The best things in life are unseen ,, that's why we close our eyes when we kiss, cry, and dream .

9/27/11

شخصى ..



تصدقو حلو اوى الاحساس بالمسئولية
احساس انك مسئول عن عيلة كاملة
هو صعب .. بس جميل :)
انا كنت ناوية لما اتجوز ان شاء الله يدينى ويديكو طولة العمر
انى لو كنت ساعتها بشتغل هبطل شغل علشان اتفرغ للبيت
بعدين رجعت قولت لا ايه يعنى ؟ اشتغل واهتم ببيتى
بس بصراحة هبقى بضحك على نفسى
قولت اجرب كده فى نموذج مصغر
اهو الواحد يجرب التجربة قبل ما يدخلها
المهم بما انى الوحيدة الفاضية فالبيت
ده بعد ما اخواتى نزلو المدارس
وانا لسه الجامعة بتاعتى مش بدأت اصلا
فقولت فرصة
طبعا انا الى بعمل الاكل كل يوم
انا الى بروق الشقة كل يوم
انا الى بذاكر لاخواتى مش كل يوم
انا الى بعمل لبابا وماما طلابتهم كل دقيقة
هههههههههههههههه
مش هكدب 
انا بتعب بجد .. بس عارفين التعب الى لى مذاق خاص كده
تعب طعمه فرحة
لما الاقى ماما داخلالى المطبخ وبتقولى
"مها انا جعانة اوى لسه كتير على الاكل؟"
"يعنى يا ماما شوية نونو بس"
"طيب ادينى اى حاجة لحسن جعانة اوى يا بنتى"
ساعتها بشوف قدامى نفس الموقف ده بس بالعكس
لما كنت انا الى بدخل المطبخ اقولها كده
بجد بفرح جدا جدا . بحس انى برودلها حاجة بسيطة من الى عملتو معايا طول حياتى
ولما بابا يهزر معايا ويرخم عليا ويقولى
"مها تعالى شدينى علشان اقوم"
وافضل اشد اشد وهو مش راضى يقوم
وقتها برده بشوف نفس الموقف 
لما كنت صغيرة وبيعلمنى المشى 
واقف و أقع وهو يمسكنى :)
اليومين دول انا حاسة انى الشمس الى بيدور حوليها الكواكب
البيت كله على كلمة واحدة


يا مهاااااااااااااااااا

بعد كل ده 
انا رجعت لقرارى الاول انى مش هشتغل بعد الجواز






_______________________________________________________




حاجة بقه مضايقانى جدا من نفسى 
ممكن ابقى متخانقة مع حد ومش طايقاه
بس مجرد مايقولى خلاص مش تزعلى او يكلمنى عادى
بنسى كل حاجة وبتصرف عادى جدا
وده طبعا بيخلى ناس كتير اوى يستغلونى
ويزعلونى براحتهم خالص
ما عادى بقه مهى هتنسى
افهم بس ! انا لحد امتى هفضل كده
مش عارفة اغير الحتة دى ابدا بجد
لانى حتى لما برجع اتعامل كويس
مش بيبقى من بره بس 
لا انا من جوايا فعلا بكون نسيت وصفيت
المشكلة ان كتير من الحواليا مش بيقدرو ده
وبيتصرفوا براحتهم
وانا ازعل مرة واتنين وعشرة
وفكل مرة بسامح
والموضوع ده بجد ضاغط عليا جدا جدا
ومضايقنى من نفسى اوى
لانى بحس لما بسامحهم انى باجى على كرامتى
وانا اهم حاجة فالدنيا عندى 
كرامتى 
بس اعمل ايه فطبيعتى الزفت دى !!!!





at

24 comments:

  1. جايدا العزيزيSeptember 28, 2011 at 9:13 AM

    انا معاك الشغل مع البيت والاولاد صعب

    المتعه انى اتفرغ لشئ واحد وطبعا زوجى واولادى اهم وليها متعه جميله برغم التعب

    ههههههههه

    تصدفى انا كمان زيك تمام صحيح عمرى ما عرفت اكره حد لكن لو زعلانه من اى حد وبس نده او طلب مساعده منى فى لحظه بنسى كل اللى عمله فيا واسامح

    عارفه دى طيبه جوانا جميله احمدى ربنا عليها

    انا بحبك مها
    اوعى تكونى زى برج الحمل ههههههههه

    اصلهم هبل شويتين

    تحياتى

    ReplyDelete
  2. Miss LoZaSeptember 28, 2011 at 9:24 AM

    هههههههههههههههههههه
    ايون المتعة رغم التعب ;)
    دى مش طيبة ده هبلللللللل بجد اصلا مضايقة جدا :(
    ربناا يخليكى يا جودى والله احمررت خجلا :$
    لا انا مش حمل انا قوس :D

