The best things in life are unseen ,, that's why we close our eyes when we kiss, cry, and dream .

1/10/12

Tangled امتحانات :D

يعنى أيه فترة امتحانات ؟؟
هى فترة من القلق والتوتر وحرقة الدم والضغط 
الفترة الى الناس فيها بتذاكر أوى
ومبتحلش أوى برده
أنا مثلا الحمد لله بدأت امتحاناتى انهارده 
والحمد لله وكالعادة حليت زوفت
مش عاوزة أشرح اللخبطة والرغى الفاضى الى انا كتبته بصراحة
بس هو أنا عملت وحش وخلاص
أمتحانى الجاى يوم الأحد

أدعولى من معاميق قلبكم منعا للعك يعنى :D

كل ده مش مهم اصلا .. عادى جدا

الأهم بقه أن فيلمى المفضل نزل منه جزء تانى
أنا مبسووووووووطة خالص اصلا وهموت وأشوفه
بفكر ادخله سينما .. بس مش بدخل سينما أنا .. 
بس ممكن لو لقيت حد ادخل معاه ادخل عادى (أنا بكدب أوى على فكرة)أحم :$
المهم بقه الفيلم اصلا ايه هوووووو
TANGLED <3<3
مممممممممممم ..أسمه بس بيجننى اصلا :)
الفيلم مش مجرد فيلم بحبه علشان كارتون 
الفيلم ده علاقتى به أكبر من كده
يعنى أنا فاكرة الفترة الى نزل فيها الجزء الأول 
فاكرة احداث حياتى ساعتها
فاكرة التخيلات الى جت فبالى فأول مرة أتفرجت فيها عليه
كل شخصية وكل حاجة فيه بيفكرونى بحاجة كانت حلوة وموجودة
وحشتنى أوى روبانزال مع فلين  :)

ده الفيديو بتاع الجزء الجديد :)

وبحب السونج دى أووووووووووى :)

وحشتنى يا فلين <3

12 comments:

  1. مااجمل بساطتك ما اجمل تناولك للامور والبشر والاشياء
    هنيئا لاحلامك السعيدة مع افلامك وكل ما تحبين بس احكيلنا وشاركينا فيما ترينه ولقاء جديد مع انوثتك الرقيقه

    ReplyDelete
    Replies
    1. أستاذ فاروق

      فضلت اقرأ كومنت حضرتك مرارا وتكرارا من كتر ما هو عجبنى اصلا :)
      ربنا يخليك والله اصلا شكرا خالص
      ونورتنى طبعا :)

      Delete
  2. علي فكره انا بموووووووووت في الفيلم ده
    وكل افلام الكارتون بصراحه

    ReplyDelete
  3. فترة امتحانات يعني
    بعدها أجازة
    بعدها نتيجة حلوة ان شاء الله
    بعدها شوية راحة وفسح
    فترة امتحاناتت
    يعني تفرحي بتعبك
    هتعدي جميلة وهيجي بعدها حاجات اجمل
    :)

    ReplyDelete
    Replies
    1. الكومنت بتاعك حسسنى بتفاؤل يا بسكوتتى :)

      أمين يا رب اصلا :)

      Delete
  4. سيبك انتى
    adele التراك بتاع
    هو اللى فى الليلة :D
    بعيدا عن انى متفق معاكى تمام ان فترة الامتحانات هى اللى بنذاكر فيها اوى ومش بنحل فيها خالص بقى

    ReplyDelete
    Replies
    1. أنا اصلا زوقى حلو دايما ما شاء الله عليا :$

      يابنى اصلا كلامى كله صح أنتا بتتكلم فى ايه اصلا :P

      Delete
  5. حبيبي حبيبي
    ربنا يوفقك يا مهجتى يارب
    في الامتحان اللى جاى وتبقي طالعه حاسه
    انك حليتى اكتر من المطلوب ^_^

    بالنسبه للفيلم والاغنيه انا بموت فيهم
    وبحب افلام الكارتون جدآ
    وبحب تينكبال
    ومدغشقر
    ونيمو وكله كله بيجد

    ReplyDelete
    Replies
    1. تصدقى بحب مهجتى دى علشان محدش بيقولهالى غيرك :)
      أميين يا رب يا ريت الدعاء يتكثف ويبقى من القلب المرة دى هاه ;)
      وأنا وأنا وأناااااااا
      مش أتفرجت على مدغشقر ده اصلا
      نيمو حبيبىىىىىىىى اصلا <3

      Delete
  6. ربنا يوفقك يا مهموهتي أصلا :))

    جميل الفيلم بس كنت كل ما ابقى عايزة اشوفه حاجه تعطلني ان شاء الله هشوفه

    ReplyDelete
    Replies
    1. بحس أن "مهموهتى" دى بتاعتك أنتى يا أيناس
      لما حد بيقولها بفتكرك سبحان الله :)

      معقول مش شوفتيه لحد دلوقتى !!
      لازم تشوفيه .. أنا مثلت حلو أوى أوى اصلا فيه
      وتشوفى فلين حبيبى كمان
      وتقوليلى رأيك ;)

      البلوج بيفتقد تعليقاتك اصلا :)

      Delete

عاوزة صراحة فالتعليق
مليش فالمجاملات والكلام ده
يلا سمى الله ودوووس :D