The best things in life are unseen ,, that's why we close our eyes when we kiss, cry, and dream .

11/17/11

Smile .. Real or Fake ?!



 تقوله فاكر .. يرد فاكرة 
 كل الأغانى عدوها تانى  .. وهو فاكر وهى فاكرة 
أول قصيدة فجواب مكرمش .. وكوبرى بنها وسميط مقرمش
يحمر وش الصبية فجأة ,,  هو يسبل .. هى تبربش
تقوله فاكر .. يرد فاكرة


طبعا البوست باين أنه هيبقى رومانسى صح ؟؟



قاعدة على الكنبة .. المروحة شغالة .. تركيز شديد فى المروحة وهى بتلف ..



"أنتى لو عملتى برنامج فالراديو بصوتك ده هيبقى ليكى مستمعين اااااااااااد كده "

"يا ترى هعمل أيه ,, هى النتيجة دى هتظهر أمتى بقى ؟؟ "

"عاوزين نخرج بقه يا بنتى يلا اختارى أنتى المعاد والمكان "

 مها !! أيه مصحيكى لحد دلوقتى يا بنتى ؟؟
                      مفيش يا ماما مش جايلى نوم !!
                  طيب قومى بس على السرير والنوم هيجيلك
حاضر يا ماما (تفضل برده قاعدة فى مكانها على الكنبة ومركزة فالمروحة)


 هل راودك شعور الأنغماس فى تفكيرك لدرجة تفقدك اتصالك بواقعك ؟؟
هل شعرت يوما باندماج أفكارك واختلاطتهم تماما كاختلاط  السكر بالماء عند تقليبه ؟؟



احيانا يراودنى هذا الشعور .. احيانا أحس وكأننى فى عالم آخر بعيد عن عالمنا هذا ..

أحس كأننى فى برج عال وأشاهد الناس من فوق ..

حتى أننى اشاهدنى أنا شخصيا ,, أشاهد تصرفاتى وأفعالى وذكرياتى وكأن شخص آخر قد شارك فى كل هذا !!



أنه شعور رائع أن تحس أنك فقدت اتصالك بواقعك وأنت فيه
أنا شخصيا اشعر براحة غير طبيعية أو يمكن ان تسميها برود أو تتنيح بعدما تنتابنى هذه الحالة !



جرب أن تغمض عينيك وتسد أذنيك وتغلق أى باب أمامك يمكن أن يشوش عليك
لا تجعل الباب مفتوحا الا لعقلك وأفكارك .. اتركها تنساب واحدة تلو الأخرى


  أتركها تمر وكأنها شريط سينما أمام عينيك 



أتركها تلعب وتلهو وأنظر اليها فى صمت تام , كأنك تشاهد بنتك منهمكة مع العابها ولا تريد أن تقاطعها


 انظر الى ذكرياتك
 انظر الى أفكارك
 انظر الى أحلامك
ولكن فى صمت ..



 مهما كانت ذكرياتك مؤلمة
مهما كانت أفكارك مبعثرة
 مهما كانت احلامك مستحيلة
 دعك عن كل هذا وفقط انظر اليها



لن يكون من السهل ادخال نفسك فى هذا المود
لكن حاول .. جرب .. يمكن تعرف
حاول أن تكون فى غيبوبة مؤقتة .. بعدما تنتهى حاول أن تصف احساسك

ثم دقق النظر برهة حولك .. انظر للناس , للعيلة , للاصدقاء
أنى متيقنة من أنك سوف تجد كل منهم فى هذه الغيبوبة المؤقتة
البعض بماله
الآخر بمشكلاته
الثالث بمنصبه
حتى أنت نفسك مجرد انشغالك بهم يجعلك منهم




اذا وجدت هؤلاء الناس .. اعلم تماما انهم ليسوا على قيد الحياه .. ليس لديهم ادنى فكرة ما معنى السعادة مهما امتلك منهم اشياء ..
انهم مسجلون بالسجل المدنى و فقط .. انما ليسوا فى لائحة السجل الشعورى وهو أخطر .. والأدهى من ذلك أنهم غير واعين بكل هذا
 هم من وضعوا أنفسهم فى هذه الغيبوبة تماما كما فعلت أنت .. ولكن الفرق أنهم غير مدركين أنهم هم من وضعوا انفسهم فى كل هذا وليس من السهل العدول عنه

إن معظمنا من هؤلاء .. نبحث على السعادة فى الأماكن الخاطئة .. ونضحك على أنفسنا ونقول وجدناها
لكن مع الوقت نكتشف أننا ارتكبنا أبشع الاخطاء .. والأبشع من ذلك أننا نستمر ونصر ونبحث ثانيا فى نفس نوع الخطأ الاول مع اختلاف الشكل

والبعض منا ينجو ويكون كقطرة الزيت العائمة على الماء دون الاختلاط به
هنيئا لمن كان هكذا



 !! الى متى سنظل فى انتظار جراب الحاوى لنعرف السعادة
الى متى سننتظر كوكا كولا لنفرح !!