    ReplyDelete
  3. ريري كربكهSeptember 28, 2011 at 10:16 AM

    حببتي لوزه
    بصي يا قمر الجزء الاول من موضوعك خلاني وانا بقرئه ببتسم وبتضحك من قلبي اوعي تتكاسلي عن المساعده في شغل البيت خليكي ذي ما انتي
    عارفه انا كنت عكسك تماتما قبل ما اتجوز
    كنت مرتاحه مش بعمل اي حاجه طبعا ديه مش ميزه
    عارفه بعد ما اتجوزت كنت كل شويه جوزي يطلب من حاجه ابقى مضايقه اوي واقول لنفسي ما انا كنت في بيتنا مرتاحه هههههههه لحد ما اخذت على الوضع وبقيت اعمل كل حاجه لانه طبعا واجبي
    تاني حاجه اوعي موضوع التسامح ده يضايقك ابدا
    ده انت المفروض تفرحي لاني ديه من صفات العبد المؤمن وربنا سبحانه وتعالى قال بسم الله الرحمن الرحيم ( والكاظمين الغيظ والعافين عن الناس والله يحب المحسنين )
    رجاء منك لو حسيتي اني الموضع ده بيضغط عليكي ذي ماانت قولتي افتكري الايه ديه ديما واوعي تفرطي في صفه التسامح اللي ربنا وهبهالك ديه ناس كتير بتحاول تكون متسامحه ومش بتعرف حتى ولو مع نفسها
    اسفه طولت عليكي بس قولت اديلك حقك في التعليق با قمرايه
    تمنياتي لكي بالتوفيق

    ReplyDelete
  4. Miss LoZaSeptember 28, 2011 at 12:37 PM

    هههههههههههههههههه
    عاوزة اقولك يا ريرى انى لما شوفت الكومنت بتاعك اصلا قولت اكيد ده جالى غلط اصلا
    هههههههههههههههه
    يا رب تتضحكى وتبتسمى كده على طول اصلا
    لا انا متمرمطة من دلوقتى
    ومستنياه يجى ويبقى يطلب زى ما هو عاوز اصلا
    هههههههههههههههههههه
    انا عارفة انها حاجة كويسة
    بس للحواليا
    انما انا بجد مضايقانى جدا
    عارفة لو الى حواليكى بيقدرو انك كده وانك بتعملى كده علشان بتحبيهم ؟؟
    كان الموضوع هيفرق كجامد جدا اصلا
    انما لما يبقو بقه مش عاملين حساب لكى ولزعلك ؟؟
    بالتالى الموضوع هيضغط عليكى غصب عنك اصلا
    اشفة ايه بس وبتاع ايه
    انا اصلا بحب الرغى زى عنيا
    ابقى تعالى ارغى معايا كل شوية هه هه هه
    هههههههههههههههههه
    نورتينى :)

    ReplyDelete
  5. ريري كربكهSeptember 28, 2011 at 3:21 PM

    اه علشان بضحك هههههههه
    لا انت عارفه انا بيبقى جوايا حزن اد كده بس بيني وبين نفسي لكن مع الناس تلاقيني بضحك وارغي واتكلم في كل حاجه الا النكد تصوري بقه مش عارفه ساعات بحس اني عندي اذدواجيه في شخصيتي ههههههه
    بس بقول لنفسي كده احسن اهو وخداها تحدي مع الحزن والنكد
    اصل انا مشكلتي اني اي حاجه حتى ولو كانت صغيره اد عقلة الاصبع ممكن تضايقني
    يعني حسيسه شويتين
    وحاجات كتير كده لو قلتلك عليها هتضحكي
    وعلى فكره انا ذيك كده بسامح على طول وكمان ضيفي على كده باجي على نفسي كتير اوي لدرجه العبط
    وكمان انا رغايه جدا متهيالي هي ديه من صفات المرأة
    تحياتي لكي يا لوزه وربنا يوفقك
    وتلاقي نصك التاني ان شاء الله

    ReplyDelete
  6. Miss LoZaSeptember 28, 2011 at 3:29 PM

    لا علشان اول مرة يجيلى كومنت كبير ففرحت بقه
    هههههههههههههههه
    والله اصلا الدنيا مش مستهلة انك تتنكدى اصلا
    وبلاش موضوع انك بتاخدى كل حاجة على اعصابك ده
    عدى وفويتى
    انا مش عارفة ربنا يخلينا اروبات امتى بقه
    ههههههههههههههههه
    ايون ايون والنبى كترى من الدعوة دى
    هههههههههههههههههه

