The best things in life are unseen ,, that's why we close our eyes when we kiss, cry, and dream .

5/23/12

Trust

This feeling when you're about to surrender, and all of a sudden you do your best in order not to let down someone who once told u "I believe in U".

5/19/12

عجز عن الوصف :)

 تأتيك رسائل غير متوقعة بكلام يمس القلب من شخص يعتبر جزء منه .. حينها تدرك كم أن الله راضٍ عنك بآنآس لن يعوضوا 
إليكم واحدة من هذه الرسائل ....

انتى عمرك ما هتكونى نسختى التانيه ابدا

...

ايوان يا ميهو عمر دة ما هيحصل

.......

انتى خلتينى اتاكد الفتره دى من حاجات كتير اوى

......

وفهمت انتى ايه بالنسبه ليا

.....

وبرغم انى وعد نفسي مقعش الوقعه دى تانى

....

الا انى وقعتها معاكى انتى

.....

مافيش فايده فيا مبتعلمش :(

........

بس المرة دى اتعلمت حاجه واحده

..........

واخدة الموضوع من بدري وفهمت اللى فيها قبل
ما اقع اكتر من كده

........

عمرك ما هتكونى نسختى التانيه زى ما كتبتى
انى نسختك التانيه

لانك انتى عمرك ما كنتى بالنسبه ليا نسخه
انتى جزء منى بس عايش برايا

♥ بحبك
20/5/2012
بعد الكلام الحلو ده مقدرتش منزلش بوست بصراحة :)

5/11/12

تحدى الفراق

عندما يحين موعد الفراق ستتجمد أطرافك وتتسابق دقات قلبك وتشخص عيناك 
ستتذكر كل موقف وكل كلمة وكل حرف .. سيصحو شعورك 
ستغمض عيناك متمنيا ألا تراه وهو قادم
 ستصاب بحمة الرعشة بمجرد أحساسك أنه قريب منك يتفقدك
 سينزل خوفك بين دموعك المنهمرة
ستحاول الهرب بعيدا حتى لا ينال منك
ستصرخ .. تثور .. تقاوم .. تعترض
ستدرك أن الوقت قد حان 
فتستسلم 

".. جميلتى لابد أن نفترق
هو آت لا محالة .. سيآتى ليفوز بك .. سيحظى بك وحده
هكذا هو الفراق .. أنانى .. يحرم كلا الطرفين من بعضهما ليستولى على كل منهما على حدى
لكنى لن أتركه يهزمنى .. لن أكون عبدا له .. لن أدع له نشوة الانتصار
سأتحرر منه ومن قيوده .. سأكون أنا الفائز
عندما يهرول لك معتقدا أنه سيمارس دوره الممتع
خبريه .. خبريه بأننى معك ولن يقدر على أنتزاع جذورى من فؤادك
أحرقيه .. أحرقيه قائلة أننى رحلت قبل أن يأتى
دعيه .. دعيه يرى دمى السائل على جسدك 
بشريه .. بشريه بقلبى النابض بين يديك
سأفتقد حضنك يا أجمل من رأت عيناى 
أراك فى حياة أخرى .. حياة بلا فراق
 وإلى أن نصل لهذه الحياة .. وداعا عزيزتى
وداعــا مفعم بالـــلقاء"

تتجمد أطرافها .. تتسابق دقات قلبها .. تشخص عيناها 
تتذكر كل موقف وكل كلمة وكل حرف .. تصحو مشاعرها 
يسيل دمه على جسدها .. وتأخذ قلبه النابض بين كفيها 
عَلِمَت أن الساعة قد دقت 

"أعلم أنك هنا .. لن أسمح لك بالنيل بى .. أنا ايضا سأغادر .. سأنتقم لحبى منك .. سأتركك وحيدا بلا أنيس .. وداعا بلا رجعة أيها الفراق الملعون .. وداعــا مفعم بالأنتصـــار"
يختلط دمها بدمه .. ينبض قلبهما سويا .. ثم
..................................
ــــــــــــــــــــــــــــــــــــــــــــــــــــــــــــــــــــــــــــــــــ
إذا ما جاء الفراق يوما
وجمعنى بك بعد الفراق طريق
وكانت تمسك ذراعيك
وكنت أتعكز ذراعيه
فلا تقل لها كنــــا
ولن أقول له كنـــــا
فوحدنا نعلم يا سيدى
بأنَّا رغم الفراق
مازلنا ومازلنا ومازلنا .. !!
إذا ما جاء الفراق يوماً
وأباحوا لنا تشريح جثة الحب
وتشويه البقاي
فلا تفعل .. ولن أفعل
بدأنا الحكاية قبل الفراق أنقياء
فلننه الحكاية بعد الفراق عظماء !!
من رواية "رغم الفراق" .. نور عبد المجيد


