The best things in life are unseen ,, that's why we close our eyes when we kiss, cry, and dream .

12/31/11

2012 حبيبتى :)

"اللهم لك الحمد كما ينبغى لجلال وجهك وعظيم سلطانك"

أنا كل يوم بتأكد أكتر من الى قبله أن ربنا بيعملى حاجات فحياتى تستاهل الدعوة دى
زى ما قولت .. أنا نفذت المشروع الى كنت مخططاله
وصلت لكل حد أنا بحبه مسدج وعيدت عليه
أنا كنت فرحانة أوى وأنا بعمل كده
بس فرحت أكتر لما شوفت الردود
شوفت كلام شايل جواه معانى كتيرة أوى خلتنى أبتسم ابتسامة أكبر من الدنيا كلها
ده كان نص رد حد منهم والى خلانى أدمع من الفرحة وأنا بقرأه



ردآ علي الرساله الوهميه من شخصيه ليست خياليه
اعتقد قد حازت على لقب أطيب وأحن قلب وأحلى ضحكة كمان :))
عارفة أن المفترض الكلام دة يببقي سر
بس جزء من رسالتى لازم يبقي هنا يعلن عن مدى ابتهاجه برسالتك
وصدقينى أنا محبتكيش اوى علشان فينا من بعض
انا حبيتك لشخصيتك الجميله في حد ذاتها,
والتشابهات اللى كنت بجمعها معاكى كنت بجمعها 
.علشان حسيتها هتبقي هى حجر أساس  فى صداقتنا
إلى من دخلت حياتى فأشبعتها ولونتها 



أنا قريت الكلام وحسيت حاجات كتيرة حلوة وملخبطة مع بعض
ومن موقعى هذا أحب أوجه رسالة لرنا وأقولها
"رونتى .. أنا بحبك فالله"
ده غير ردود كتييييييير أوى وحلوة أوى جاتلى اصلا
دينا ورحمة وايناس ومنى وحسنا وسارة ورضوى وايثار وايمان 
ردود اكدتلى إنى لسه فارقة فحياة حد ولسه فى ناس بيحبونى
بعد ما كانت 2011 بدأت تقنعنى بالعكس بسبب مواقفها الكتير أوى معايا

2012 .. لو سمحتى .. أنتى بدأتى حلوة وبسطانى  
كملى على كده بقه أبوس أيدك
أنا بعترفلك أهو من بدايتك إنى مش هقدر أتحمل قد الى أتحمله فالى قبلك
ممكن تخلى جنبى الناس الى بحبهم .. كفاية الى أختك أخدته
   ممكن تكونى شوية عادلة معايا وفمعاملتك ليا
Could u believe that i became more fragile
ممكن تخلينى أنجح فالكلية
ممكن تقربينى أنا وإسراء أكتر
وتقربينى لربنا بزيادة
ومش تخلينى أشوف أى حاجة وحشة فأى حد بحبه
أخر طلب .. ممكن لو سمحتى تبعتيلى عريس شبه حد أنا قولتلك عليه
يكون عسول وطيب ودمه خفيف
 وأهم حاجة يكون بيصلى و طويل 
وعلى نفس طريقة تفكيرى كدهو كدهو
عارفة أن كان فى حد كده .. متزعقيش
أبقى اسأليه هو راح فين أو أسالى اختك 2011 عنه
ياريت تفاجئينى يا 2012 زى المفجئات الى كنت بحبها

بحبك خالص :)

14 comments:

  1. :))

    ابتسامه كانت طالعه على وشى وانا بشوف البوست ده
    طريقه كلامك بتخلينى مبتسمه كده
    حتى وانتى بتطلبى من السنه الجديده طريقتك حلوه
    انا لو منها اسمع كلامك على طول اصلا ;)
    انا كنت مبسوطه اكتر بكتييييييير خالص برسالتك يا ميهو انتى ورونا ونيللى
    فارقت معايا بجد
    وحسستنى اد ايه ربنا بيحبنى عشان قابلت ناس زيكم :))

    ربنا يسعد قلبك ياااارب ويحقللك كل اللى بتتمنيه ان شاء الله ♥

    ReplyDelete
  2. :))
    انتو بنات زي العسل
    والسنة دي
    انا متفائلة بيها
    يارب تكون حلوة
    :)
    ويارب تحققي فيها كل ماتتمني
    قولي آمين بقي
    :))

    ReplyDelete
  3. كل سنه وانتم طيبين وسنه سعيده عليكم كلكم

    تحياتي
    محمد عامر

    ReplyDelete
  4. اعجبت بشدة بجلالة مدونتك وما تحمل من كلماتك راقت لى كثيرا
    اسرعت بالانضمام الى قائمة متابعينك وارجو ان تفعلى المثل حتى نقف على اعمالنا

    ReplyDelete
  5. كل سنة وانتي طيبة وبصحة وسعادة وستر وهنا

    وان شاء الله 2012 هتبقا سنة سعيدة علي الجميع
    :)))

    ReplyDelete
  6. :)))))))))
    عجبني اخر طلب انا
    :))

    انتي جميلة اوي ربنا يحقق لك اللي تتمنيه كله يا ربفي كل لحظات حياتك

    ReplyDelete
  7. امنياتك صافية اوى و انتى مصدقة نفسك فحت , ودة اجمل ما فى التدوينة :)

    ReplyDelete
  8. دينا

    أنا ببتسم على طول كل ما بشوفك عندى اصلا :)
    الحمد لله انى كنت سبب فسعادة حد يا دوننا :)
    ربنا يسعدنا ويحققلنا كل الى نفسنا فيه اصلا :)

    ReplyDelete
  9. ريمو

    اهو انتى الى عسل اصلا :)
    ااااااااااااامين ياختى يا رب :D

    ReplyDelete
  10. محمد عامر

    ميرسى وانت طيب يا رب اصلا :)

    نورت :)

    ReplyDelete
  11. أستاذ فاروق

    يا نهار ابيض جلالة مدونتى !!!!!!!!!!
    كبيرة اووووووووووووى الكلمة دى اصلا
    ربنا يخلى حضرتك ميرسى جدا اصلا
    انا الى مبسوطة بوجود حضرتك عندى
    وأكيد هتابع حضرتك على طول اصلا :)

    ReplyDelete
  12. شمس النهار

    وحضرتك طيبة ميرسى جدا
    اميييييين يا رب بأذن الله اصلا :)

    ReplyDelete
  13. نهر الحب

    هههههههههههههه أحم اه ما هى عاجبانى برده انا كمان اصلا :$ :$
    ربنا يخليكى والله شكرا اوى على الكلام الحلو أوى ده اصلا :)

    نورتينى كالعادة :)

    ReplyDelete
  14. روما

    عجبتنى أمنياتك صافية دى :)
    بس ملحقتش ابتسم وفحت دى فصلتنى خالص اصلا ههههههههههه
    ربنا يخليك اصلا

    نورت :)

    ReplyDelete

عاوزة صراحة فالتعليق
مليش فالمجاملات والكلام ده
يلا سمى الله ودوووس :D