The best things in life are unseen ,, that's why we close our eyes when we kiss, cry, and dream .

9/16/11

كلام وخلاص

كنت راجعة من عند صحبتى الانتيم
الى حاولت على قد ما قدرت انى اقضى معاها وقت حلو
بس مقدرتش
وده لان كان فى حاجات مضايقانى
وانا عندها ضحكت علشان تحس انى مبسوطة
ورغيت واتنططت كمان
بس وكأن كان فى واحدة تانية هى الى قاعدة معاها
بتسمعلها وتتكلم معاها
انا فضلت اعمل اه امم اه امم
مسكت مخى وتفكيرى بالعافية علشان مفكرش فالى مضايقنى
بس مع الاسف منحجتش 100 فال 100
كنت راكبة العربية ومروحة
وفى جنبى طفل قاعد عمال يبُصلى
ضحكتله وبصيت فى الشباك
وبعد شوية لقيت دماغه على دراعى
مامته تشيله وتضبطه ويرجع تانى
ساعتها الدمعة الى كانت هتموت وتنزل من الصبح
نزلت بسرعة جدا وكأنها مش عاوزة حد يشوفها
فضلت مبسوطة بالطفل ومتنحة فالى مضايقنى
لحد دلوقتى مش قادرة انسى احساس الولد وهو نايم على دراعى
ولا قادرة انسى الى مضايقنى
بس انا حسدت الولد ساعتها لانه لما احتاج مكان يريح راسه فيه
من غير مايفكر
ومن غير ما يدور
لقى المكان ده ونام فيه كمان
انا نفسى كمان لما احتاج لحد
من غير ما افكر ومن غير ما أقول الاقيه جنبى

18 comments:

  1. سلام عليكم
    مش عارفة أقول ايه بس كلامك حسيته صعب أوى مع انك بتقولى إنه كلام وخلاص
    فعلا بجد صعبة أوى إنك متلاقيش اللى انتى محتاجاه فى وقت صعب أوى فى حياتك كدا بس دا بيحصل كتير أوى
    عارفة إنتى هيتغير ؟لما تكونى انتى جنب الناس دى لما يحتاجوكى من غير ما يقولوا لما تحسى بيهم انتى أكيد ربنا هيبعتلك حد يحس بيكى حتى لو مش هما نفس الناس اللى انتى وقفتى جنبهم
    ربنا معاكى
    ويارب ضيقك دا يروح على طول

    ReplyDelete
  2. 2 كومنت احلى من بعض فنفس اليوم !
    لا لا كتير عليا كده
    ههههههههههه
    انتى عارفة المشكلة فين ؟
    انى بكون جنبهم فاى وقت واى ظرف من غير ما يطلبوا
    لدرجة انى بكون جنبهم غصب عنهم
    علشان لو كانو مكسوفين مثلا
    بس هعمل ايه انا كده
    ايون والنبى ابقى ادعيلى وانتى بتصلى
    والله عاوزة اقولك انى مبسوطة جداااااااااااااا بوجودك عندى وكومنتاتك التحفة :)

    ReplyDelete
  3. الله على احساسك الجميل قلبى

    عارفه القلب الحنين هو اللى بيحس بالناس

    وكمان بيقدر يعبر بسهوله عن الاحساس ده بسهوله

    متأكده ان دمعتك قريبه زى تمام

    اكيد هتلاقى اللى يستاهل دموعك وقلبك الحنين

    حروفك اليوم ليس كما ادعيتى ولكنها تحمل رسائل شوق وحنين

    تحياتى

    ReplyDelete
  4. شعقول شعقول هيدا الكلام الى بياخد العقل
    ههههههههههههههههههه
    ايه رأيك حتة لبنانى
    هههههههههههههه
    مهو انا اخدت ايه من قلبى يعنى يا جايدا غير حرقة الدم اصلا
    واه دمعتى قريبة بغباء نفسى ابطل الموضوع ده بقه
    ادعيلى الاقى بقه :)

    ReplyDelete
  5. على فكره ده مش كلام وخلاص بالعكس احنا كلنا حاسين بنفس اللي انت حساه وكل واحد مننا بيدور على حد يحس بيه
    بس المشكله في اختلافنا في الطباع والعادات
    ذي ما يكون عايزين حد تفصيل على مزاجنا
    تسلمي على البوست انا حسيت بكلامك اوي

    ReplyDelete
  6. ريرى ميرسى جدا ربنا يخليكى والله
    مش عاوزة حد تفصيل انا والله
    بس على الاقل مقبول
    انما القسوة دى اكتر حاجة بتوجعنى
    نورتينى :)

    ReplyDelete
  7. الواحد مننا كده
    بيقعد ينقع نفسه انه مش عايز ومش بيفكر فى الحاجه اللى بتضايقه
    بس هو فى الحقيقه بيتلكك اصلا عشان ينفجر ويطلع اللى جواه

    ReplyDelete
  8. حسدتي الولد يا لوزة يا شرييييييييرة :P

    المفروض اصحابنا الانتيم بيحسوا بينا حتى لو مثلنا اننا فرحانين برضه بيبان علينا وبيحسوا بينا والمفروض كمان الانتيم متبقاش انتيم الا لو كانت جنبك على طول وفاهماكي اوي