 

5/9/12

كلام سيبقى إلى الأبد 4

فى مثل هذا اليوم من سنتين .. يااااااااااااااه .. سنتين بس الأحداث بتتشقلب كده !!
ميادة -
أنا أختارلك رقية -
عمو كان فى المستشفى علشان القولون -
بس أنت بتتعصبى أزاى أنت عسل وهادية -
  ـــــــــــــــــــــــــــــــــــــــــ
على الهامش : نفسى أشرب شاى بالخوخ
ـــــــــــــــــــــــــــــــــــــــــ



5/4/12

قصاقيص أفكار 3

مقدســات .. فلا تحب أن تتحدث عنها ..فقط تبقيها فى داخلك
لوم .. لا يجب أن تلومهم لأنهم نسوك .. بل ألقى بهذا اللوم على نفسك لأنك أنت من نسيت أولا
مرجِــــع .. فلدى كل منا مرجع يستعين به فى معظم أمور حياته .. لكن لى أنا موسوعة بأكملها
رســـــل .. لم ينتهى عصر الرسل والأنبياء .. فالله يبعث لك رسول تكون فى أشد الحاجة الى كلمة واحدة منه
طرف تـــالت .. بأنا ونفسى لن تكتمل الرؤية .. هناك طرف تالت يأتى بمثلث الكمال
ضحكــــة .. وحده من يتقن البكاء يعرف معنى الضحكة
دعــــــاء .. من يدخل تحت الضمير "هم" أثناء دعائنا , يكون من دخل حقا قلبنا
نِجمــــــة .. فأنا النجمة التى تستمد نورها منك أثناء وجودك وتنطفئ فى غيابك
شُمُـــــوس .. فبعض الأناس يمثلون لحياتنا شموسا نشعر بالبرد والظلام فى البعد عنهم
تَمَــــــــزُق .. فتشعر بنصل سكين يخترق قلبك لأنك حزين عليهم, ضعيف لا تملك ما يمكن فعله
 
(يُتــــبع) 



5/3/12

كلام سيبقى إلى الأبد 3

"تصدق نفسى أسألك من زمان أيه أكتر حاجة ندمت عليها!"
قالتها وهى تنظر إليه وكأنها تعرف الأجابة وأكملت
"أكيد أنا"
لمعت عيناها بالدموع ورسمت تعبير الحزن على وجهها .. فرد
"أنا فعلا ندمان بسببك.. بس علشان معرفتكيش من زمان"
أدارت وجهها بعيدا 
"أنا عارفة أنك بطيب خاطرى"
استدار ليأخذها بين نظره
 "أفتكر أننا بنصارح بعض دايما محاولة منا جاهدين أننا منوصلش لمرحلة أنى أقولك بحبك والعكس .. فى حين أن أحدنا نفسه التانى يعمل كده .. دى أقوى عبارة صريحة قولتهالك من يوم ما اتعرفنا باين"
مع ابتسامة خجل
"دى أحلى عبارة قولتهالى من يوم ما اتعرفنا أعتقد"

