The best things in life are unseen ,, that's why we close our eyes when we kiss, cry, and dream .

11/13/12

انهارده عيد ميلادى ى ى ى ى

أيون أيون أنا عيد ميلادى 8/12 مش 13/11
مدونتى حبيبتى غبت عنك بس رجعتلك بحاجة حلوة 
هحكيلك من الأول .. أمبارح الى هو كان الاتنين  مفروض كنت هروح بولينج مع أسراء وسارة وسما .. بعدين أسراء بعتتلى مسدج وقالتلى أن عندها مشكلة كبيييييييييييييرة ومش هينفع نخرج وتعالى ألحقينى وفكرى معايا هنعمل أيه فى المصيبة دى. وأنا بقه يا حرام صدقت وفضلت صاحية أفكر هنعمل أيه وقلقانة.
أصحى الصبح تبعتلى مسدج:"مها أنتِ صحيتى؟" .. أنا:"أه يا أسراء مرضتش أبعتلك علشان مصحيكيش" هى:"يلا طيب تعالى."
روحت ودخلت الشقة, ألاقيها لابسة هدوم خروج وخاتم كأنها خارجة .. شدتنى على الأوضة وكانت ضلمة وأذ فجأة 
ألاقى تورتة وضوء شموع وسما وسارة وسيلين ديون بتغنيلى وهما معاها هابى بيرث داى تو يو
أنا وبكل علامات التعجب اللى فى الدنيا:"فى أيه فى أيه!!" بمناسة أيه طيب !!
أنا برضه بذهول ومفاجئة لأسراء "I hate you :@ !!"
 قرروا يعملولى سربرايز بارتى وقبل العيد ميلاد بكتير علشان مبقاش متوقعة وأتبسط وأفرح وكدهو كدهو
وبما أنه عيد ميلادى العشرين ولأنى شايفاه لازم يبقى مميز .. حبوا يخلوه زى ما كان نفسى فيه
غنولى وهيصولى وأكلت التورتة (حتة صغننة كنت شبعانة اصلا :$) وجيه وقت الهدايااااااااااااااااااا
زيمو جابتلى أبجورة صغننة أمورة على شكل أنجرى بيرد وبتتشحن كمان .. وألبوم صور مرسوم عليه أسبونج بوب وفيه صورتنا أحنا الأربعة :)
سيرو جابتلى شبشب أرنوب من اللى كنت عايزاه علشان الشتا وحاجة تانية هحذفها علشان الرقابة :D
أوؤ :) جابتلى رواية أنجلش قالتلى أنها حلوة قوى .. وأبجورتين للحيطة لونهم بينكى .. وبادى أبيض عليه أنجرى بيردس برضه .. وحصالة (هييييييييييييييه) وفيها ورقات مكتوب فيها أمنيات حلوة للسنة الجديدة ..
رقصنا وأتنططتنا وضحكنا وفرجونى على حتة حزينة ومقرفة من the walking dead (يععععععععععع)
بعدين نزلنا الزمالك أكلنا من بطاطس آند زلابيا (هو أسمه كده مش زيادة ثقافة أنجلش عندى يعنى :D)
ووقفنا بنت كده علشان تصورنا وأحنا ماشيين والولاد الى كانوا معاها رخمين جدا واحد عايز يتصور معانا والتانى شغال سخافة ما شاء الله
ودخلنا ساقية الصاوى ركبنا مركب فى النيل ورجعنا الساقية قعدنا على النيل كوتييييير .. وكان فى واحد عمال يستهبل وعايز ينط من فوق الكوبرى 
أتمنيت أمنية ورمينا فلوس فى النيل
وبعدين خرجنا علشان نروّح وسيبنا سارة وسما يمشوا وجرينا وراهم وخضيناهم وزيمو كانت هتعيط يا عينى :$
وأتمشيت أنا وأوؤ وقالتلى:"مالِك؟؟ مش حاسة أنك مبسوطة كده خالص ! " أنا:"ليه؟ والله أتبسطت جدا اصلا"
وركبنا وروحنا وبس :)
"لو نسيت حاجة فكرونى بيها علشان أكتبها"

يوم يستحق التدوين يا مدونتى مش كده ! :)
شوفتى صحابى حلوين أزاى وبيحبونى أد أيه ؟؟ بيجهزوا للموضوع بقالهم أكتر من 3 اسابيع
كنت بدعى ربنا يبعتلى مفاجأة وأهو حصل الحمد لله
أنا مهما قولتلك أنا بحبهم أد أيه مش هيكون كفاية اصلا .. ولو فضلت من هنا ولسنة قدام أقولوهم "شكرا" برضه مش كفاية
بس كان فى حاجة لازم تعرفوها .. أنا مش حلوة قوى للدرجة دى ومستاهلش كل الى عملتوه ده اصلا كان كتير عليا جدا
شكرا على محاولة أسعادى بأى شكل كان 
شكرا على كل حاجة وعلى التعب الى تعبتوه علشانى
شكرا على الهدايا العسولة 
شكرا أنكم موجودين فى حياتى

ألشة اليوم: سارة:"مش فاكرة أيه كده سحلب" أنا:"وأسحلب وأجرى يا رمان" أيه أيه عيد ميلادى وأعمل فيه اللى أنا عايزاه اصلا الله :$
شكرا قوى يا رب :)

16 comments:

