The best things in life are unseen ,, that's why we close our eyes when we kiss, cry, and dream .

11/1/11

واخيرا اسبوع حلو :D

احم احم ....
بسم الله ....
الاسبوع ده كان اسبوع كميييييييييل خالص مالص
لييييييييييه بقققققققققققققه ؟؟
هقولكم ليه 
اولا .. خرجت مع انتختى الانتوخة 
خلصنا الجامعة وقولنا نروح وسط البلد
 روحنا اتمشينا 
وفضلنا ندور على مكاتب علشان نشترى كتب
لفينا كتير واكلنا ايس كريم من العبد
وبعد 3 ساعات لف 
وصلنا لمكتبة كده عند الجماعة الامريكية
أى ال AUC
طلعنا اتفرجنا وخرجنا أيد ورا وأيد قدام
طبعا مش كان فينا نفس نمشى تانى
روحنا اعدنا فى سلنترو
واتشقلبنا من الضحك اصلا
وروحنا واكيد وكالعادة فضلنا نرغى ونضحك 
___________________________________

ثانيا .. بقيت مُدرسة
تخيلوا انا مُدرسة !!!!
ههههههههههههههههههههه
ليا واحدة صبحتى بتنزل تريننج فى مدرسة وعرضت عليا اروح معاها ووافقت
روحت الجامعة خلصت محاضراتى واتصلت بيها قولتلها انا جاية
بعد ما روحت, نزلت اخدتنى من عند باب المدرسة 
وطلعنا الفصل
لقيت صحبتى دى اتحولت واحدة تانية جد جدا 
ولقيتها بتقول قيام يا ولاد
دى ميس مها هتدرسلكم معايا انهارده
وانا واقفة عمالة اقول فين ميس مها يا جماعة فين فين
ميس مها ترد بقه عيب كده
لقيتها بتقولى قوليلهم سلاموا عليكم
عمالة ابص حواليا يمكن بتكلم حد مش لاقيه
اكتشفت ان انا ميس مها وانها بتكلمنى
طبعا وبما انى مش بحب اكون محط انظار خاااااااالص بقه
لقيت وشى جاب الوان ومش عارفة اعمل ايه
والفصل كله واقف بصصلى
روحت فضلت اضحك وقولتلهم
"سلاموا عليكم"
من غير ما اشرح بقه انا قولتها ازاى 
جريت فى اخر الفصل واعدت وباصة فى الارض
وكل ما رفع عينى الاقى البنات باصنلى
اتكسف واحط وشى فى الارض زى الى جى يتقدملها عريس
(بتلكك بقه ههههههههههه )
وبعد كتير كده استجمعت قوايا وقمت
طبعا مش بحب اعلى صوتى لانه بيبقى مسرسع جدا جدا :$
بس اضطريت اعليه وسرسع برده
ههههههههههههههههه
وبدأت اتفاعل واشرح واسال البنات
واتكلمت معاهم وضحكتهم 
وفضلوا يقولولى يا ميس تعالى كل مرة
والى جم يسلموا عليا بقه قبل ما امشى 
كنت فرحانة جدا جدا اصلا
بس برده حلفت عظيم بيمين ما هشتغل مُدرسة حتى لو ضربونى بالفلكة :D :D
_____________________________________

ثالثا وده الاهم
جالى وردتين احمرتين :$ :$
يااااااه كنت فرحانة بيهم اووووووووى اصلا 
لانى مش بحب فى حياتى حاجة اكتر من الورد والشوكولاتة 
علشان دماغكم مش تروح لبعيد
بما انى من فصيلة سينجل مع الاسف
فاحب اقولكم ان الوردتين دول كانوا من انتختى برده <3<3
جات يوم الصبح كده لقيتها جايبالى الوردتين 
واليوم الى قبلها كانت جايبالى غويشة شكلها عسول خالص اصلا
بصراحة البنت مظبطانى على الاخر
يبقى احب واتخطب ليه
كفاية عليا أسؤستى حبيبتى :)
______________________________________

 خلاص الاسبوع خلص :D
;كان احلى ما فيه ان محصلتليش حاجة نكدت عليا
هو النكد اصلا موجود بس مش زاد يعنى :)
______________________________________

عيد ميلادى خلاص قرب فاضل شهر و اسبوع :)
والعيد برده قرب فاضل كام يوم
كل سنة وانتم طيبين 
وعيد سعيد عليكم يا رب كده
انا قولت اقولكم بقه بما انى مش هكون موجودة الايام الجاية :)
الى هياكل لحمة يبقى ياكل لى معاه :P

13 comments:

  1. ربنا يخليك انتي وانتختك

    ومش مشكلة لو بقيت مدرسة ليوم .. الله يعينهم المدرسين أعمارهم قصيرة !! عموما كل عام وانت بخير مقدما بمناسبة العيد وذكرى مولدك .. ياعالم راح نعيدك ولا راح نكون فين .. ما هي دنيا

    ReplyDelete
  2. هيييييييييييييه
    هييييييييييه وكمان هيييييييييه
    ايون كده بفرح قوي لما بلاقي حد منشكح ومبسوط

    ربنا يفرحك يارب يا لوزه يا قمر انتي

    ReplyDelete
  3. ياربكل ايامك واسابيعك حلوة وجميلة
    وكل سنةوانتي طيبة يا مس مها

    ReplyDelete
  4. ربنا يخليلك صاحبتك وتدوم صداقتكم دايما
    عشان بجد الصداقه اللى من النوع ده قليله اوى اليومين دول
    ومبروك عليكى الورتين يا ستى ;)
    كل سنه وانتى طيبه بمناسبه العيد
    وبمناسبه عيد ميلادك مقدما كمان <3

    ReplyDelete
  5. كل سنه وانتى طيبة وصحبتك طيبة

    ربنا يخليكم لبعض

    ReplyDelete
  6. كل سنة وانتي طيبة ياقمر فرحانة انك مبسوطة
    :))

    ReplyDelete
  7. ميس مها .. :)

    ربنا يحلّى ايامك الجاية كلها يارب كدا ..

    وعيد أضحى سعيد عليكى ان شاء الله
    كل سنة وانتى طيبة .. دبل :)

    ReplyDelete
  8. وجع البنفسج
    ميرسى ربنا يخليكى
    انتى جاية تفولى عليا ولا ايه
    هههههههههههههههههه
    مش هشتغل مدرسة ابدا اصلا متحاوليش
    ربنا يخليكى ويسعدك يا رب انتى كمان :)

    ReplyDelete
  9. فراشتى :)
    كل سنة وانتى طيبة ويا رب افضل فرحانة علشان تفضلى فرحانة انتى كمان اصلا :)

    ReplyDelete
  10. دينا
    ايون عندك حق اصلا
    ربنا يخليكى يا رب
    وانتى طيبة يا سكر وعيد سعيد

    ReplyDelete
  11. اسلام
    ميرسى ربنا يخليك اصلا :)
    وانتا طيب وعيد سعيد عليك يا رب

    ReplyDelete
  12. نهر الحب
    وانتى طيبة وعيد سعيد علينا كلنا ان شاء الله
    يسمع منك يا رب

    ReplyDelete
  13. سرسورتى
    باخد منك احلى دعواتك
    اى لاف يو اصلا بقه :$

    ReplyDelete

عاوزة صراحة فالتعليق
مليش فالمجاملات والكلام ده
يلا سمى الله ودوووس :D