The best things in life are unseen ,, that's why we close our eyes when we kiss, cry, and dream .

9/17/11

وفجأة .....

مضى يومها كأى يوم
لم يحدث اى شئ جديد
وفى اخر اليوم دخلت على سريرها
ظلت هائمة سارحة
تأتى وتروح بها الافكار
تبتسم عندما تتذكر شئ فرحها فى يوم
تكشر عندما تتذكر شئ جرحها فى يوم
تضحك بصوت عال عند تذكرها بشئ فاجئها فى يوم
وسط كل هذا تغمض عينيها على صورته التى تنام عليها دائما


وفجأة ......

ينتشر السواد حولها
وتتجمد افكارها ومشاعرها
لا شايفة ولا سامعة ولا حاسة حاجة
وتنتقل لعالم اخر



ساندة بضهرها على الكرسى
وضوء الشمس ملامس وشها
قاعدة وسط ناس وبتتكلم

وفجأة .......

تلاقيه داخل عليها
ووقف قدامها وبيتكلم
فى اللحظة دى تفكيرها وقف
لقت نفسها مش شايفة اى حاجة حواليها غيره
دى حتى نسيت ترفع الطرحة على شعرها لما دخل
وفضلت بصاله وساكتة


كأن حد وقف شريط كان بيتفرج عليه
فاقت من البنج الى كانت فيه
رجعت للعالم الى كان حواليها
ووسط كلام كتير بيتقال
جيه الدور عليها تتكلم وتقول رأيها فالحديث الى كان بيدور
لسه بتقول يا هادى وبتبدأ تتكلم
جت عيونها على عنيه

وفجأة ......

أحست انها انفصلت مرة اخرى عن من حولها
أحست انها غرقت فى بحر لا قاع له 
تحاول أن تصل للشاطئ .. ولكن لا تعرف
لا تملك الا ان تستسلم لعينيه وتبتسم
وتفضل بصاله من غير ولا كلمة
وتغمض عينيها لتفتحهما فى عالم اخر

وفجأة ......


تفتحهما على صدمة ملئتها بخيبة الامل
لم تجده امامها
ادركت ان كل ما كانت تراه كان مجرد حلم
نعم كانت تعلم فى الحلم انه حلم
وارادت تحدى نفسها أنها اذا فتحت عينيها ستجده أمامها
ارادت تحدى نفسها انه ليس حلم فقط
وأنه موجود فعالمها الحقيقى بجانبها وقتما تريده



فأغمضت عينيها وبداخلها رغبة شديدة للرجوع للحلم
أغمضت لانها تعلم انها لن تتمكن من رؤيته فى حقيقتها
أغمضت وهى تنوى عدم تحدى نفسها مرة اخرى
والبقاء فى احلامها طالما ذلك يحقق لها السعادة





ولكن ..

هل سيبقى هو مجرد طيف تراه احلامها  و صورة خياليه تظل تمنيها ؟؟

أم ..

سيتحول يوما لحقيقة ملموسة تراها رؤى العين ؟؟

وبما أن ..

الاحتمال الاول نسبة تحققه أكثر

اذا ..

فلنلغى الاحتمال الثانى !!





16 comments:

  1. مش لاقى تعليق بصراحه

    مش عارف هو ده عند كل الناس ولا ايه

    اغلب الكلام اللى انتى كتباه ده بشوفه فى ناس كتير اوى

    احلامهم كلها جميله واقعهم كله مؤلم

    مش قادر اترجم اسباب

    عموما انتى اسلوبك هايل
    ما شاء الله عليكى

    تحياتى

    ReplyDelete
  2. عجبنى بوحك فى الكلام
    طريقتك هاديه وواقعيه اوووى

    ReplyDelete
  3. Islam
    اه ده عند ناس كتير بس بأشكال مختلفة
    وعلى مستويات أكبر كمان
    ميرسى ربنا يخليك :)
    نورت :)

    ReplyDelete
  4. بنت قلبى

    أولا اسم البلوج بتاعك عجبنى جدا
    ثانيا ربنا يخليكى يا رب
    ده بس من زوقك والله
    انا هتلاقى حاجاتى كلها واقعية
    بطلت تخيلات خلاص
    هههههههههههههههه
    بصى بقه
    نورتينى
    هه :)

    ReplyDelete
  5. ان شاء الله الاحتمال التاني ويتحقق
    بوست حلو اوي يا لوزه وشدني ا

