The best things in life are unseen ,, that's why we close our eyes when we kiss, cry, and dream .

1/28/12

معرض الكتاب



 :$ كاتبة انهارده علشان مصلحة بصراحة
 معرض الكتاب بدأ بقاله شوية كده
مفروض أنى يمكن هروح الأسبوع ده
أنا عايزة أى اقتراحات عن كتب 
فلسفية .. حاجات خاصة بعلم النفس
كتب تشغل التفكير كده
ممكن رومانسى .. روايات
قصص قصيرة لا مش بحبيها
يعنى أنتم قريتوا شوية من بوستاتى
وأنا كمان قريت بوستاتكم وعجبنى منها كتييير
فحاولوا تخمنوا الحاجات الى ممكن تعجبنى وقولولى
بس بسرعة .. قبل يوم التلات

ميغسى مقدما :)

 



  








20 comments:

  1. هتروحى مع مين يابنت
    ;)
    بصي انا اللي اعرفه وممكن يعجبك شاي بالنعناع لكاتب احمد خالد توفيق

    وفي بنت اجنده
    دوال بقي هتلقيهم بالخيم الخاصه بدرات النشر
    دكتور احمد خالد توفيق دار ليلي
    بنت اجنده معرفشي دار ايه بس اسئلي :))

    وشوفي بقي اى حاجه شبابيه عمرو سلامه مثلا او العسيلي ولعائض القرنى معرفش منزل حاجه ولا هتلاقي القديم :)

    ويارب يكون يوم سعيد عليكى ان شاء الله <3

    ReplyDelete
    Replies
    1. بلاش السؤال ده يا رونتى علشان بيتعبنى نفسيا
      نفسى ارد أقولك "الله بقه يا رنا بلاش احراج"$" هههههههههههههههه
      هكون هروح مع مين يعنى اصلا
      الناس المعتادة الى انتى عارفاهم .. اسراء .. سارة .. نورا ..سما
      أوك يبقى الاول شاى بالنعناع من دار ليلى
      والبقية سيُبحث عنها ;)

      ما تيجى يا بنتى صحيح ؟؟

      Delete
  2. بقولك ايه انا بطييييخ

    هروح واشوف

    معتقدش انى هفيدك

    بس بعمل كومنت رخامه

    ReplyDelete
    Replies
    1. هههههههههههه
      فعلا !
      طويب
      تعيش وترخم اصلا :P
      وأبقى قولنا جبت ايه :)

      Delete
  3. حقيقى مسألة اختيار كتب للغير مسألة صعبه للغاية
    مايعجبنى قد لا يعجبك
    مجرد الزيارة ستجديت الكثير والكثير

    ReplyDelete
    Replies
    1. يا نهار أبيض
      أستاذ فاروق أى حاجة من حضرتك حلوة اصلا
      وأنا بعتذر عن عدم المتابعة بس فعلا متكركبة خالص بقالى فترة
      ويا ريت حضرتك تفضل تنورنى كده على طول اصلا :)

      Delete
  4. ايه ده رايحة يوم التلات؟
    عاوز اشوفك طيب :)
    وابعت لرارا تيجي هي كمان لو عرفت
    ورنا ابعتي هاتيها :D

    ReplyDelete
    Replies
    1. بصى يا رودى هو لسه مش أكيد
      هعرف انهارده أو بكره بأذن الله وأقولك
      وأوك كلمى رارا وأنا قولت لرونا ولو كده هبقى أتصل بيكى ونظبط ونتقابل اصلا :)

      Delete
  5. هاتى يوميات شحات حو كتير هيعجبك:)

    ReplyDelete
    Replies
    1. طيب يا ميسا بتاع مين أو دار النشر بتاعته ايه ؟؟

      Delete
  6. فاااكس انا كنت بعمل كدة زمان , افضل اسال اصحابى وبتاع وفى الاخر بنزل اجيب حاجات تانية خالص :D:D
    توكلى على الله و ابقى استمعلى حدسك هناك (:

    ReplyDelete
    Replies
    1. روما
      بجد بجد أنتا كومنتاتك بتفصلنى بطريقة بشعة
      بتستخدم ألفظات بتخلينى أعمل كده :S
      هههههههههههههههه
      بس بحس أنك على طبيعتك أوى اصلا :)
      طويب هسمع كلامك فجزء معين وهروح واجيب كتاب مكنتش مرتباله ;)
      نورت نورت :D

      Delete
  7. ماتخليها طيب يوم الاتنين ونتقابل هههههههه
    انا رايحه بكره ان شاء الله
    بصى انا مش عارفه الفلسفه
    بس زى ما رونا قالتلك
    فى حاجات كتير لاحمد خالد توفيق ممتعه
    انا جبت كتاب شيرين سامى اللى نزلته
    عجبنى جدا فا جربى كده وشوفيه هتلاقيه فى دار ليلى
    وكتاب بنت اجنده اللى رونى كمان قالت عليه ده انا شوفته بيتهيألى فى دار اسمها كورن
    لو ليكى فى قصص الالغاز او الجريمه هاتى حاجه لاجاثا كريستى دمااااغ القصص بتاعتها
    وخصوصا روايه جريمه فى قطار الشرق
    تحفه بجد

    بصى من غير ما اطول عليكى
    انتى لفى براحتك وعلى اقل من مهلك والكتاب اللى يخطفك هاتيه الاختيار بالطريقه دى مش بيخيب ابداً :D
    رحله سعيده ^_^

    ماتنسيش تيجى تقوليلنا جبتى ايه بقى ;)

    ReplyDelete
    Replies
    1. ايه ده
      لا بقه يا دينا مليش دعوة بقه خليها التلات بليز بليز :(

      أوك يبقى تانى واحد بنت أجندة
      لا جريمة والاغاز مبحبش اقرا فيهم .. بحب اتفرج عليهم بس اصلا

      حاضر هقولوكم
      وهجيب كتب بالحدس برده اصلا :)

      Delete
  8. أنا كل ميول أدبية فمش عارفه اقترحاتي هتعجبك وله لأ
    أشتريت كتب ليوسف أدريس ونجيب محفوظ وتوفيق الحكيم

    أنتي أصلاً هتدخلي هتنسي كل اللى قولنهولك, فشوفي ميولك أيه؟ واختاري:)

    ReplyDelete
    Replies
    1. ممم طويب يا نينو هسمع الكلام اصلا حاضر :)

      Delete
  9. حبيت اقولك انجووووووووي
    ومشمركزة في اي بتنجان دلوقتي ^_^

    ReplyDelete
  10. كتاب عمرو سلامة (شاب كشك) دار نشر دون

    )الكتاب التانى )احمد العسيلى مكتبة الشروق

    رواية (واحة الغروب) لبهاء طاهر دار الشروق

    دول مؤقتا بس :)

    ReplyDelete
    Replies
    1. ايون اصلا عارفاهم
      تحفة :)
      I'm w8ing 4 more :)

      Delete

عاوزة صراحة فالتعليق
مليش فالمجاملات والكلام ده
يلا سمى الله ودوووس :D