  1. kol sana w enty tayba agazma :P kol sana w enty tayba me5 <3 mafesh sabab fl donya ydeki el 7a2 enek t2leshy :P

    ReplyDelete
    Replies
    1. Enkerii eno 7elw w msakkar zaye bl zabt asln :$ de7ktii 3leh leh lama hwa we7sh ?! :P

      Da ana kalamii a7la mn l zalabya wl corn ele akalnahom enharda :P

      Msh 3ayzeen n7eb f ba3d 2odam l nas 3lshan l 7asad ;)

      <3

      Delete
  2. كل وقت وانتي طيبة وبخير وفي أحسن حال يا ميهووووووووو
    حبيبتي انتي لو مكنتيش عسولة ورقيقة وصاحبة جميلة ماكنتش الحاجات الحلوة دي حصلتلك
    ربنا يخليهم ليكي ويخليكم لبعض
    وتفرحوا دايما سوا وتفرحوا بعض
    Happy Birth Day ya Tender Heart enty
    Wish you 7agat kteeeeeer 7lwa
    w aw2aaaaaaat gaya a7la w a7la

    Love u w kda b2a
    http://i88.photobucket.com/albums/k188/ArthurTopham/happy.jpg

    And here is your present

    http://www.dustcatchers.com/barbie/75tenderlove.jpg


    and here is your birthday song
    It's different and I am sure you would love it.

    Luv u girl
    :)

    ReplyDelete
    Replies
    1. وأنت طيبة وجميلة يا سونسون :)

      أمين أمين على كل الدعوات الحلوة دى :)

      I loved the doll <3

      But i haven't received the song !

      Thank you :)
      Love you too :$

      Delete
  3. كل سنه وانتي طيبه وبخير
    :)

    ReplyDelete
  4. (= bgd Ya Meeh U R Blessed B So7abik ;) w Rabna Yes3edik Ya Rab Tool Ayamik W Asln 3mala Ad7ak 3la Kol Kelma Katbaha :DDD W For Ur Knowledge U Deserve The Best EVER W Balash L Tawadoo3 Daa :D

    Happy 20 In Sha' Allah <3

    Za3boletik xD

    ReplyDelete
    Replies
    1. Tasawarii daye2tenii !!

      E so7abiik d asln .. you are one of them ya 3abiita and i'm sure if you knew, you'd have joined them in whatever they were doing ..

      Bs kda a7san 3lshan yb2a fe hadaya taniia youm l 3iid melaad l 7a2ii2ii :$ :P :D

      Ana bada77ak kol l nas asln w afta5er (H)

      Shoftii seme3t kalamek aho wbatalat twadoo3 :P

      Moshakera ya Za3boletii ya 7abiibtii <3 :D

      Delete
  5. Walahi Msh Asdii W Of Course Lw 3arfa Kontish Hafawet-ha Tab3an :*

    W Bgd Mabsotalik Awii 3shn Enti Mabsotaaa W Awya B2a Bosi 3awzkii Tebatali Tawado3 Mn Hina L7ad 3ed Miladik BS :DDD :P

    7ebekiii <3 :$

    ReplyDelete
  6. هههههههههههههه
    كل سنة وانتي حلوة يا لووووووزة :D
    يارب يجعل ايامك كلها سعيدة ومليانة مفاجآت

    :*
    هابي عشرين سنة

    ReplyDelete
    Replies
    1. اللهم أمين

      وأنتِ طيبة وعسولة يا رضوى

      هو هابى عشرين أه

      :)

      Delete
  7. HBD my lovely friend ,, w aslan a7na ma3mlnash 7aga ya3ni w kolena etbasatna gedan w fere7na 3ashan enti konti mabsota <3
    ah w neseti te2oli en e7na ra2asna 3ala l songs beta3et roby w shofna clib keda bashe3 mesh ha2dar 2a2ol esmo tab3an ;):D
    rabena ye5alena l ba3d w nefdal ma3 ba3d 3alatool <3 :)
    El emda2
    Sama " zemo ya3ni " :D

    ReplyDelete
    Replies
    1. Zemtii :$ <3

      Rabena y5aleko leya walahii. I'm sure I would have been in a terrible place right now, if you all weren't with me :)

      Ya nhar mlawen !! Zemo entii fada7tena ! :D

      Ra2s ! Roby ! L2 entii akeed asdek 3ala 7ad tanii 5ales asln (H)

      Matfakrnesh bl clip ! Can't forget how you reacted when seeing it ! you cracked me up laughing !! xD

      Delete
  8. الله يا ميهو !
    فرحتيني والله وحسيت كأني معاكم
    ربنا يخليلك صحباتك وتفضلو سوا طول العمر
    الصداقة شئ جميل اوي
    ماشاء الله تبارك الله
    ربنا يباركلكم يارب يارب يارب يااااااااااااااارب

    ReplyDelete
  9. كل سنه وانتىبخير وسعاده يارب يحقق ليكى كل امنياتك

    ReplyDelete
  10. اصلا بقي فرحانة انك فراحنة
    وكل سنة وانتي بضحكة جنان كدة مقدما
    وبعدين بقي نفسي انا في يوم تهيس معكي كدة بقي ماليس ددعووووووووة

    وهاتي صحكة واصلا علي شرايط زي ما اتفقنا
    :PPP

    ReplyDelete

عاوزة صراحة فالتعليق
مليش فالمجاملات والكلام ده
يلا سمى الله ودوووس :D