موها منشكحة :D

أولا "موها" و "منشكحة" مش بقولهم على نفسى غير وأنا مبسوطة بجد

لأن الاتنين ليهم ذكريات حلوة اوى معايا اصلا

ندخل فالموضوع بقه .. أحم أحم

روحت معرض الكتاب ..اه والله روحت

كان يوم حلو أوى أوى

ركبت مواصلات لففتتنى مصر كلها اصلا

شوفت رودى و رارا وفاطمة

كان نفسى رونا ونيللى وريمو ودينا ونوستى ونيللى 2 يكونوا موجودين

وطلعت بغنيمة تحفةةةةةةةةة

جبت تراب الماس لاحمد مراد

لم اعرف ان الطواوايس تطير لبهاء طاهر

أفتح قلبك لعبد الوهاب مطاوع

الكتاب التانى لأحمد العسيلى

الان أفهم لأحمد خالد توفيق

واخيرا ..لو أننا لم نفترق .. ده ديوان لفاروق جويدة :)

نفسى أروح تانى وأجيب حاجات تانى أكتر اصلا

أنا مبسوطة خالص مالص بالكتب ..

 كان نفسى أجيب "أحببتك أكثر مما ينبغى" بس نسيت أشوف اسم دار النشر بتاعته وأنا رايحة :(

برده هفضل أدور عليه لحد ما الاقيه وأجيبه حتى بعد المعرض اصلا

ومبسوطة كمان علشان ناس بحبهم بجد يعنى 

أكيد بعد كل ده لازم موها تكون منشكحة اصلا :)

معرض الكتاب

 :$ كاتبة انهارده علشان مصلحة بصراحة

 معرض الكتاب بدأ بقاله شوية كده

مفروض أنى يمكن هروح الأسبوع ده

أنا عايزة أى اقتراحات عن كتب 

فلسفية .. حاجات خاصة بعلم النفس

كتب تشغل التفكير كده

ممكن رومانسى .. روايات

قصص قصيرة لا مش بحبيها

يعنى أنتم قريتوا شوية من بوستاتى

وأنا كمان قريت بوستاتكم وعجبنى منها كتييير

فحاولوا تخمنوا الحاجات الى ممكن تعجبنى وقولولى

بس بسرعة .. قبل يوم التلات

ميغسى مقدما :)

 



  

Fact

Maha, Plz be aware that U R not that important !

AccEPT THis FaCT !

قصاقيص أفكار

الحاجات الحلوة الى بجد بتبان لما الى بيعملها مبيبقاش عارف أننا عارفين أن هو بيعملها وبرده مكمل وبيعملها


وساعات بنحن للماضى بصورة توقف الحاضر


بحس أن حضن بابا ليا وطن .. وحضن ماما هو الأمان


بكره الحركة الى دايما بعملها .. أنى ابدأ كلام يجرنى لكلام أنا مش عايزة أتكلم فيه


I've missed you talking to and about me 


نفسى أعرف منين بجيب الصبر الى بسيب بيه باب الأمل مفتوح


ساعات الكلام الى بيتكتب بيبقى مخبى حقايق تانية عكس اتجاهه .. أنا نفسى بقه أشيل الكلام وأشوف الى وراه


أنا بحب الناس الى بتخلى لكل كلمة فحياتها معنى


ساعات بنحن لحاجات مبقاش ينفع نحن ليها


ولسه من غبائها متخلصتش .. مصدقة ومتعلمتش 


نفسى ألبس جلابية فلاحى ومنديل مشجر :$


برد المشاعر ألعن ألف مرة من برد الجو


ليه دايما كله متوقع منى التماسك ؟؟


حتى النوم مش مديلى فرصة أحلم


وأنا بذاكر طرق الترجمة .. أكتشفت أن أصعبهم ترجمة المشاعر


بفرح أوى لما بلاقى حد بيقرا كلامى ويقول "أيون هو ده الى بيحصل" أو "أه  أنا حسيت بكده"  .. يعنى بفرح لما بعرف أوصل مشاعر فى حد حاسسها ومش عارف يقولها :)


عدم رؤيتنا للأشياء لا ينفى وجودها بل ساعات بيبقى أكبر دليل على كونها حقيقة !!


كل شخص عامل زى قطعة البازل فحياة شخص أخر .. يعنى محدش بيملى مكان حد


Dear Nostalgia .. Dun flirt my memories cuz my tears have no intention to show itself off !