    ReplyDelete
  7. ريري كربكهSeptember 28, 2011 at 4:31 PM

    تقصدي اول مره تدخلك رغايه ذيه
    ههههههههه
    خلاص انا هكتر من الدعوه ديه بتاعت النص التاني
    بس ابقي اعزميني
    اوكه
    سلام يا قمر

    ReplyDelete
  8. Miss LoZaSeptember 28, 2011 at 4:33 PM

    لالالالالالالالا
    والله انا الى بقولك اهو
    ادخلى هنا ارغى كتيييييير وملكيش دعة
    هههههههههههه
    من عيونى هو بس يجى وانا هعزم الكل بأذن الله
    هههههههههههههههه

    ReplyDelete
  9. شمس النهارSeptember 28, 2011 at 5:22 PM

    ربنا يبارك لك في عمرك
    انتي كده ابنة بارة بأهلك ودي ثوبها كبييييييييير عند ربنا
    هتعرفيها لما تلاقي مواقف تقابلك في الحياة وتتحل بطريقة ماكنتش تختر علي بالك
    هو ده بقا دعاء الوالدين ورضا قلبهم عليكي
    :)
    اما موضوع التسامح ده مالوش علاج كان غيرك اشطر
    بس ده شئ جميل حتي لو الناس استغلوه
    المهم بيستغلوا خير مش شر

    ReplyDelete
  10. rona aliSeptember 28, 2011 at 6:01 PM

    هى دى البوستات

    بصي يا موها انا تعبت منك ومن تشابهنا

    بس موضوع البيت انا حاسيته اكتر لنا اخواتى اشتغلوا وانا الوحيده اللي برجع بدى وعندى اجازات
    حاسيته بحلاوته وبمرة
    لان بقالي 5 سنين في الموضوع خبره هههههههههههههههههههههه
    لحد ما اعتبرونى سوبر وامن ممكن ابقي راجعه من ميت مشوار ومطلوب يدخلوا البيت يبقي بيبرق عادى هههههههههههه او الاكل جاهز وكل قشطه
    بس في الاخر لى مذاقه لما ترجع ماما وتكونشي قايله ليا اعمل اكل ايه وتلاقيتى اتصرفت
    كبعا احيانا بترجع تنكد لو الدنيا مش مظبوطه بس يلا كتر خيرهم برضوا

    بالنسبه لمسامحات انا كدة بس لما بتزيد اوى بتعب اوى بضطر اوقف الموضوع شويه لان بجد بتبقي شئ مؤذي انتى تنسي لغيرك وغيرك يشلك برضوا
    بس احيانا بعدى واسامح وافوت اكتر لما الانسانيه دى متبقاش فرقه اصلا معايا فبحاول متعبش اعصابي خاصه ان فيا حته نرفوزة وعصبيه حبتين تلاته كدة :)

    بوست جميل مش عايزاكى تضايقي نفسك
    بس عايزاكى تحاولى تعكسي القاعده
    لو هما مكانك هسامحوا بهبل وينسوا ولا هيفتكروا ويشيلوا ساعتها هتحاول متشاليش بس تعباتبي وتشددى ان دة ميحصلشي
    وصدقينى كل اللي بيعمله كدة ويستغلوا النقطه دى بعد فتره هتحسي انك بتحبيهم بس مش زى الناس اللي بتشيل خاطرك بجد ومتستغلش النقطه دى :)

    ReplyDelete
  11. Miss LoZaSeptember 29, 2011 at 4:41 AM

    شمس النهار
    اكيد اهم حاجة رضاهم عليا اصلا
    ده انا ماشية بدعا الوالدين اساسا
    هههههههههههههههههه
    مالوش علاج ؟؟ :(
    يعنى مفيش امل يا دكتور
    عااااااااااا
    مهم بيستغلو بطريقة تضغط عليا وعلى اعصابى والا مكنتش اضايقت اصلا
    ميرسى على الكومنت السكر ده
    نورتينى :)

