The best things in life are unseen ,, that's why we close our eyes when we kiss, cry, and dream .

5/1/12

شخصى 2

هاه .. بسم الله
أنا بقول أهو من الأول محدش يضيع وقته فى قراءة البوست ده لأنه مش هيستفيد حاجة اصلا
أنا بس بفضفض شوية كده بقالى كتير مش برغى
مممم طيب بما أنه بوست هبلولى كده مش لازم نرتب الكلام بقه زى ما يجى فى بالك 
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
 الفترة دى أنا غريبة جدا .. مش عارفة مالى .. منعزلة شوية عن ناس كتير
بس مع الى بشوفهم وبكلمهم بضحك وأهزر عادى اصلا
 حاسة أن مبقاش فارق معايا حد أو حاجة
مش مضايقة .. بس مش فرحانة .. طعم الفرحة وحشنى جدا اصلا
 نسيت ببقى عاملة أزاى وأنا فرحانة من قلبى .. الفرحة الى تخرع دى
 ـــــــــــــــــــــــــــــــــــــــــــ
أنا بحب ترايدنت بالبطيخ
وبحب صانداى من عند ماك
وبحب بابا وماما وأخواتى .. وبحب كل الناس
ــــــــــــــــــــــــــــــــــــــــــــــــــــ
بابا .. انا أسفة والله اصلا ببقى مدب فى كلامى وأنا متنرفزة 
أنا عارفة اد ايه بتحبنى .. وعارفة أنت بتعمل علشانى أيه .. وعارفة أنك عايش بس علشاننا
بابا علشان خطرى مش تزعل منى والله اصلا بحبك جدا أد الدنيا وأكتر
ــــــــــــــــــــــــــــــــــــــــــــــــــــــــــــــ
أنا نفسى أشتغل وبالمرتب أجيب لكل الى بحبهم حاجات تفرحهم
 ــــــــــــــــــــــــــــــــــــــــــــــــــــــ
ندى .. أنا مش ناسية الورد .. شوفت انهارده بس كان الصبح وقولت هتدبل .. بس هجيبلك والله اصلا
ـــــــــــــــــــــــــــــــــــــــــــــــ
كورسى العزيز .. الى عرفت فيه ناس بجد كويسين جدا .. أنا مبسوطة أنى دخلتك 
  i control .. i <3 u .. ISTian 4eva :)
اليوم انهارده كان حلو جدا .. بكل الضحك والعياط واللعب والأكل واللوحات والمناقشة والخلاف وحمص الشام
هبقى أنزل صورة كده للوحتى العظيمة .. سندريلا الفظيعة
 ـــــــــــــــــــــــــــــــــــــــــــــــــــــــــــ
 أنا بحب كلمة "عبوكو كلكو" وبكره "أساحبى :D
ــــــــــــــــــــــــــــــــــــ
كل صحابى .. متأسفة
ـــــــــــــــــــــــــــــــــــــــــــــــــــــ
معلش لكل الناس الى أنا عايزة أبقى جنبهم وهما محتاجنى جنبهم بس مش نافع
والله والله اصلا أنا موجودة فى كل يوم وفى كل مكان وفى كل لحظة حواليكم
ـــــــــــــــــــــــــــــــــــــــــــــــــــــــــــــــــــ
   أكتشفت حديقة رهيبة على النيل بالظبط وحلوة أوى اصلا أسمها حديقة فنون فى المنيل.. خلاص هتبقى مكان أقامتى بعد كده ولازم فى يوم من الأيام نروحها سوا
 أنا محوشة أماكن كتير أوى اصلا علشان لما اليوم الى من الأيام ده يجى نروحهم كلهم مع بعض
لسه مش روحت سينما علشان أدخلها لأول مرة معاك
ــــــــــــــــــــــــــــــــــــــــــــــــــــــ
كنت لسه بفتكر الشويبس جولد والبيزا 
ــــــــــــــــــــــــــــــــــــــــــــــــــــــــــــ
بحلم أحلام غريبة اليومين دول ! وبيتحلم بيا أحلام أغرب اصلا
ـــــــــــــــــــــــــــــــــــــــــــــــــــــــــــــــــ
الامتحانات قربت وأنا لازم ألحق نفسى لأنى بستهبل
الكورس خلص .. والكورس التانى كلها اسبوعين ويخلص والأسبوع الى بعده 
 امتحاناتى
 يا حلاوة !!
ـــــــــــــــــــــــــــــــــــــــــــــــــــــــــــــــــــــ
مها يا بنت العظيم الأستاذ المحبوب الى كله بيحكى ويتحاكى عنه محمد النجار .. أنتى متماسكة وقوية وبتعرفى تحفظى على مبادئك بس أقولك .. طظ فيكى
أيون أنتى وحشة اصلا وأنا مش راضية عنك اصلا
ناقصك حاجات كتير لازم تظبطيها يا مها من فضلك
ـــــــــــــــــــــــــــــــــــــــــــــــــــــــــــــــــــ
لاب توبتى رورى أنا بحبك خالص :)
ـــــــــــــــــــــــــــــــــــــــــــــــــــــــــــــــــ
يوتوبيا وقوس قزح وسيرة مولع بالهوانم .. عجبتونى 
رغم الفراق .. ألهمتينى وخلتينى أكتب 3 بوستس منهم أنين فى القلب

