The best things in life are unseen ,, that's why we close our eyes when we kiss, cry, and dream .

11/20/11

"شكرا أوى يا ربنا "

أحم أحم ..
أحب ابدأ البوست بتاعى بمسدج 
" شكرا أوى يا ربنا"


يااااااااه .. تصدقوا ربنا بيحبنا أوى أوى 
مدّى لينا نعم كتيييييييير خالص أغلبنا مش عارف قيمتها.
بس الواحد ساعات بيركز ويدقق فى حاجات حواليه ..
بيعرف بيها بعدين ان دى نعم هو مش حاسس بيها .
فى ناس من كلمة بتفهم
وفى ناس من نظرة بتدرك
وفى ناس أشارات كتير بتعدى عليهم وبتفوتهم وهما ولا هنا اصلا .
الواحد بتحصله مواقف بيكتشف انه أحسن من غيره اووى جدا خالص مالص
مثلا .. واحدة مضايقة ومخنوقة وبتعيط ومقفلة الدنيا فى وشها
علشان الولد الى بتحبه سابها 
 تعالوا نتخيل موقف تانى كده
نفس العياط والخنقة والضيق وكل الحاجات الوحشة عند واحدة تانية
بس المرة دى .. ست عاملة كده علشان ابنها مات !!
تعالوا نشوف مشهد تالت 
نفس الاعراض الى فاتت على واحدة ثالتة
علشان ابنها عايش الحمد لله .. بس عنده السرطان وهيموت
يعنى لا عايش ولا ميت
انا ممكن اكمل على الوتيرة دى و أدّى امثلة كتير جدا اصلا
بس كفاية دول
تفتكروا ان لو واحدة من التلاتة فكرت فالى أكثر ابتلائا منها
هيفضل حالهم كده ؟؟
اعتقد كده المشكلة على الاقل نصها اتحل
ولا ايه ؟؟ :)


أسراء : حبيبى مش تزعلى منى 
كنت رخمة وقولت حاجات أرخم 
ايون بهزار أنا عارفة
بس أنا عارفة برده أنك فهمتى معناها :)
وزى مأنا عارفة أنتى كمان عارفة أنى عملت كده علشان بحبك
 ومش عاوزاكى تكونى فى اطار أى نوع من أنواع الخطأ :)
بشكل أو باخر" ها هههههههههههههه"

أحب انهى البوست بمسدج
"شكرا أوى يا ربنا "

18 comments:

  1. جميله اوى يا مهجتى

    فعلا الواحد لازم يشكر ويحمد ربنا علي حاجات كتير اوى

    ReplyDelete
  2. الحمد لله علي كل حاجه
    حلوه اوي ..تسلمي

    ReplyDelete
  3. جميلة ورقيقه زيك ياميهوووووووو..

    ReplyDelete
  4. صباح الغاردينيا
    لو أدركنا نعم الله سبحانة وتعالى علينا حين ننظر لمن هم أصعب من وضعنا وفي أمسح الحاجة لأكثر منا لأدركنا أننا في نعمة لم ندركها حتى نظرنا لغيرنا "
    ؛؛
    ؛
    وشكراً لكِ على هذا البوست الرائع
    لروحك عبق الغاردينيا
    كانت هنا
    reemaas

    ReplyDelete
  5. والله معاكى حق فعلا
    الحمدالله على كل اللى احنا فيه
    احنا افضل من غيرنا كتير

    ReplyDelete
  6. آحب البنت اللى بتقول كلام من النوع ده ;)
    وانتى فعلا حياتك مش حتقف عليه
    واللى توقف حياتها وسعادتها على راجل تبقى غلطانة
    السعادة مش فى وجود راجل فى حياتك
    سعادتك الحقيقة انك تشوفيها فى نفسك وتكتشفيها فى اى حاجة حواليكى وخليكى جدعة كدة هى مرحلة وحتعدى ^_*

    ReplyDelete
  7. أميرة
    ايون لازم نحمده فالسراء والضراء
    :)

    ReplyDelete
  8. نيللى
    :$ بس بقه بأحرج الله ;))
    ميغسى يا سكر :)

    ReplyDelete
  9. ريماس
    العفو يا حبيبتى الحمد لله انه عجبك اصلا :)

    ReplyDelete
  10. دينا
    أكيد يا دينا اصلا :)

    ReplyDelete
  11. سارة الشريف
    اول تشويف ليا
    ونورتينى طبعا
    وميغسى على الكومبليمو ده :$
    بس فى تنويه لحاجة صغننة
    مش انا البنت الى فالبوست اصلا :)
    دى امثلة اوضح بيها مش أكتر
    بس برده شكرا على النصايح دى
    اكيد هيجيلى وقت هستعملها ان شاء الله
    ادعى انتى بس الاقيه :D

    ReplyDelete
  12. اللي يشوف بلاوي الناس تهون عليه بلوته

    ReplyDelete
  13. الف حمد وشكر ليك يا رب

    ReplyDelete
  14. حلوه الفكره

    والحمد لله ع كل حال

    ReplyDelete

عاوزة صراحة فالتعليق
مليش فالمجاملات والكلام ده
يلا سمى الله ودوووس :D