أنا نفسى لسه برده مستنياها

بقولها لنفسى قبل ما اقولهالكم

"دور على السعادة فى مكانها الصح اكيد هتلاقيها"



وضحكت عليكم البوست مش رومانسى
ههههههههه


البوست ده قديم من يوم 17/8
انا بحبه اوى اصلا :)

22 comments:

  1. هههههههههههههه هو مش رومانسي بس حلو اوى بس على والله انا كمان ساعات كتير بيحصلي كده ببقى قاعده ف المكان ودماغى ف مكان تانى ولو حد نده عليا ببقى سمعاه بس مش حساه ومش بعرف احتى افوق نفسي خالص غير لما دماغى لوحدها تبطل تفكير ف الحاجه اللى انا سرحانه فيها دى

    ReplyDelete
  2. ههههههههههه جيالك تاني بمضي حضور بس على فكرة البوست فكرني بمدونة للأسف صاحبها قفلها دلوقتي :(

    ReplyDelete
  3. لا هو رومانسي .. بس مش زي اللي في بالنا ..

    اعجبتني فاكر .. فاكرة

    حلوة

    ReplyDelete
  4. ايه البوست الفظيع دة
    في البدايه كنت هعمل كوبي لاول داخله رومانسيه وبعدين كل ما اقرأ ابقي عايزة اعمل كوبي
    لحاجات كتير

    كله جميل
    كلنا بندور علي السعاده في الوقت والمكان الغلط
    كلنا بننتظر شئ يجى يغير حياتنا بس الحقيقي
    اننا اللي بنغيرها
    كلنا في قائمه الانتظار كل يوم بلا سبب

    تفتكرى ايناس بتتكلم عن مدونه الروقان مع كوبايه شاي ولا ^_^

    ReplyDelete
  5. جميل قوى قوى عجبتنى فكرته وشدتنى جدا

    ReplyDelete
  6. جميل اووى
    انا قولت فى الاول هيبقى الجو رومانسى
    طلع واخد من كل حاجه حاجه
    "هل راودك شعور الانغماس فى تفكيرك لدرجة تفقدك اتصالك بواقعك ؟"
    انا كده بالظبط على فكره
    اوقات بحس انى هاقع من الكرسى اللى انا قاعده عليه من كتر ما سرحت فى التفكير
    فكرك دى حاله مستعصيه والا هنخف منها هههههههههه

    ReplyDelete
  7. الرومانسية درجات يا صغيرتي
    ودي احلي رومانسية شوفتها <3

    بوست تحفة اتحف تحفات التحف :D

    ReplyDelete
  8. mena
    ايون انا عارفة الموضوع ده :D
    ربنا يخليكى اصلا :)

    ReplyDelete
  9. ايناس
    والله اصلا مبسوطة اوى انك جيتى تانى :)
    معقول ؟؟
    شبه الحاجات الى كان بيكتبها ؟؟
    مش عارفة مش اخدت بالى :)

    ReplyDelete
  10. وجع البنفسج
    ميغسى
    ربونا يخليكى :)
    نورتينى

    ReplyDelete
  11. رونتى
    اخجلتينى :$ :$
    الحمد لله انه عجبك يا حبى :)
    خديه كليه كله لوحدك اصلا :D
    اه اعتقد قصدها على البلوج دى :)

    ReplyDelete
  12. نونا
    ميرسى ميرسى
    اتفضليه :)

    ReplyDelete
  13. دينا
    ربنا يخليكى يا يا رب اصلا :)
    لا لا
    لا تقلق يا موهى فى أمل
    اسألينى انا :D

    ReplyDelete
  14. ريمو
    :$ :$
    احمررت خجلا مش قادرة من الكلام ده
    انتى الى تحفة والمصحف اصلا :D

    ReplyDelete
  15. الشعر اللى فى الاول ده لعلى سلامة صح ؟ :)

    حلوة التدوينة جدا :)

    ReplyDelete
  16. انا الحالة دى بتجيلى لما بكون بكتب مقالة أوقصه بنفصل تماما وبكون فى غابة السعاده وانا عيشه جواه حالة الكتابة

    أختك نونه
    :)

    ReplyDelete
  17. جميله

    وطب شخصى تخلى اللون ابي ..قدر الامكان ..طالما الخلفيه سودا.

    :)

    ReplyDelete
  18. محمد
    مش عارفة انا كنت سمعته على اليوتيوب هبه مجدى وواحد مش فاكرة اسمه بيلقوه:D
    المهم انه حلو
    ميغسى :D

    ReplyDelete
  19. نونة
    الحالة دى بتجلنا كلنا مع اختلاف المواقف الى بتجلنا فيها بس :)
    اختك موها :D

    ReplyDelete
  20. خالد
    ميرسى ربنا يخليك
    انا بكتب بالوان تبان والله اهو
    اصلى مش بحب اكتب كله ابيض ;)

    ReplyDelete
  21. دى طلعت قصيدة ( حواديت قديمة ) لاحمد حداد

    ده اللينك و فيه القصيدة كلها :)

    http://www.youtube.com/watch?v=1M9GcvGfznc

    ReplyDelete

عاوزة صراحة فالتعليق
مليش فالمجاملات والكلام ده
يلا سمى الله ودوووس :D