8 comments:

  1. حتما ولابد تعرفيني فين الحديقة دي عشان انا بحب النيل جدا جدا جدا بس مش لاقي اماكن كتير عليه ممكن اروحها

    البوست على بعضه كده رغم التفاصيل اللي موجوده بين السطور فيه حلو جدا حتى لو مدي على حزن كفاية انك قدرتي تطلعي الكلام ده من جواكي ... اكيد كده ارتاحتى ولو بنسبة بسيطة

    واخيرا miss you gdn 3la fekra ya3ne :D

    ReplyDelete
    Replies
    1. يابنتى اصلا ده أنا عرفت كمية أماكن اصلا
      المرة الى جاية هوديكم واحد منهم
      والحديقة فى المنيل فى شارع عبدالعزيز آل سعود :D

      أيه الحلو الى فيه والنبى يعنى !

      :D :D

      ده أى كلام اصلا مفيش أى فن يعنى

      حزن !!

      يا ساتر يا رب

      ربنا يبعده عنى اصلا

      مفيش حزن ولا حاجة يا نور والله اصلا

      أنا لوزة أهو :)

      واخيرا وحشتينى أنت كمان على فكرة يعنى

      :$ :)

      Delete
  2. مش هعلق غير بابتسامة وبس
    :)

    ReplyDelete
  3. وانا كمان عايزة اعرف الحديقه دي وييين

    البويت فظييييييييييع يا ميهو اوى

    وهكتفي بوردة صغنونه بينك وابتسامه عريضه <3

    ReplyDelete
    Replies
    1. أنا قولت مكانها أهو

      :)

      فظيييييييييييييييييييييييييييع يا ميهو !!

      أزاى يعنى !!

      ههههههههههههههههههههههههههههههه

      ايه الفظيع الى فيه يا رنا ؟! :D

      وردة وبينك وابتسامة عريضة !

      كل دول !

      :)

      <3

      Delete
  4. مش هقولك غير أنا فعلاً حاسكي مضيقة..بس مش بحب أقول مضيقة نقول أممممم

    حبيت لخبطتيته بيمر بيهم الإنسان من وقت للتاني عشان يحسه بالفرحه

    وربنا ينجحك ويفرحك يارب

    ReplyDelete
    Replies
    1. طيب أنا متلخبطة أهو ومستنية الفرحة

      :)

      بحب الدعاء أوى يا نينو

      :)

      Delete

عاوزة صراحة فالتعليق
مليش فالمجاملات والكلام ده
يلا سمى الله ودوووس :D