The best things in life are unseen ,, that's why we close our eyes when we kiss, cry, and dream .

3/8/12

Note to self !

الأماكن بتتغير .. الناس بتتغير .. الأيام بتتغير .. الثوانى والدقايق والساعات بتتغير .. فصول السنة والسنين بتتغير
بس أنا زى مانا !
بتتغير فيا الحاجات الى عايزاها تفضل معايا .. وتفضل فيا الحاجات الى بتعذبنى
مبحبش أواجه مشكلة لوحدى .. مع أنى معظم الأحيان بيبقى لازم أكون لوحدى. الصدمات كترت قوى .. بجد يعنى  .. قوى.. صدمات حتى فيا !
هتحملى لحد أمتى ؟؟ مش عارفة .. طيب هتواجيها لوحدك ؟؟  أعتقد .. وأخرتها ؟؟ السؤال ده مش مفروض يتسألى أنا لأنى أكيد مش أنا الى بصدم نفسى يعنى
محدش يقولى العبارات الى بقيت بكرهها دى بتاعة أنتى عارفة أنى مش عارفة أيه .. أنتى فاهمة أنى كذا .. أحنا طول عمرنا بتاع .. أكيد أنتى كذا .. من الأخر بقه .. أنا لا بقيت فاهمة ولا عارفة ولا متأكدة من حاجة ولا من حد اصلا .. حتى نفسى

أتحبيتى؟؟ أه .. كام مرة ؟؟ يمكن مرة 2 3 10 , الله أعلم .. أتحبيتى ؟؟ أعتقد ! كام مرة ؟؟ مرتين .. أتحبيتى ؟؟ بيقولوا .. كام مرة?? مش عارفة .. أتحبيتى ؟؟ لا !
أكتشفت أنى معقدة قوى اتقالى أنى فلسفية منطقية عقلانية وأن الحياة متنفعش كده لازم شوية بساطة
أتقالى انى قافلة على نفسى وبوقف حالى ومش هتجوز :D
كمان مش بعرف استغل الفرص وبضيعها وبرجع اندم .. لما بترجع مش بعرف أستغلها تانى برضه
مها, هو أنت ايه ؟؟ مفروض تعملى كل حاجة, صح؟؟ أه .. ومن غير ما تشتكى, صح ؟؟ أه .. أنت بس الى تاخدى بالك, صح ؟؟ اه .. مش هرد عليكى اصلا
ثم أنا كبيرة وعاقلة .. ثم بتحمل كتير ..
الحل أيه دلوقتى ؟؟ بقيت بتنرفزنى قوى على فكرة يا سؤال  أنت .. أقولك الحقيقة .. علشان كل مرة مش بعرف اجاوب عليك
تماسكى .. مش هتضعفى .. عديتى كتير .. تعبتى ده اكيد .. هجيبلك جالاكسى وفلوتس وأم آند أمز وكل الحاجات الحلوة
مها أنت بقيتى بتخافى تسكتى .. علشان لا تفكرى ولا تفتكرى .. كده غلط .. لو سمحتى بلاش ضغط
الجامعة+الكورس ال إي دى يو +كورس ال آى أس تى+المشاكل الى أنت قاصدة تندمجى فيها .. كده مرتاحة أنت ؟؟
"يا قلبى يا موجوع اياك تكون قلقان"
مها .. أحمدى ربنا عليك. مرة هتصحى تلاقى نفسك فالدنيا الى أنت عايزاها .. بس اصبرى
مها .. خلى بالك من مها


(غموض .. حيرة .. عتاب .. لوم .. ندم .. تحدى .. صدّْ)
أزاى ممكن تشوف كل ده بمجرد نظرة فعين حد ؟؟

19 comments:

  1. مع انى كنت مقاطع البلوج
    بس مقدرتش امنع نفسى من التعليق
    بعشق البوسات اللى الواحد بيواجة فيها نفسة , هو صحيح مش بيوصل لنتيجة فى معظم الاحيان بس شرف المحاولة كفاية
    بالمناسبة انا مش بحب الجلاكسى انا بحب فليكر :D
    حمدالله على سلامتى الى البلوج

    ReplyDelete
    Replies
    1. أحمد

      أنا أُقدر هذا لك :)

      خلاص أنا بحب الجالكسى وعايزة واحدى :P
      ومش هجيبلك فليكر هههههههههههههههههه

      حمد لله على سلامتك اصلا :)

      Delete
  2. في ايه يالوزة علي الصبح

    اثبتييييييييييييييييي

    ReplyDelete
    Replies
    1. بحاول أهو والله بكل ما أملك من قوة اصلا

      أدعيلى :)

      Delete
  3. مهـــــــا
    ابنتى الحبيبه
    لأ مش انا اللى ابكى والا انا اللى اشكى لو جار عليا هواك
    انت قلنيها كلمه ولا تعليق يعدها
    ( مرة هتصحى تلاقى نفسك فى الدنيا اللى انتى عاوزاها
    انا لسه معلق اللوز ولم المسه مجرد النظر اليه بيفكرنى بابنتى
    ساعود اليك مرة اخرى عند زيارتك للمدونة
    الى اللقاء

