The best things in life are unseen ,, that's why we close our eyes when we kiss, cry, and dream .

11/19/11

الصورة (1)


تفتكروا الصورة دى ممكن يكون معناها ايه ؟؟
انا همسك كل فتفوتة فيها وهشرح المعنى الى انا شايفاه
والى عنده معنى جديد يقولى على طول 
وانا هضيف تحليله للبوست وهكتب اسمه جنبه :)

اولا : وقفة البنوتة
اول ما شوفتها واقفة كده وباصة هناك 
حسيت انها خايفة من حاجة
بتبص من بعيد 
مش عاوزة تدخل جوه
مع أن الحاجة الى خايفة منها دى نور الشمس
يعنى مش مرعب ولا غامض
ده حلو اوى واضح جدا لكل الناس

ثانيا : لبسها
لابسة بالطو طويل خالص 
وبوت طويل 
يمكن لبسها ده بيوحى ان هى خايفة على نفسها جدا
فمحصنة نفسها من كل حتة
بحيث ان مفيش حاجة تقدر تأذيها
دى حتى مدخلة ايديها فجيبها
مش عاوزة اى حاجة تكون نقطة ضعف حد يقدر يوصلها بيها

ثالثا : ورق الشجر
بصوا ازاى ورق الشجر منسدل قدامها
كأنها واخداه سبيل من سبل الحماية ليها
فى منه الى واقع فالارض ولسه اخضر
وفى منه الى اصفر ومات
يعنى كل حاجة حواليها بتحاول تساعدها لحد ما تموت

رابعا : المغزى العام
ساعات الواحد من كتر خوفه انه يتجرح او يتأذى 
بيحاول يبنى سور حواليه
سور يمنع اى حد واى حاجة توصله
بيرضى بالناس الى فحياته وبس
بيخاف من اى حاجة جديدة حتى لو كانت حلوة
بيمشى بمنطق "الى نعرفه احسن من الى منعرفوش"
أو شر معروف أفضل من خير غامض


نا خلصت يلا الدور عليكم :)

 أول ما شوفت الصورة 
حسيت ان البنت دى عايزة تقول :
"انا ايه الى جابنى هنا"

 انا اول ما شوفت الصورة  قولت 
ان فى عالم جديد قدام البنت فضولها عايز يدخلها فيه
بس هى بتشوف الاول يا ترى فى ايه ؟!

 بنت الظل ..
كأنى شجرة من شمن الاشجار الكتير الى واقفين
هناك بعيد اوى ومش ظاهرين فالصورة دى
كأنى (نيتة ظل ) أذن ..
البنوتة دى بالنسبة لنا هتكون الوردة الحمرا
الى بغصن اخضر ونوارة دهبى
هتكون على رأى الغيطانى " قـِبلة أعيننا"
علشان كده احنا -الاشجار- كلنا ساكتين
ومستمتعين بالجمال البرئ ده
كلنا متوحدين فالسكون لسبب وحيد
والذى لا تعلم تلك البنوتة انها مصدره

كانت تنتظر كل يوم في ذات الصباح ذلك الضوء الذي يعطى لها الامل
 انها بريقها للمرورالي عالم آخر ابهى لم تتكن تتخيل كم هو جميل لهذه الدرجه 
كانت تريد بشده لو انها تخرج من ذلك الكادر وتراه من بعيد كم سيكون جميلآ وبراق لكنها في نفس الوقت خائفه حائرة من تزيل تلك الاوراق وتذهب اليه تراها عن قرب وتستمتع به فاكتفت ان تنظر من بعيدلان خوفها لن يزول في يومآ واحدآوربنا تنتظر منه اشارة بمجيئها الي وربما لاتريد ان تثير ضجه اعقادآ منها في انه سيذهب وقتها فظلت واقفه محافظه علي ثباتها تنظر بامل :)

حسيتها زي اللى طول عمره عايش ف الضلمهولما شاف شويه نور بقى خايف يقرب منه


رضوى :
حسيت الصورة دى بتعبر عن براءة و فضول الأطفال
أنها رغم ان المكان اللى قدامها مش واضح ليها
فهى بتحاول تبص و تعرف ملامحه قبل ما تقرب منه



منة :
انا حسيت كأنها اتولدت جوا قمقم وعاشت جواه ونفسها تخرج 
وأول ما جلها الفرصة لقت نفسها خايفه تخرج وبتحاول تكتشفه من بعيد بحزر شديد


دينا :
اول حاجه جت فى بالى
انها واقفه مستنيه حاجه وبتبص عليها
المكان صورلى اوى جو الخريف والخريف بيحسسنى بكأبه وخصوصا بورق الشجر اللى باللون ده
فا بالتالى حسيت ان المكان مرعب اكتر من احساسى بأن فيه شمس
اما لبسها حسسنى انها بريئه اوى
بس مش استظرفت البالطو الاحمر مع الشوز الاخضر ده هههههههههههههه




13 comments:

  1. يارب أكون اول واحده أرد

    أنا فعلا ساعات بحس نفسى كدا ولكن مؤخرا بقيت احاول ادفع بأحساسى ده بعيد لكى اعرف أن اتواصل مع حياتى ) بوست جميل تحياتى

    ReplyDelete
  2. عجبنى اوى تحليلك للصورة يا لولو

    و يمكن كل واحد فعلا بيشوف الصورة على حسب شخصيته و حالته فهتلاقى كل واحد ممكن متخيلها حاجة مختلفة خالص

    انا اول ما شوفتها حسيت ان البنت دى عايزة تقول :

    انا ايه اللى جابنى هنا ؟!!