5/1/12

شخصى 2

هاه .. بسم الله
أنا بقول أهو من الأول محدش يضيع وقته فى قراءة البوست ده لأنه مش هيستفيد حاجة اصلا
أنا بس بفضفض شوية كده بقالى كتير مش برغى
مممم طيب بما أنه بوست هبلولى كده مش لازم نرتب الكلام بقه زى ما يجى فى بالك 
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
 الفترة دى أنا غريبة جدا .. مش عارفة مالى .. منعزلة شوية عن ناس كتير
بس مع الى بشوفهم وبكلمهم بضحك وأهزر عادى اصلا
 حاسة أن مبقاش فارق معايا حد أو حاجة
مش مضايقة .. بس مش فرحانة .. طعم الفرحة وحشنى جدا اصلا
 نسيت ببقى عاملة أزاى وأنا فرحانة من قلبى .. الفرحة الى تخرع دى
 ـــــــــــــــــــــــــــــــــــــــــــ
أنا بحب ترايدنت بالبطيخ
وبحب صانداى من عند ماك
وبحب بابا وماما وأخواتى .. وبحب كل الناس
ــــــــــــــــــــــــــــــــــــــــــــــــــــ
بابا .. انا أسفة والله اصلا ببقى مدب فى كلامى وأنا متنرفزة 
أنا عارفة اد ايه بتحبنى .. وعارفة أنت بتعمل علشانى أيه .. وعارفة أنك عايش بس علشاننا
بابا علشان خطرى مش تزعل منى والله اصلا بحبك جدا أد الدنيا وأكتر
ــــــــــــــــــــــــــــــــــــــــــــــــــــــــــــــ
أنا نفسى أشتغل وبالمرتب أجيب لكل الى بحبهم حاجات تفرحهم
 ــــــــــــــــــــــــــــــــــــــــــــــــــــــ
ندى .. أنا مش ناسية الورد .. شوفت انهارده بس كان الصبح وقولت هتدبل .. بس هجيبلك والله اصلا
ـــــــــــــــــــــــــــــــــــــــــــــــ
كورسى العزيز .. الى عرفت فيه ناس بجد كويسين جدا .. أنا مبسوطة أنى دخلتك 
  i control .. i <3 u .. ISTian 4eva :)
اليوم انهارده كان حلو جدا .. بكل الضحك والعياط واللعب والأكل واللوحات والمناقشة والخلاف وحمص الشام
هبقى أنزل صورة كده للوحتى العظيمة .. سندريلا الفظيعة
 ـــــــــــــــــــــــــــــــــــــــــــــــــــــــــــ
 أنا بحب كلمة "عبوكو كلكو" وبكره "أساحبى :D
ــــــــــــــــــــــــــــــــــــ
كل صحابى .. متأسفة
ـــــــــــــــــــــــــــــــــــــــــــــــــــــ
معلش لكل الناس الى أنا عايزة أبقى جنبهم وهما محتاجنى جنبهم بس مش نافع
والله والله اصلا أنا موجودة فى كل يوم وفى كل مكان وفى كل لحظة حواليكم
ـــــــــــــــــــــــــــــــــــــــــــــــــــــــــــــــــــ
   أكتشفت حديقة رهيبة على النيل بالظبط وحلوة أوى اصلا أسمها حديقة فنون فى المنيل.. خلاص هتبقى مكان أقامتى بعد كده ولازم فى يوم من الأيام نروحها سوا
 أنا محوشة أماكن كتير أوى اصلا علشان لما اليوم الى من الأيام ده يجى نروحهم كلهم مع بعض
لسه مش روحت سينما علشان أدخلها لأول مرة معاك
ــــــــــــــــــــــــــــــــــــــــــــــــــــــ
كنت لسه بفتكر الشويبس جولد والبيزا 
ــــــــــــــــــــــــــــــــــــــــــــــــــــــــــــ
بحلم أحلام غريبة اليومين دول ! وبيتحلم بيا أحلام أغرب اصلا
ـــــــــــــــــــــــــــــــــــــــــــــــــــــــــــــــــ
الامتحانات قربت وأنا لازم ألحق نفسى لأنى بستهبل
الكورس خلص .. والكورس التانى كلها اسبوعين ويخلص والأسبوع الى بعده 
 امتحاناتى
 يا حلاوة !!
ـــــــــــــــــــــــــــــــــــــــــــــــــــــــــــــــــــــ
مها يا بنت العظيم الأستاذ المحبوب الى كله بيحكى ويتحاكى عنه محمد النجار .. أنتى متماسكة وقوية وبتعرفى تحفظى على مبادئك بس أقولك .. طظ فيكى
أيون أنتى وحشة اصلا وأنا مش راضية عنك اصلا
ناقصك حاجات كتير لازم تظبطيها يا مها من فضلك
ـــــــــــــــــــــــــــــــــــــــــــــــــــــــــــــــــــ
لاب توبتى رورى أنا بحبك خالص :)
ـــــــــــــــــــــــــــــــــــــــــــــــــــــــــــــــــ
يوتوبيا وقوس قزح وسيرة مولع بالهوانم .. عجبتونى 
رغم الفراق .. ألهمتينى وخلتينى أكتب 3 بوستس منهم أنين فى القلب