    ReplyDelete
  12. Miss LoZaSeptember 29, 2011 at 4:48 AM

    رونتى <3
    اه الى يحرق دمك انهم يتأمررو كمان وانتى طلعان عنيكى اصلا
    ههههههههههههههههه
    قصدك ايه بموضوع الخمس سنين ؟؟
    انتى فاكرانى هقبل الوضع ده ؟؟
    لااااااااااااا مش انا
    بس ممكن اقبله شوية يعنى
    :$ ههههههههههههههههههه
    وانا عصبية والله بس بحاول اخبى جوايا
    علشان مضايقش حد
    لانى بهببل جامد وانا متعصبة
    هههههههههههههه
    حلوة الفكرة دى
    بس مش دايما هتعرفى تتنبأى فتصرفات الى قدامك لو فمكانك
    وهنا تأتى المشكلة
    كمانا انا فيا حاجة معفنة برده
    مش بعمل حاجة كويسة علشان استنى الى قدامى يردها
    لا انا بعمل علشان عاوزة اعمل
    فاهمة ؟؟
    بالنسبة لانك قولتى مرة واتنين وتلاتة اصلا
    وقولتى الموضوع ده بيضايقنى لو سمحتو مش تعملوه
    وبرده يعملوه
    يبقى العيب فمين ؟؟
    اكيد فيكى بقه !!
    يا رب الى حواليا يقدرو بقه علشان انا تعبت

    يابنتى خلاااااااص
    احنا كده قائمة التشابهات بتشتكى مننااصلا
    ههههههههههههههههههه
    بصى بقه بقه
    لاف يوز ههههههههههههه

    ReplyDelete
  13. rona aliSeptember 29, 2011 at 2:03 PM

    ايوة انتى بتعملى الشئ بكل طاقتك

    بدون ما تستنى مقابل فاهمه يا اختى

    ReplyDelete
  14. Miss LoZaSeptember 29, 2011 at 2:10 PM

    حبيبى الى فاهمنى :)

    ReplyDelete
  15. نهر الحبOctober 1, 2011 at 12:19 PM

    بصي يا جميلة

    بالنسبة للشغل انا شايفة اني فيه مرحلة من المراحل لازم نكون قيها في البيت وكله حسب احتياج البيت والاولاد
    مرحلة الولاد يكونوا صغيرين دي لازم لازم يبقي فيه معاهم
    انا عاوزة كدة
    ولما احس ان نزولي الشغل مش حيأثر بالسلب علي حد حنزل


    بالنسبة لحكاية الزعل دي
    انتي زيي جداااااااا
    ومش عارفة اتغير خاااااااااااالص
    :(

    ReplyDelete
  16. Miss LoZaOctober 1, 2011 at 12:22 PM

    نهر الحب

    ايون ايون فاهمة
    يا رب البت والاولاد يجوا بس دعواتك معايا كده
    هههههههههههههههه

    انتى كمان كده :(
    هاه طيب وبعدين ؟؟
    والحل ؟؟

    ReplyDelete
  17. BaskoutaOctober 1, 2011 at 11:44 PM

    صباح الورد يا جميلة
    سيبيلي الاكونت بتاعك على الفيس في كومنت عندي
    او ممكن الايميل

    مستنياكي
    صباحك ورد

    ReplyDelete
  18. Miss LoZaOctober 2, 2011 at 11:32 AM

    من عينتينى حاضر :)

    ReplyDelete
  19. د.ريانOctober 3, 2011 at 5:24 AM

    مساء العطر سيدتي


    ومدونة رائعة

    أسعدني المساء هنا

    دمتم بكل ود

    ReplyDelete
  20. Miss LoZaOctober 3, 2011 at 12:04 PM

    د ريان

    ربنا يخليك يا رب ميرسى جدا

    نورت :)

    ReplyDelete
  21. catrozOctober 4, 2011 at 9:58 AM

    قلبك ابيض ^_^

    ReplyDelete
  22. Miss LoZaOctober 4, 2011 at 11:08 AM

    catroz

    ربونا يخليكى :D

    ReplyDelete
  23. maioyaOctober 4, 2011 at 12:40 PM

    بالنسبه للمسئوليه
    فهي متعه وكل حاجه مش هختلف معاكي
    بس علشان انتي في بيت بابا وبمزاجك لسه
    لكن لما تتجوزي مش هتبقي بمزاجك
    فاهتحسي بتعبها اكتر

    بالنسبه للموضوع التاني
    فاانتي لمابتسامحي
    بتريجي نفسيتك انتي اكتر
    والموضوع مفيهوش كرامه
    "العفو عند المقدره"
    احلي الف مره :)

    ReplyDelete
  24. Miss LoZaOctober 4, 2011 at 4:44 PM

    maioya

    اه مهو احلى حاجة اصلا انى بعمل بمزاجى
    ههههههههههههههههه
    ربنا يستر بعد الجواز بقه مش عارفة الوضع هيبقى زى ما بتقولى كده ولا ايه
    هههههههههههههه

    مهو انا بريحها شوية
    بس الى بيزيد عن حده بقه
    هه هنعمل ايه :)

    نورتىىىىىىىىىى :)

    ReplyDelete

عاوزة صراحة فالتعليق
مليش فالمجاملات والكلام ده
يلا سمى الله ودوووس :D

Subscribe to: Post Comments (Atom)