    ReplyDelete
    Replies
    1. عمو فارووووووووووووق :)

      يا سلااااااام على الكلام الجميل :)

      ربنا يخلى حضرتك ميرسى ميرسى .. سلملى على اللوز كوتييييييييييير بقه :)

      Delete
  4. علي فكرة انا سبت تعليق في البوست اللي قبل اللي فات

    ReplyDelete
  5. خيخيخيخيخيخيخيخيخيخيخيخي

    نو كومنت بيجد يعنى الكومنت كان كدة كدة علي الفون يا مهجتى اعتقد احنا محتاجين نتقابل ونفرفش شويه او نقضيها عياط واحضان :))

    ReplyDelete
    Replies
    1. أنا موافقة على أى حل طالما معاكى :)

      Delete
  6. لا يا مها فكك من دماغك شويه

    اما تقربى من كمية افكار كلها اغلس من بعض

    فكى دماغك وطيريها زى البالونه

    وارتاحى من احوالك شويه

    الجميل انك عندك رضا

    وعندك امل فى حياتك

    متفقديش معنوياتك رغم كل سفاهات الحياه

    ReplyDelete
    Replies
    1. عملت زى ما بتقول كده بالظبط يا أسلام

      أه اصلا الرضا ده هو الى مصبرنى لحد دلوقتى الحمد لله :)

      بحاول أحافظ على كبر قدر منها أهو .. أدعيلى أعرف :)

      ميرسى على الكومنت الحلو ده ;)

      Delete
  7. ايه يا ميهو ده كله..؟؟؟
    مالك يا بنتي؟؟؟
    سيبك من الدنيا دي كلها..وفكك من دماغك لو مضايقاكي...
    عيشي حياتك وانبسطي غصب عن كل ايلي حواليكي...
    الدنيا مش مستاهله تشيلي كل الهموم لوحدك....
    خلي بالك من نفسك اوي يا مها

    ReplyDelete
    Replies
    1. مالى دى محتاجة كتاب يا أميرة مش كومنت أو بوست :)

      ببذل قصارى جهدى أنى أنفذ كلامك ده والله اصلا

      وخاصة موضوع أخلى بالى من نفسى ده

      :) <3 :)

      Delete
    2. ربنا يهديكي ويكرمك...ويبعد عنك اي حاجه تضايقك

      Delete
  8. ياااااه يا مها يظهر ان اللي زينا هما بس اللي تعبانين وحيرانين وده اللي حاصلهم

    بصي ما زلت مقتنعة اننا لازم نبقي نفسنا ووبس لاننا ادري بيها وادري بايه يتعبها وايه يريحها وعمرنا ما حنقدر نعمل اللي غيرنا شايفه
    عشان في الاخر دي حياتنا وبس حتى لو بنغلط من حقنا نغلط

    انتي شبههي كتير
    الجزء ده انا


    لجامعة+الكورس ال إي دى يو +كورس ال آى أس تى+المشاكل الى أنت قاصدة تندمجى فيها .. كده مرتاحة أنت ؟؟
    :))

    سيبتلك تعليق بعيد في البوست اللي قبل اللي فات

    بحبك علي فكرة
    وانتي جميلة اصلا اصلا اصلا يعني

    ReplyDelete
    Replies
    1. الى زينا الى هو أزاى يا سوو ؟؟ :D

      أنا عارفة والله اصلا .. مش بحاول أكون غير نفسى .. بس بحاول أصلح نفسى دى

      أه بنشغل نفسنا بحاجات علشان مناخدش بالنا من حاجات أكتر تعبانا :)

      وأنا رديت أهو :)

      والله العظيم ربنا يخليكى جدا جدا متشكرة أوى بجد والله اصلا :$
      أنا بحبك كمان اصلا اصلا يعنى <3

      Delete
  9. سلام عليكم
    مها أنا يوم ما شفت مدونتك أول مرة حسيت فيها بحاجة غريبة بتشدنى أ،ا مش عارفة هى إيه بس اللى عارفاه إنها عكس إحساسك فى البوست دا
    كلماتك المرة دى بتوجع حاسة إنك تعبانة أوى وبتعانى من جواكى بطريقة وجعتنى أنا
    يمكن احنا مش نعرف بعض بس مش عارفة ليه اتوجعتلك
    هدعيلك وأنا بصلى انك تعيشى الحياة اللى نفسك فيها واحسن ويارب تكون قريبة
    فى رعاية الله

    ReplyDelete
    Replies
    1. عليكم السلام ورحمة الله وبركاته

      فاهماكى على فكرة .. لأنى أنا مش أنا حاليا
      فـ"مها" الى شوفتى البلوج بتاعتها قبل كده مش هى "مها" بتاعت دلوقتى :)

      بعد الشر عنك من الوجع معلش ما قصدتش خالص اصلا :(

      أهم حاجة الدعاء ده والله اصلا ربنا يخليكى يا رب

      My Nut من قلبى بجد .. نورتى :)

      Delete

عاوزة صراحة فالتعليق
مليش فالمجاملات والكلام ده
يلا سمى الله ودوووس :D