لما تتوه من نفسك .. دور أحلم حاول ترجع
أصل التوهة دى زى اللزقة 
لو يوم راح تستسلم ليها ..لا تلوم ولا تعتب ولا تزعل


عندى حساسية رهيبة ضد المظاهر 

ليها حق علينا

لما الواحد تيجى عليه فترة يبقى مش طايق أى حاجة ولا أى حد

لما يبقى عايز يغير جزء فحياته يغيرله حياته كلها

لما يبقى حاسس أن باله مشغول ومتكركب وهو مش عارف باله مشغول فأيه

لما يبقى مش عارف حتى يفكر فالسبب الى مشقلبله الدنيا للدرجة دى

لما يحس بالحاجات الى كانت زمان ليها طعم وهو بيعملها أنها بقت ماسخة

لما يحس أنه كان متحكم فكل خيوط الماريونت 

وفجأة الخيوط بدأت تقع واحدة ورا التانية وتجر بعضها

وهو مش عارف يعمل أيه ولا فاهم أيه بيحصل اصلا

هو بيتفرج بس من غير ما يحاول يمسك دى أو يتبت على دى

كل المشاعر السلبية تتحالف عليه وهو مش بيبقى شايف غيرها

لدرجة أن المشاعر دى ممكن توصله أنه يبقى

"حاسس أنه مش حاسس"

كل الى بيفكر فيه دنيا وحياة تانية غير الى هو عايشها

ساعتها يبقى الحل أيه؟؟

مفروض أنه يستسلم ويسيب نفسه للحالة الى هو فيها 

ولا يحاول ينسى ويتجاهل الى حاصله ده

ولا يواجهه ويفكر فيه لحد ما يوصل لحاجة من اتنين

يا أما يزهق الحالة دى من كتر التفكير فيها لحد ما تسيبه وتبعد عنه

يا أما يفهمها ويلاقيلها حل

لو الحالة دى جتلى .. أنا عن نفسى بعرف أنى بعيد عن ربنا

مش أنى مش بصلى أو بعمل حاجات غلط أو أو

لا .. بعرف أن قلبى هو الى بعيد عن ربنا

بعرف أن فى حاجات بينى وبينه

بعرف أنى مفروض أرجعله وأتكلم معاه وأشيل أى حاجة من بالى

لما ده بيحصل كل الى أنا فى بيروح 

بحس أن الأمور بدأت تهون شوية بشوية لحد لما بتختفى تماما اصلا

بعد ما بتخلص من المشاعر السلبية وابدأ ارجع شوية لطبيعتى 

ساعتها بفضل أفكر بقه هو كان فى ؟؟ أنا كان مالى ؟؟

لازم تفضل مؤمن أنك أقوى من أى حاجة وتقدر تتغلب على كل الى يقابلك

أنا بقول "مؤمن" مش "مصدق" بس

أنا بعتبر النوبات الى بتجى للأنسان دى نوع من أنواع خطوات النضج

روحنا بتبقى عايزانا ناخد واقفة أو عايزانا نتكلم معاها

مش جسمنا بس الى بيتعب .. روحنا كمان بتتعب ويمكن أكتر اصلا

زى ما الواحد حاجة بتوجعه فبياخد مسكن

لما روحنا توجعنا محتاجة مننا أننا نديلها مسكن كمان 

جسمك وروحك ليهم حق عليك :)

روحنا ليها حق علينا و"لازم" نتفهمه ونحترمه

Tangled امتحانات :D

يعنى أيه فترة امتحانات ؟؟

هى فترة من القلق والتوتر وحرقة الدم والضغط 

الفترة الى الناس فيها بتذاكر أوى

ومبتحلش أوى برده

أنا مثلا الحمد لله بدأت امتحاناتى انهارده 

والحمد لله وكالعادة حليت زوفت

مش عاوزة أشرح اللخبطة والرغى الفاضى الى انا كتبته بصراحة

بس هو أنا عملت وحش وخلاص

أمتحانى الجاى يوم الأحد

أدعولى من معاميق قلبكم منعا للعك يعنى :D

كل ده مش مهم اصلا .. عادى جدا

الأهم بقه أن فيلمى المفضل نزل منه جزء تانى

أنا مبسووووووووطة خالص اصلا وهموت وأشوفه

بفكر ادخله سينما .. بس مش بدخل سينما أنا .. 

بس ممكن لو لقيت حد ادخل معاه ادخل عادى (أنا بكدب أوى على فكرة)أحم :$

المهم بقه الفيلم اصلا ايه هوووووو

TANGLED <3<3

مممممممممممم ..أسمه بس بيجننى اصلا :)

الفيلم مش مجرد فيلم بحبه علشان كارتون 

الفيلم ده علاقتى به أكبر من كده

يعنى أنا فاكرة الفترة الى نزل فيها الجزء الأول 

فاكرة احداث حياتى ساعتها

فاكرة التخيلات الى جت فبالى فأول مرة أتفرجت فيها عليه

كل شخصية وكل حاجة فيه بيفكرونى بحاجة كانت حلوة وموجودة

وحشتنى أوى روبانزال مع فلين  :)

ده الفيديو بتاع الجزء الجديد :)

وبحب السونج دى أووووووووووى :)

وحشتنى يا فلين <3

رونتى : )

رنــــــــــــــــــــــــــــــــــــــــــا

شكــــــــــــــراً قد الدنيا وأكـــــــــــــتر
: )