The best things in life are unseen ,, that's why we close our eyes when we kiss, cry, and dream .

8/27/11

شوية رومانسية


احم احم .. بما انى رومانسية جدا دلوقتى
طبعا اكيد مش هكبت فى نفسى بقه
مش كفاية انى لوحدى اهو
المهم .. بما ان مدونتى لسه مغمورة خالص مش فى حد عارفها ولا بيدخلها غير شخصية واحدة بس
وانا عاوزاها تفضل كده على طول ومش عاوزة اعملها شير فأى حتة او اوريها لحد علشان تفضل الشخصية دى بس الى بتشوفها
العيد قرب اهو خلاص اصلا ومفروض نكون مبسوطين بقه
انا عن نفسى لسه مش حاسة اوى بفرحة العيد بس ربنا يكرم كده واحس
خلينا ندخل فى الموضوع ونسيبنا من كل المقدمات دى
انا دلوقتى رومانسية من غير سبب
نفسى اخرج واتفسح
نفسى اجرى والعب
نفسى اطير
نفسى اتجوز
هههههههههههههه


والحمد لله والشكر لله هو ده الحلم الوحيد الى انا عايشاله
واتشهرت فى كل حتة بيه
كل بقه بيقول مها اهى الى هتموت وتتجوز
مش عيب والله هو انا بطلب حاجة حرام .. الله
مانا قاعدة اهو لا ارتبطت ولا صاحبت ومستنية الفرج لما يجى
بس مش عارفة هو اتاخر ليه
هههههههههههههه
بس اكيد مسيره هيجى يعنى
انا نفسى اتجوز ونخرج سوا
نفسى نركب مركب فى النيل




نفسى اعيش معاه وتختلط ملامحى بملامحه ويقولوا ايه ده دول بقوا شبه بعض



 نفسى نبقى زى الكلام الموجود هنا وهنا
وزى دى


نفسى فى واحد يقولهالى قدام كل الناس 
انا بحبك
نفسى يتباهى بيا واتفاخر بيه

كل ده انا مستنية ان كل الى بحلم بيه يبقى حقيقة فيوم


عارفة انى لما استنا هتجيلى حاجة احلى
بس اصل الصبر ده مش سهل
هى اه عاقبته حلوة جدا .. بس لحد دلوقتى انا بصبر ومش لقيه نتيجة
وساعات بمل وازهق واقول لا لا على ايه كل ده انا هعمل الى انا عاوزاه
بس برده مش بقدر اصلا
يمكن علشان انا قابلت حاجة كبيرة اوى ولحد دلوقتى مفيش حد عارف ياخد مكانها
يمكن انا اتعودت انى ابقى كده
يمكن فى حد عاملى عمل ولا حاجة
يمكن بحب !
مش مهم السبب يعنى
طبعا كل الى بقوله ده رغى فاضى لا يمت للرومانسية بصلة
ندخل فالموضوع مع انى مش عارفة هقول ايه ولا ايه هو الموضوع اصلا
حلو جدا ان يكون ليك حد فى حياتك بيهتم بيك وباخبارك
وايه مضايقك وايه مفرحك
تحس انه معاك فى كل وقت
دايما على بالك وبتفكر فيه
لما بيبعد عنك بيوحشك وبتقلق عليه
لما بتكونوا سوا مش بيهموكوا اى حاجة او اى حد حواليكم
من الاخر بتحبه يعنى
مش سهل ابدا انك تلاقى شخص كده ويكون صادق بجد
بس لو لقيته اوعى تستسلم زى ما ناس كتير عملوا
خليك معاه وجنبه لحد تبقوا لبعض

يلا .. كل سنة وانتوا طيبين وعيد سعيد يا رب


وبما ان ده مفروض انه بوست رومانسى
وانا مش قولت اى حاجة رومانسية
فهسيب الصور والفيديوهات تقول الى مش عارفة اقوله





هو انا مش هشوفك بقه ؟؟

5 comments:

  1. ياللأسف..شكل الزوار هيزيدوا واحد كده بسببي
    انا مروحة على بلوجي تاني :D

    هوا دور رومانسي ماشي ف البد اليومين دول وان شاء الله هيختفي على طول..ياخوفي يكون مرض مزمن عشان انا لقطته الاسبوع اللي فات ده ^_^

    ان شاء الله هتتجوزي واشوفك عروسة
    وتجيبوا ف الفرح تورتة شوكولا
    وتعزميني عشان آكلها
    شوفتي طموحي كبير اد ايه
    :)

    انتِ عسولة على فكرة
    أفضلي كده

    ReplyDelete
  2. ايه ده ايه ده !
    انا بحلم باين ولا ايه !
    وبعدين اصلا ده انا مدونتى نورت بيكى اقسم بالله
    رفعتى معنوياتى كده بصراحة

    انا اصلى كنت على طول فالدور الرومانسى ده زمان بس دلوقتى مش بيجى غير كل فين وفين اصلا هههههههههه

    امين يا رب يا رب يا رب هههههههههههههه
    انا لو اتجوزت هعزمك اكيد اصلا وهتاكليها بس هاكلها معاكى علشان بحب الشوكولاتة انا اصلا ::$

    والله انا احمررت خجلا من المجاملة دى اصلا
    انتى عسولة اكتر اصلا :)

    وربنا يخليكى وتيجى تنورينى تانى

    ReplyDelete
  3. هو بعد كل ده و بتقولى مافيش رومانسية ازاى طيب ;)


    كل بقه بيقول مها اهى الى هتموت وتتجوز

    :))

    ReplyDelete
  4. فى حاجة :$
    جاى تضحك انتا ولا ايه
    ده ايه ده يا ربى :$
    اه حاجة على قدنا كده ;)

    ReplyDelete
  5. الله بقى ماضحكش يعنى :))

    ReplyDelete

عاوزة صراحة فالتعليق
مليش فالمجاملات والكلام ده
يلا سمى الله ودوووس :D