The best things in life are unseen ,, that's why we close our eyes when we kiss, cry, and dream .

1/31/12

موها منشكحة :D




أولا "موها" و "منشكحة" مش بقولهم على نفسى غير وأنا مبسوطة بجد
لأن الاتنين ليهم ذكريات حلوة اوى معايا اصلا
ندخل فالموضوع بقه .. أحم أحم
روحت معرض الكتاب ..اه والله روحت
كان يوم حلو أوى أوى
ركبت مواصلات لففتتنى مصر كلها اصلا
شوفت رودى و رارا وفاطمة
كان نفسى رونا ونيللى وريمو ودينا ونوستى ونيللى 2 يكونوا موجودين
وطلعت بغنيمة تحفةةةةةةةةة
جبت تراب الماس لاحمد مراد
لم اعرف ان الطواوايس تطير لبهاء طاهر
أفتح قلبك لعبد الوهاب مطاوع
الكتاب التانى لأحمد العسيلى
الان أفهم لأحمد خالد توفيق
واخيرا ..لو أننا لم نفترق .. ده ديوان لفاروق جويدة :)
نفسى أروح تانى وأجيب حاجات تانى أكتر اصلا
أنا مبسوطة خالص مالص بالكتب ..
 كان نفسى أجيب "أحببتك أكثر مما ينبغى" بس نسيت أشوف اسم دار النشر بتاعته وأنا رايحة :(
برده هفضل أدور عليه لحد ما الاقيه وأجيبه حتى بعد المعرض اصلا
ومبسوطة كمان علشان ناس بحبهم بجد يعنى 

أكيد بعد كل ده لازم موها تكون منشكحة اصلا :)

12 comments:

  1. الله
    شوية كتب اصلا نفسي اقراهم كلهم

    كان نفسي اكون معاكي بقي
    بس انت تريد وانا اريد والله يفعل ما يريد =)

    مبروك الكتب ياحبيبتي
    والحمدلله انك استمتعتي باليوم وشوفتي البنات الحلوين دول

    وحبيكي بقي وكدا هون <3

    ReplyDelete
    Replies
    1. خلاص خديهم يا ييمو يا حبى وبلاش أنا :P
      هههههههههههههههه

      الله يبارك فيكى اصلا
      واليوم كان نقصك
      بس هنعوضها بأذن الله :)

      أحم بلاش الكلام ده قدام الناس أنتى عارفة أنى بأحمر خجلا اصلا :$ :$

      Delete
  2. جبت تراب الماس لاحمد مراد
    لم اعرف ان الطواوايس تطير لبهاء طاهر
    أفتح قلبك لعبد الوهاب مطاوع
    الكتاب التانى لأحمد العسيلى
    الان أفهم لأحمد خالد توفيق
    واخيرا ..لو أننا لم نفترق .. ده ديوان لفاروق جويدة

    كانك دخلتى دماغى بيجد
    انا قولتلك انتى اختيارتك توحفه
    مبسوطه انك في الاخر جيبتى المتاب التانى لاحمد العسيلي
    احنا بقرأة حاليآ يلا بقي اشتغلى ياعسل

    وعجبنى ديوان فاروق جويدة
    اكتر شاعر بموت في بيجد ^_^

    تانى المهم والاهم فالمهم انك منشحكه
    انا اتشكحت لانشكاحك
    كان نفسي اقابلكم انا كمان ومنفعشي :(

    ReplyDelete
    Replies
    1. يارب دايما مبسوطه يا مها

      Delete
    2. ما أحنا اختيارتنا واحدة يا رونا ;)
      نأ أنا بقرا ناو ف "نون" لسحر الموجى
      كان جايلى هدية فعيد ميلادى :)
      أنا كنت هزداد انشكاحا لو كنتم موجودين كلكم اصلا
      بس لا تقلق هنعوضها ا وحش أحنا متفقين اصلا ;)

      Delete
    3. ريرى ربنا يخليكى والله اصلا ويسعدك يا رب :)

      Delete
  3. عاااااااااااااا

    مافيش هنا فى المنصورة انا هطق

    ReplyDelete
    Replies
    1. هههههههههههه
      يا عينى :D
      معلش يا ميسا لما تنزلى القاهرة أن شاء الله هظبطك وأجبلك كل الكتب الى انتى عاوزاها :)

      Delete
  4. انا مبسوطه اووووى انك منشكحه :))
    الحمدالله انك اتبسطتى كده
    وانا والله فعلا كان نفسى اشوفك :(
    عايزين كلنا نتقابل فى يوم بقى خليكم حلوين ^_^
    لما تقرى حاجه من الكتب دى قولى رايك فيهم عشان تشجعينى اقراهم بقى

    ReplyDelete
    Replies
    1. :)
      دينا <3<3
      ما أنتى فضلتى الخفلة عليا يا هانم :@
      ههههههههههه
      يا بنتى اصلا أنا وكما يقال بجمع كل الناس
      فطول ما أنتم عارفنى اطمنوا هنتقابل يعنى هنتقابل اصلا ;) ;)
      حاضر أنا بس أخلص "نون" و"ليتها تقرأ" و"النسيان" وأبدأ فالجداد وأقولك رأيى على طووول اصلا :)

      Delete
  5. عادى هو معرض الكتاب بيخلينا منشكحين اوى اوى
    بس بيخرب بيتنا اوى اوى بردو , انا اعلنت افلاسى امبارح بعد مارجعت من المعرض :D
    بس سيبك انتى , الديوان بتاع فاروق جويدة دة هايعمل معاكى دماغ عالية اوى و اقرى كمان " حبيبتى لا ترحلى " دى بقى اسطورة جويدة بجد

    ReplyDelete
    Replies
    1. أهم حاجة يا روما تكون مبسوط مهما كلفك الأمر :D
      يعنى أنا امبارح باب بيسألنى أنتى خلصتى كل الفلوس ؟؟
      دريت بكل براءة قولتله أيون يا بابا
      قالى كلها يا مها ؟؟
      قولتله مش أهم حاجة أنى اتبسطت ولا ايه يا بابا ! :$
      هى هى هى ثبتوه هههههههههههههه
      أيون عارفاه كنت جايباه قبل المعرض
      اصلا فاروق جويدة "رهيب" :)

      Delete

عاوزة صراحة فالتعليق
مليش فالمجاملات والكلام ده
يلا سمى الله ودوووس :D