرد عليه بنفسى
ههههههههههههههههههههههه