    ربنا يسعد قلبك ويحلي ايامك ويديلك ايس كريم كتير :))

    ReplyDelete
  9. Bent mn l zaman da

    عندك حق يا دينا والله
    بس المشكلة ان ساعات الانفجار بيجى مش فوقته
    بيجى فوقت تبقى اصلا مضايقة مش ناقصة حاجة تكمل عليكى

    ReplyDelete
  10. Lady E

    اه حسدته بصراحة بس فضل نايم برده
    هههههههههههههههههه
    عاوزة اقولك ان صحبتى طول ما احنا اعدين تقولى مالك يابنتى والنبى مش تضايقى,, كانت حاسة يعنى ,, وعلى طول بتفهمنى من نظرة كمان :)

    ربنا يسعدنا كلنا ,, ويدينى الايس الكريم يا رب
    ههههههههههههههه
    نورتينى اوى بقه :)

    ReplyDelete
  11. فكرتينى ب لما ابقى ماشيه ف الشارع و مبسوطه من حاجه وغصب عنى امشى ازرع ابتسامات
    او لما ابقى مضايقه و الاقينى فجاه ف نص الشارع وقفت و عيطط
    الدموع بتبقى مشاعر الانسان مش قادر يحتفظ بيها جواه
    فى حركه بعملها لما ابقى هعيط و مينفعش اعيط
    باخد 10 انفاس عميقه
    ساعات بتنفع

    بس برضوا متحاوليش تدارى احساسك او تمثلى و تخرجى من جواكى و تبقى واحده مبسوطه
    كونى كما تشعرين
    :)

    ReplyDelete
  12. Catroz

    بالظبط ده الى انا بعمله
    بحاول على طول اكون مبسوطة
    بس محدش سايبلى فرصة :)
    وبما انى عنادية مش بستسلم بسهولة
    بس فى حاجت بتهد الواحد بجد:(

    ميريسى على الكومنت الكتكوت ده :)
    عاوزة اشوفك تانى ;)

    ReplyDelete
  13. مش كلام وخلاص ع فكرة

    كأنك كاتبه نفس اللي حصل تقريبا

    بس من غير ما ينام هو ضحكلي من بعيد لبعيد :)

    مبسوطة قوي اني جيت هنا

    ReplyDelete
  14. ايه ده بجد !
    حصلك كده انتى كمان :)
    انا المواقف الى بكتبها بقت بتحصل كتير بقه :)
    وانا مبسوطة اكتر منك انك جيتى :)

    ReplyDelete
  15. ايدى العزيزة جات علي البوست دة موش عارفه ليه :)

    بس فعلا هو كلام بس احلى واجمل وابلغ كلام

    يمكن حسيت منك البوست دة اوى لانى حاسيت احساسك

    ساعت كتير بتحاولى تتقمصي شخصيه غير الحاله

    اللى انتى فيها هروبآ منك لعدم التفكير فيها

    او علشان تبانى لاقرب الناس انك طبيعيه

    او يمكن مرحله بتبقي عايزة تقولى فيها لنفسك انا اقوى من كدة

    بس لما دمعه واحدة تغلبك وتفوز وتنزل بتريحك كتير كانها عايزة تثبتلك ان مافيش حاجه تستاهل والدنيا ابسط :):)
    بوست جميل اول مرة انبسط من ايدى :):)

    ReplyDelete
  16. رونى <3<3
    طيب والنبى ارد اقول ايه بعد الكلام ده!!
    ربنا يخليكى وترفعى معنوياتى كده دايما اصلا :)
    الكلام الى قولتيه هو بالظبط انا
    مش بستسلم لاى حاجة تضايقنى بسهولة ابدا
    بتشقلب علشان افضل متماسكة
    بس ساعات الموضوع بيفلت بقه هعمل ايه :)

    بمناسبة ايديكى عقبال ما اشوف فيها الدبلة منورة يا رب
    وانا كمان طبعا
    هههههههههههههههههههههههه

    ReplyDelete
  17. :))) ياختى علي الدعوات
    انا حاسه بسبب الناس الجميله اللي زيك هتجوز من غير ما اكون حتى عارفه هو مين او اكون عايزة اتجوز اصلا ماهو ربنا اكيد هيبقي رايد يعنى رايد ههههههههههههههههههه

    ربنا يخليكى ياقلبي ويكرمك وينور مش ايدك بس بدبلته لاء وقلبه بحبك وينور قلبك انتى كمان بحبه وحنانه معاكى قولى آمين ولو في سرك :)

    ReplyDelete
  18. ههههههههههههههههههه والله ده من زوقك اصلا :$
    اصلا هتلاقة نفسك اتجوزتى فجأة
    هههههههههههههههههههههه

    لا وفسرى ليه
    مانا لسانى موجود
    ااااااااااااااااااااااااااامين :$

    ReplyDelete

عاوزة صراحة فالتعليق
مليش فالمجاملات والكلام ده
يلا سمى الله ودوووس :D