    ReplyDelete
  6. ربنا يخليكى يا ريرى :)
    يا ريت والله الاحتمال التانى يتحقق
    هو حد يكره
    هههههههههههههه
    نورتينى :)

    ReplyDelete
  7. لطيف المزج بين الحلم والواقع ومعاهم الخيال

    عجبتني حركةالتنقل بينهم
    :))

    ReplyDelete
  8. اتمنى انوا بيتحقق

    موقف واقعى اوى :)

    ReplyDelete
  9. شمس النهار

    ميرسى ربنا يخليكى
    طالما عجبتك هتنقلك كل شوية :)

    ReplyDelete
  10. Catroz

    مهو علشان واقعى اوى
    يبقى مع الاسف صعب يتحقق :(

    ReplyDelete
  11. هو الطيف دة آة اممكن :):)

    بصراحه بوست مختلف في وقت مختلف

    وفكرته حلوة انك مدخله كلام واقعى مع رومانسي

    ربنا يكرمك والجزء اللي لغيتى هو اللي يتحقق :)

    ReplyDelete
  12. ربنا يسعدك يا رونى يا رب
    حاجة صؤننة من بعض ما عندكم
    ولا ليه ما احنا اصلا زى بعض
    فمن بعش ما عندنا بقه
    هههههههههههههه

    ReplyDelete
  13. اول مرة عندك بس المفروض من بدري كنت اجي هنا
    عجبتني مدونتك وان شاء الله اجي تاني

    اتمنالك يوم جميل

    ReplyDelete
  14. انتى تيجى فاى وقت تحبيه اصلا
    ربنا يخليكى من زوقك بس :)
    نورتينى :)

    ReplyDelete
  15. اولا
    انا عاجبني جو النقط اللي ع الشاشة ده بيفكرني بالشتا
    :))

    ثانيا
    البوست جميل اوي و الحلم ممكن يتحقق
    لو مؤمنة بيه اوي اوي تقدري باديكي تخليه حقيقة وتدوري عليها وتسعي ليها
    :)
    ممكن
    ان شاء الله

    ثالثا
    عايزة اقول حاجة بس من غير ما تزعلي
    *_____*

    طريقتك في الكتابة حسيتها غريبة شويتين
    يعني نص الكلام بالعامية والنص التاني لغة عربية فصحي شوية
    خلاني حاسة ان فيه جمل متركبة غلط علي بعض مع ان خط الموضوع والكلام واحد
    بصي انا بحب اكتب عامية جداا وبرضه لغة عربية فصحي بس مش صعبة
    بس كل نص يبقي لوحده

    طلبي منك لو كدة النص يبقي كله ماشي بنفس طريقةالكلام

    ده رأأي وانا مش خبيرة يعني ولا حاجة عشان اعدل عليكي بس شوفي كدة يمكن تحسي نفس احساسي

    اسفة علي التطويل
    بحب زيارتك عندي اوي علي فكرة
    :))

    ReplyDelete
  16. نهر الحب
    اولا ميرسى جدا انا اصلى بحب الشتا اوووووووووى
    ثانيا ساعات بتبقى اجمل حاجة فالاحلام انها تفضل احلام
    لانك لو سعيتى ليها وحاولتى تحققيها هتخسرى كرامتك ونفسك
    ثالثا لا لا لا مش زعلانة والله اصلا ده الكومنت الى انا مستنياه اصلا
    بصى حكاية انى مدخلة العامية مع الفصحى دى انا قصداها
    علشان البوست جامع بين واقعية وحلم
    فحبيت الجزء بتاع الحلم يبقى عادى وسلس وطبيعى علشان يوصل بالطريقة الى فدماغى يعنى
    انا فى حاجات كاتباها عامية بس وحاجات فصحى بس
    بس حبيت اجمع بينهم هنا علشان الفكرة الى قولتلك عليها
    ولا طبعا طولى وعدلى زى مانتى عاوزة
    ما احنا بنتعلم من اراء بعض اصلا :)

    والله ربنا يخليكى اصلا ,, خلااص هنططلك على طول طالما بتحبى زياراتى اوى كده
    هههههههههههههههههههه
    بجد بجد نورتينى اصلا :)

    ReplyDelete

عاوزة صراحة فالتعليق
مليش فالمجاملات والكلام ده
يلا سمى الله ودوووس :D