The best things in life are unseen ,, that's why we close our eyes when we kiss, cry, and dream .

12/26/12

الناس بتغلط فى حقك
ويعترفوا أنهم غلطوا فى حقك
ويندموا أنهم غلطوا فى حقك
وبعدين يتأسفوا أنهم غلطوا فى حقك
بس كل ده مش هينفى حقيقة أنهم خلاص غلطوا فى حقك
لا الأعتراف ولا الندم والأسف يغيروا أى شعور موجع حسيت بيه
ولا هيغير التغير اللى وصلتله بسبب الشعور ده
بس المهم, أنا والله مش زعلانة من حد
الفكرة كلها أن الوجع بيغير
وزى ما أنتم السبب فيه يبقى تتحمله نتيجته
أنا هقول تانى .. بالرغم من كل الحاجات اللى أنا -بس ولأول مرة عارفاها- أنا فخورة بنفسى .. ومش ندمانة على أى حاجة عملتها حتى لو شايفاها غلط
أنا مبسوطة حاليا .. مش مبسوطة قوى يعنى بس مرتاحة .. مش مرتاحة قوى برضه بس كويسة .. مش مهتمة بأى حاجة أو بأى حد
ولأول مرة أكون كويسة من فترة كبيرة ... حتى لو الناس .. كل الناس .. شايفنى عكس كده
الرغم من السلام النفسى المزعوم, إلا أنى مش عارفة ليه أحلامى كلها بقت "رعب" ... بقيت بظهر فيهم يا خايفة, يا ساكتة!!

9 comments:

  1. انا وصلت للمرحلة دي منفترة كبيرة .. صدقيني هترتاحي كتير فيها :))

    وان شاء الله احلامك كلها تبقى حقيقة قريب ;)

    ReplyDelete
    Replies
    1. أنا فعلا مرتاحة جدا يا نور الحمد لله

      أه هتبقى حقيقة .. قريب .. أنا عارفة

      :)

      Delete
  2. نسيت اقول اني مبسوطة جدا جدا جدا اني قريتلك بقى :* :*

    ReplyDelete
  3. انسي يا ميهو وايلي غلط ف حقك ووجعك ارميه ورا ضهرك ...ربنا يريح قلبك وايوا كده ارجعي نوري المدونه وحشتييني

    ReplyDelete
    Replies
    1. ربنا يكرمك على الدعوات الحلوة جدا جدا دى يا أميرة

      أنتِ وحشتينى أكتر والله

      هجيلك المدونة قريب خالص بأذن الله <3

      Delete
  4. فى ناس تستاهل انها تتعامل وحش او على الاقل على اد معاملتهم

    والاهم من كل ده ان فى سنة جديدة جاية
    يارب تحققى كل احلامك او جزء كبير من احلامك فيها

    وكل سنة وانتى طيبة

    ReplyDelete
    Replies
    1. صح

      كل سنة وأنت بخير وسعادة دايماً ومحقق كل اللى بتتمناه

      :)

      Delete

عاوزة صراحة فالتعليق
مليش فالمجاملات والكلام ده
يلا سمى الله ودوووس :D