The best things in life are unseen ,, that's why we close our eyes when we kiss, cry, and dream .

11/21/11

يا ظلمة !

وَمَن يَقْتُلْ مُؤْمِنًا مُّتَعَمِّدًا فَجَزَآؤُهُ جَهَنَّمُ خَالِدًا فِيهَا وَغَضِبَ اللّهُ عَلَيْهِ وَلَعَنَهُ وَأَعَدَّ لَهُ عَذَابًا عَظِيمًا


كفاية بقه والله العظيم حاجة تقرف
هو اى حد يطالب بحقه (بشكل سلمى)يتعمل فى كده ؟؟
انهى دين وانهى شرع وانهى قانون الى يقول ان الى بيحصل فالتحرير ده صح
انهى منطق يقول ان الناس تتضرب بالرصاص فعنيها  وتتجر زى الحمير
لا والمفروض انك تصدق انهم بلطجية وقابضين
بلطجية ايه بقه كفاية كذب
عارفين انا موافقة أنهم بلطجية
وبقولهم شكرا كمان أنكم صحتونا تانى 
بالنسبة للناس المادية الى قبضوا
انا عايزة حد واحد يرد عليا ويقولى ياخد كام الف او كام مليون
وينزل التحرير وهو عارف انه هيموت ولو 1 % حتى
لا وفى بنت اعرفها جاية تقول
"وهو المجلس هيتضرب كده من نفسه , هما اصلا الى بيستفزوه .. هما واقفين هناك ليه"
راحت دكتر مها (مش انا والله) قالتلها
"اه صح واقفين ليه ما يروحوا ياكلوا جاتوه"
بصوا بابا المجلس العسكرى بيحبنا
وعمو المشير بيخاف علينا
دول بلطجية ياى محدش يقرب منهم
الى هيسمع الكلام هيقولوا عليه شطور و أمور و سكور
عارفين كمان هيدولوا بونبوناية كبيرة
هيبقى شكلها حلو اوى من برة
بس لو حد فكر ياكلها 
يبقى يقرا الفاتحة على نفسه قبلها
تعريف الخراطيش عند التليفزيون المصري"
هي بندقيه ملونه
يخرج منها البلالين
تستخدمها الشرطه
للاحتفال بالمتظاهرين !!!!!"

انا مش لاقيه كلام اقوله اصلا
هحسبن وقولوا امين
حسبى الله ونعم الوكيل فالاتى :
فيك يا حسنى مبارك
فيك يا طنطاوى
فكل الفاسدين الى فالمجلس العسكرى
فالعرايس الماريونت الى اسمها اعلام
فكل حد من الشرطة الى كانوا السبب فقتل او جرح اى برئ بيحب بلده وبيطالب بحقه
فأى حد مش بيراعى ربنا فالبلد دى وأهلها ومش بيفكر غير السلطة والكرسى وبس
واخيرا احب أوجه بشرة مهمة لاى ظالم من الى فاتوا او غيرهم
متقلقوش يا حبايبى .. ربنا معانا ومش هيهمنا حد 
اه على فكرة متفتكروش اننا هنخاف من الرصاص او الغاز او الدبابات حتى
لا .. انتم الى مفروض تخافوا مننا
احنا اه عزل ومش معانا اسلحة زيكم
بس معانا دعاء ربنا مأكدلنا انه مستجاب
علشان احنا مظلومين
يا ظلمة !



7 comments:

  1. تعريف الخراطيش عند التليفزيون المصري"
    هي بندقيه ملونه
    يخرج منها البلالين
    تستخدمها الشرطه
    للاحتفال بالمتظاهرين !!!!!"

    :||

    لا تعليق :((

    ReplyDelete
  2. حسبى الله ونعم الوكيل جوا كل قلب مصرى ناااااااار مش هطفيها غير لما يشوف العدل

    ReplyDelete
  3. حسبي الله ونعمه الوكيل
    يارب احفظ مصرنا
    اقوله امين

    ReplyDelete
  4. وحشتيني يا لوزه عامله ايه يا قمر

    ReplyDelete
  5. رحمة
    هو لا تعليق على كل الى بيحصل اصلا :|

    ReplyDelete
  6. نيللى
    ايون بالظبط كده !

    ReplyDelete
  7. ريرى
    اميييييييييييين
    وحشتينى أكتر انتى كمان والله اصلا :)

    ReplyDelete

عاوزة صراحة فالتعليق
مليش فالمجاملات والكلام ده
يلا سمى الله ودوووس :D