شخصى ..

تصدقو حلو اوى الاحساس بالمسئولية

احساس انك مسئول عن عيلة كاملة

هو صعب .. بس جميل :)

انا كنت ناوية لما اتجوز ان شاء الله يدينى ويديكو طولة العمر

انى لو كنت ساعتها بشتغل هبطل شغل علشان اتفرغ للبيت

بعدين رجعت قولت لا ايه يعنى ؟ اشتغل واهتم ببيتى

بس بصراحة هبقى بضحك على نفسى

قولت اجرب كده فى نموذج مصغر

اهو الواحد يجرب التجربة قبل ما يدخلها

المهم بما انى الوحيدة الفاضية فالبيت

ده بعد ما اخواتى نزلو المدارس

وانا لسه الجامعة بتاعتى مش بدأت اصلا

فقولت فرصة

طبعا انا الى بعمل الاكل كل يوم

انا الى بروق الشقة كل يوم

انا الى بذاكر لاخواتى مش كل يوم

انا الى بعمل لبابا وماما طلابتهم كل دقيقة

هههههههههههههههه

مش هكدب 

انا بتعب بجد .. بس عارفين التعب الى لى مذاق خاص كده

تعب طعمه فرحة

لما الاقى ماما داخلالى المطبخ وبتقولى

"مها انا جعانة اوى لسه كتير على الاكل؟"

"يعنى يا ماما شوية نونو بس"

"طيب ادينى اى حاجة لحسن جعانة اوى يا بنتى"

ساعتها بشوف قدامى نفس الموقف ده بس بالعكس

لما كنت انا الى بدخل المطبخ اقولها كده

بجد بفرح جدا جدا . بحس انى برودلها حاجة بسيطة من الى عملتو معايا طول حياتى

ولما بابا يهزر معايا ويرخم عليا ويقولى

"مها تعالى شدينى علشان اقوم"

وافضل اشد اشد وهو مش راضى يقوم

وقتها برده بشوف نفس الموقف 

لما كنت صغيرة وبيعلمنى المشى 

واقف و أقع وهو يمسكنى :)

اليومين دول انا حاسة انى الشمس الى بيدور حوليها الكواكب

البيت كله على كلمة واحدة

يا مهاااااااااااااااااا

بعد كل ده 

انا رجعت لقرارى الاول انى مش هشتغل بعد الجواز

_______________________________________________________




حاجة بقه مضايقانى جدا من نفسى 
ممكن ابقى متخانقة مع حد ومش طايقاه
بس مجرد مايقولى خلاص مش تزعلى او يكلمنى عادى
بنسى كل حاجة وبتصرف عادى جدا
وده طبعا بيخلى ناس كتير اوى يستغلونى
ويزعلونى براحتهم خالص
ما عادى بقه مهى هتنسى
افهم بس ! انا لحد امتى هفضل كده
مش عارفة اغير الحتة دى ابدا بجد
لانى حتى لما برجع اتعامل كويس
مش بيبقى من بره بس 
لا انا من جوايا فعلا بكون نسيت وصفيت
المشكلة ان كتير من الحواليا مش بيقدرو ده
وبيتصرفوا براحتهم
وانا ازعل مرة واتنين وعشرة
وفكل مرة بسامح
والموضوع ده بجد ضاغط عليا جدا جدا
ومضايقنى من نفسى اوى
لانى بحس لما بسامحهم انى باجى على كرامتى
وانا اهم حاجة فالدنيا عندى 
كرامتى 
بس اعمل ايه فطبيعتى الزفت دى !!!!

مقتطفات :)

حلو اوى انك تقوم من النوم الصبح مش شايف قدامك اصلا


ولسه بقايا الاحلام فى دماغك بتحاول تجمعها


علشان مش تنسى الحلم زى كل يوم


وتمسك الموبايل تشوف الساعة كام 


علشان تحدد هتقوم ولا هتكمل نوم


وفجأة أن أن أاااااان


تلاقى ابتسامة وخضة حصلولك اول ما فتحت الموبايل


تلاقى مسدج غير متوقعة ويعنى الى حد ما حلوة


فتنوى انك زى ما اليوم بدأ حلو


هتنهيه برده حلو ومش هتخلى اى حاجة تعكنن عليك

_____________________________________________________________________________________


تسمحي بالرقصه ديا؟



تسمحي...