    ههههههه

    دمت بكل الخير يا قمر

    ReplyDelete
  3. تحليل جاااامد يا لوزتي

    عارفة فكرتيني بمادة كنا بناخدها في الكلية اسمها تاريخ فن
    وكانت الدكتورة اسمها مها برده هههههههههههه
    كانت بتحطلنا صور " فن اثري طبعاً " ونقعد نحللها فسفوسة فسفوسة :D

    تحليلك رائع يا ميهو

    اقتنعت بيه ^_6

    مع اني اول ماشوفت الصورة
    قولت ان في عالم جديد ادام البنت
    فضولها عايز يدخلها فيه
    بس هي بتشوف الاول ياتري في ايه؟؟

    بس اقتنعت بتحليلك في الآخر انها خايفة
    وممكن تكون خايفة مع الفضول !!

    ReplyDelete
  4. بنت الظل
    ********
    بصي أنا مش هابص للصورة من ناحيتي .. هابص لها من الناحية التانية .. كأني شجرة من ضمن الأشجار الكتير أوي اللي واقفين هناك بعيد أوي ومش ظاهرين في الصورة دي .. كأني (نبتة ظل) .. إذن البنوتة دي بالنسبة لنا هاتكون الوردة الحمرا اللي بغصن أخضر ونوارة دهبي .. هاتكون – على رأي الغيطاني - قـِبلة أعيننا . علشان كده احنا – الأشجار - كلنا ساكتين مستمتعين بالجمال البريء ده .. كلنا متوحدين في السكون لسبب وحيد .. والذي لا تعلم تلك البنوتة إنها مصدره :)

    ReplyDelete
  5. ياعم التحليل ياعم عجبنى المغزى العام اوى

    بالنسبه الي ورؤيتى

    كانت تنتظر كل يوم
    في ذات الصباح
    ذلك الضوء
    الذي يعطى لها الامل
    انها بريقها للمرور
    الي عالم آخر ابهى
    لم تتكن تتخيل كم هو جميل
    لهذه الدرجه
    كانت تريد بشده لو انها تخرج من ذلك الكادر
    وتراه من بعيد كم سيكون
    جميلآ وبراق
    لكنها في نفس الوقت خائفه
    حائرة من تزيل تلك الاوراق وتذهب اليه
    تراها عن قرب وتستمتع به
    فاكتفت ان تنظر من بعيد
    لان خوفها لن يزول في يومآ واحدآ
    وربنا تنتظر منه اشارة بمجيئها الي
    وربما لاتريد ان تثير ضجه
    اعقادآ منها في انه سيذهب وقتها
    فظلت واقفه محافظه علي ثباتها
    تنظر بامل :)

    ReplyDelete
  6. أول ما شفتها

    حسيتها زي اللى طول عمره عايش ف الضلمه
    ولما شاف شويه نور بقى خايف يقرب منه

    ------
    أنا بحب أشوف الصوره بأول إحساس ةإنطباع لها
    انا شفت الصوره وغمضت حتى مشوفتش تعليقك ولا تعليق حد :)

    ReplyDelete
  7. شوفت الصورة بشكل مختلف مع كل كومنت من بتاعكم :)

    ReplyDelete
  8. أنا هكتب رأيى قبل ما أقرأ كومنتاتكم
    حسيت الصورة دى بتعبر عن براءة و فضول الأطفال
    أنها رغم ان المكان اللى قدامها مش واضح ليها
    فهى بتحاول تبص و تعرف ملامحه قبل ما تقرب منه

    ReplyDelete
  9. انا حسيت كأنها اتولدت جوا قمقم وعاشت جواه ونفسها تخرج وأول ما جلها الفرصة لقت نفسها خايفه تخرج وبتحاول تكتشفه من بعيد بحزر شديد

    ReplyDelete
  10. اول حاجه جت فى بالى
    انها واقفه مستنيه حاجه وبتبص عليها
    المكان صورلى اوى جو الخريف والخريف بيحسسنى بكأبه وخصوصا بورق الشجر اللى باللون ده
    فا بالتالى حسيت ان المكان مرعب اكتر من احساسى بأن فيه شمس
    اما لبسها حسسنى انها بريئه اوى
    بس مش استظرفت البالطو الاحمر مع الشوز الاخضر ده هههههههههههههه

    ReplyDelete
  11. هيا الصورة مش راضيه تكمل عندي باين نصها اللي فوق مش عارف ليه
    بس اكيد ان نص كلامك صح

    ReplyDelete
  12. الصورة بتخلي الواحد يفكر في كذا شغلة .. بس يمكن بتلعب مع اصدقائها الغميضة

    :::

    اللهم أنى أستودعتك مصر..♥ رجالها و شبابها .♥.

    نساءها و فتياتها .♥. أطفالها و شيوخها .♥.

    اللهم أنى أستودعتك ممتلكاتها و مبانيها و منشآتها .♥.

    اللهم أنى أستودعتك نيلها و اراضيها و خيراتها .♥.

    اللهم أنى أستودعتك أمنها و أمانها و أرزاق اهلها .♥.

    اللهم أنى أستودعتك حدودها و بحورها و جنودها .♥.

    فأحفظهم بحفظك يا من لا تضيع عنده الودائع و أنت خير الحافظين .

    ReplyDelete

عاوزة صراحة فالتعليق
مليش فالمجاملات والكلام ده
يلا سمى الله ودوووس :D