فيه غنوه جايه...
غنوه ليكي...
عن عنيكي...
قادره توصف اللي بيا
الليله دي حبي بان
والشتا دفى المكان
نفسي اقولك من زمان
تسمحي بالرقصه دي




عمر طاهر

_____________________________________________________________________




هى :


.. ألف مبروك على خطوبتك ، سمعت بأنها فتاة جميلة جداً

وفي سرها

..(أنا متأكدة بأنها خطفت قلبك و إحتلت تفكيرك)

... هو :
..بارك الله فيكى ، بالفعِل هى جميلة
و في سره

...(و لكنك مازلتي أجمل فتاة عرفتها بحياتي)
هي :
.. سمعت بأنها ظريفة و رائعة !
و في سرها
...(و تحمل جميع الصفات التي لم أكن أحظى بها)

هو :
...نعم هي كذلك
و في سره
... (و لكن هي لاشئ مقارنة بك)


هي :
.. أنا متأكدة بأنك تعرف عنها كل شئ الآن !
و في سرها
..(كما كنت تعرف عني كل شئ تماماً)

هو :
... فقط مجرد أشياء معدودة
و في سره
.. (لم أكن أتذكر ما قالته لي عن نفسها عندما أتذكرك)

هي :
...على أي حال أتمنى أن تبقى معها للأبد
و في سرها
.. (في حال بأني لم أبقى معك)

هو :
.. و أتمنى أن نبقى نحن أيضاً
و في سره
..(مهما حدث لي و لك)


هي :
.. حسناً ، يجب أن أذهب الآن !
و في سرها
..(قبل أن أبدأ بالبكاء)

هو :
..حسناً ، و أنا أيضاً
و في سره
..(أتمنى أن لا أراك تبكين)
هي :
.. وداعاً
و في سرها
..(أنا مازلت أحبك)


هو :
.. أراك لاحقاً
و في سره
...(لم أتوقف عن حبك)

___________________________________________________________


انا مش عاوزة الموقف ده يحصلى ابدا ابدا

بعد الشر يا رب


____________________________________________________________




كلانا فى الصمت حزين

لن أقبل صمتَك بعد اليوم

لن أقبل صمتي

أطلالي تصرخ بين يديك

حَرك شفتيك..

اِنطِق كي أنطق..

اصرخ كي أصرخ..

ما زال لساني مصلوباً بين الكلمات

ماذا في رأسك.. خبرني !

وأنا مسجونٌ في صمتكْ

أطلالُ العمرِ على وجهي

نفسُ الأطلالِ على وجهكْ

وكلانا في الصمتِ سواء.

فأنا إنسان يهزمني قهرُ الإنسان..

وأراكَ الحاضر والماضي

أَهربُ فأراكَ على وجهي

وأراكَ القيدَ يمزّقني..

وأراكَ القاضيَ.. والسجان!.

اِنطقْ كي أنطقْ

أصحيح أنك

أخذتَ تدور على الدنيا

وأخذتَ تغوصُ مع الأعماق

تبحث عن سرّ الأرضِ..

وسرِّ الخلقِ.. وسرّ الحب

وسرِّ الدمعِة والأشواق

ماذا في قلبكَ؟ خبّرني!..

ماذا أخفيتْ؟..

دعني كي أدخلَ في رأسكْ

ويلي من صمتي!.. من صمتك!

سأهشّمُ صمتَكَ كي أنطق!..

والدمعةُ في قلبي نار

تشتعل حريقاً في الأحداق

ماذا.. سأقول؟


لــ فاروق جويدة

_____________________________________


واخيرا انا أمتى هلاقى الشخص الى يقولى قصيدة نزار قبانى "الا 


أنتى" ؟؟؟


هه 

نفسى : )

قريت حاجة بتقول

االمرأه لا تنسى رجلاً أَحبّته ,,~

والرّجلُ لا ينسى امرأةً لَم يستَطِع الحصولَ عليها ,,~

يبقى مفروض بقه انى ابطل دعاء لربنا أنه يجمعنا ؟؟

_______________________________________________________

نفسى اسكت

نفسى اقعد فى مكان لوحدى

او اروح مكان محدش عارفنى فيه

او اقعد على شط بحر واسرح

او اطلع فوق برج عالى اوى بالليل

او اركب عربية واسوق بسرعة فى طريق فاضى

نفسى اعد على جزيرة رملها ابيض واحط رجلى فى المية

نفسى انام على زرع اخضر وابص للسما 

وتبقى منورة بالقمر وبتلمع بالنجوم

نفسى اتنطط ورجلى تترفع من على الارض

نفسى اصرّخ

نفسى اغمض عينى واحس انى فى عالم تانى

نفسى اجرى فوق كوبرى على البحر

نفسى الجو يبرد والدنيا تمطر

وامشى تحت المطرة واكل ايس كريم

نفسى ارقص على عزف بيانو

نفسى اطير

نفسى العب بالرمل واعمل اشكال

نفسى احس بطعم الفرحة بجد

نفسى اتفاجئ

نفسى انط من فوق شلالال عاااااااااااااااااالى اوى

نفسى اتلحوس بالشكولاتة

واخيرا ....

نفسى ابص فى عينيك

وفجأة .....

مضى يومها كأى يوم

لم يحدث اى شئ جديد

وفى اخر اليوم دخلت على سريرها

ظلت هائمة سارحة

تأتى وتروح بها الافكار

تبتسم عندما تتذكر شئ فرحها فى يوم

تكشر عندما تتذكر شئ جرحها فى يوم

تضحك بصوت عال عند تذكرها بشئ فاجئها فى يوم

وسط كل هذا تغمض عينيها على صورته التى تنام عليها دائما

وفجأة ......

ينتشر السواد حولها

وتتجمد افكارها ومشاعرها

لا شايفة ولا سامعة ولا حاسة حاجة

وتنتقل لعالم اخر

ساندة بضهرها على الكرسى

وضوء الشمس ملامس وشها

قاعدة وسط ناس وبتتكلم

وفجأة .......

تلاقيه داخل عليها

ووقف قدامها وبيتكلم

فى اللحظة دى تفكيرها وقف

لقت نفسها مش شايفة اى حاجة حواليها غيره

دى حتى نسيت ترفع الطرحة على شعرها لما دخل

وفضلت بصاله وساكتة

كأن حد وقف شريط كان بيتفرج عليه

فاقت من البنج الى كانت فيه

رجعت للعالم الى كان حواليها

ووسط كلام كتير بيتقال

جيه الدور عليها تتكلم وتقول رأيها فالحديث الى كان بيدور

لسه بتقول يا هادى وبتبدأ تتكلم

جت عيونها على عنيه

وفجأة ......

أحست انها انفصلت مرة اخرى عن من حولها

أحست انها غرقت فى بحر لا قاع له 

تحاول أن تصل للشاطئ .. ولكن لا تعرف

لا تملك الا ان تستسلم لعينيه وتبتسم

وتفضل بصاله من غير ولا كلمة

وتغمض عينيها لتفتحهما فى عالم اخر

وفجأة ......

تفتحهما على صدمة ملئتها بخيبة الامل

لم تجده امامها

ادركت ان كل ما كانت تراه كان مجرد حلم

نعم كانت تعلم فى الحلم انه حلم

وارادت تحدى نفسها أنها اذا فتحت عينيها ستجده أمامها

ارادت تحدى نفسها انه ليس حلم فقط

وأنه موجود فعالمها الحقيقى بجانبها وقتما تريده

فأغمضت عينيها وبداخلها رغبة شديدة للرجوع للحلم

أغمضت لانها تعلم انها لن تتمكن من رؤيته فى حقيقتها

أغمضت وهى تنوى عدم تحدى نفسها مرة اخرى

والبقاء فى احلامها طالما ذلك يحقق لها السعادة

ولكن ..

هل سيبقى هو مجرد طيف تراه احلامها  و صورة خياليه تظل تمنيها ؟؟

أم ..

سيتحول يوما لحقيقة ملموسة تراها رؤى العين ؟؟

وبما أن ..

الاحتمال الاول نسبة تحققه أكثر

اذا ..

فلنلغى الاحتمال الثانى !!

كلام وخلاص

كنت راجعة من عند صحبتى الانتيم

الى حاولت على قد ما قدرت انى اقضى معاها وقت حلو

بس مقدرتش

وده لان كان فى حاجات مضايقانى

وانا عندها ضحكت علشان تحس انى مبسوطة

ورغيت واتنططت كمان

بس وكأن كان فى واحدة تانية هى الى قاعدة معاها

بتسمعلها وتتكلم معاها

انا فضلت اعمل اه امم اه امم

مسكت مخى وتفكيرى بالعافية علشان مفكرش فالى مضايقنى

بس مع الاسف منحجتش 100 فال 100

كنت راكبة العربية ومروحة

وفى جنبى طفل قاعد عمال يبُصلى

ضحكتله وبصيت فى الشباك

وبعد شوية لقيت دماغه على دراعى

مامته تشيله وتضبطه ويرجع تانى

ساعتها الدمعة الى كانت هتموت وتنزل من الصبح

نزلت بسرعة جدا وكأنها مش عاوزة حد يشوفها

فضلت مبسوطة بالطفل ومتنحة فالى مضايقنى

لحد دلوقتى مش قادرة انسى احساس الولد وهو نايم على دراعى

ولا قادرة انسى الى مضايقنى

بس انا حسدت الولد ساعتها لانه لما احتاج مكان يريح راسه فيه

من غير مايفكر

ومن غير ما يدور

لقى المكان ده ونام فيه كمان

انا نفسى كمان لما احتاج لحد

من غير ما افكر ومن غير ما أقول الاقيه جنبى

With No Title !

So i need you to say it, 
If you really want to let me go 
Coz i don't believe, you know i don't, 
Won't you tell me the truth, 
Yes i need you to say it, 
If you really want this love to end, 
Look me in the eye and don't pretend, 
That what we have is through .. !!